မြန်မာ့အရေး ကုလလုံခြုံရေးကောင်စီ အလွတ် သဘောဆွေးနွေးချက်အပြီး ဘာတွေ ဖြစ်လာနိုင်လဲ
မြန်မာနိုင်ငံအကျပ်အတည်း၊ ပဋိပက္ခနဲ့ ကိုဗစ်အရေး လက်ရှိဘယ်အခြေအနေမှာရှိနေသလဲ Myanmar Crisis: Conflict and COVID – Where Are We Now?
ဆိုတဲ့ ခေါင်းစဉ်နဲ့ မြန်မာနိုင်ငံမှာ လတ်တ လောရင်ဆိုင်နေရတဲ့ နိုင်ငံရေးနဲ့ ကိုဗစ်အခက်အခဲတွေကို ဒီကနေ့ မြန်မာစံတော် ချိန် ည ၉ နာရီကျရင် ကုလသမဂ္ဂ လုံခြုံရေးကောင်စီမှာ အလွတ်သဘော ဆွေးနွေးကြဖို့ ရှိပါတယ်။
မြန်မာနိုင်ငံတွင်းက တရားဥပဒေ စိုးမိုးမှုအခြေအနေ၊ မြန်မာ့အရေး အာဆီယံရဲ့ အချက် (၅) ချက်ပါ သဘောတူညီချက် ဆောင်ရွက်နေမှု တိုးတက်မှု အခြေအနေ၊ စာနာမှုအကူအညီပေးရေးဆိုင်ရာ ကိစ္စရပ်တွေနဲ့ ဆိုးရွားလာနေတဲ့ COVID-19 ကူးစက် ပြန့်ပွားမှုအခြေအနေ စတဲ့
မြန်မာနိုင်ငံ လတ်တလော ရင်ဆိုင်နေရတဲ့ စိန်ခေါ်မှုတွေနဲ့ပတ်သက်လို့ ပြည်တွင်းက ဒီမိုကရေစီအရေး တက်ကြွလှုပ်ရှားသူတွေနဲ့ တိုင်းရင်းသား ပြည်သူတွေရဲ့အသံတွေကို နားထောင်ဖို့အတွက်ဆိုပြီး လုံခြုံရေးကောင်စီအဖွဲ့ဝင် ဗြိတိန်နိုင်ငံက ကမက ထပြုပြီး ဒီဆွေးနွေးပွဲကို ခေါ်ယူ ကျင်းပတာပါ။
ဒီဆွေးနွေးပွဲမှာ ကြားကာလ အမျိုးသားညီညွတ်ရေးအစိုးရ (NUG) က အမျိုးသမီးရေးရာဝန်ကြီး ဒေါ်စူဆန်နာလှလှစိုး၊ ကချင် ကြားဖြတ် နိုင်ငံရေးပူးပေါင်းဆောင်ရွက်အဖွဲ့
(Kachin Political Interim Coordination Team- KPICT) ကအထွေထွေအ တွင်းရေးမှူး ဂွမ်ဆန်းအဲန်စန်းတို့ တက်ရောက်တင်ပြကြမှာ ဖြစ်ပါတယ်။
Arria Formula Meeting လို့ခေါ်တဲ့ လုံခြုံ ရေးကောင်စီမှာ မြန်မာ့အရေး အလွတ် သဘော ဆွေးနွေးပွဲကို NUG ကိုယ်စားလှယ်တဦး တက်ရောက်တင်ပြတာ ဒါဟာ ပထမဆုံးအကြိမ်ဖြစ်ပါလိမ့်မယ်။
မြန်မာနိုင်ငံမှာ ဖေဖော်ဝါရီလ ၁ ရက်နေ့ စစ်တပ်က အာဏာသိမ်းလိုက်ပြီးတဲ့နောက်ပိုင်း ဧပြီလအတွင်း ကုလသမဂ္ဂ လုံခြုံရေးကောင်စီမှာ မြန်မာ့အရေးနဲ့ပတ်သက်ပြီး
ပထမဆုံးအကြိမ် Arria Formula Meeting အလွတ်သဘောဆွေးနွေးပွဲ လုပ်ခဲ့ချိန်က NUG အစိုးရမဖွဲ့ခင်တည်ရှိခဲ့တဲ့ CRPH အနေနဲ့ ပါဝင် တင်ပြခဲ့ဖူးပါတယ်။
Source ဗွီအိုအေမြန်မာပိုင်း
