အိမ်ထောင်ပြု၊ ဘုရားတည်၊ ဆေးမင်ရည်စုပ်ထိုးဆိုတာက ပြုလုပ်ပြီးရင် ပြန်ပြင်ဖို့ ခက်ခဲတဲ့ အရေးကိစ္စတွေဖြစ်ပါတယ်။ ဒီထဲကမှ အိမ်ထောင်ပြုခြင်းဟာ သင့်ဘ၀အတွက် အရေးကြီးတဲ့ ဆုံးဖြတ်ချက်တစ်ခု ဖြစ်ပါတယ်။ အခြားလူတစ်ယောက်နဲ့ သင့်ရဲ့ဘ၀တစ်ခုလုံးကို အတူကုန်ဆုံးဖို့၊ အရာရာအားလုံးကို ဝေမျှခံစားဖို့၊ ပေးဆပ်တတ်ဖို့ ဆုံးဖြတ်ရတဲ့ အချိန်ဖြစ်ပါတယ်။ ဒီလိုဆုံးဖြတ်ရတာက စိုးရိမ်စရာဖြစ်သလို စိတ်လှုပ်ရှားစရာလည်းကောင်းပါတယ်။ ဒါ့ကြောင့် ဆုံးဖြတ်ချက်တွေ မှန်ကန်စေဖို့အတွက်
သင့်ရဲ့ဘ၀လက်တွဲဖော်ဖြစ်ဖို့ရည်မှန်းထားသူကို ဒီမေးခွန်းတွေ မေးကြည့်ဖို့ လိုပါလိမ့်မယ်။
၁။ အိမ်ထောင်ပြုပြီး ကလေးယူဖို့ အစီအစဉ်ရှိမရှိ
ဒီမေးခွန်းက အရေးကြီးပါတယ်။ အိမ်ထောင်တစ်ခုမှာ ကလေးရှိခြင်း၊ မရှိခြင်းက အပြောင်းအလဲတွေ အများရှိဖြစ်စေပါတယ်။ ဒါ့ကြောင့် ကလေးယူဖို့ အစီအစဉ်နဲ့ပတ်သက်ပြီး ဘယ်အချိန်ယူမယ်၊ ဘယ်နှစ်ယောက်ယူမယ် စသဖြင့် ကြိုတင်ဆွေးနွေးထားသင့်ပါတယ်။
၂။ တစ်ဦးရဲ့ ငွေကြေးဆိုင်ရာ အယူအဆတွေ၊ ရည်မှန်းချက်တွေ တစ်ဦးက သေချာသိပြီလား။ ငွေကို ဘယ်လို သုံးမယ် ဘယ်လိုစုမယ်ဆိုတဲ့ စိတ်ကူးတွေ တူညီမှုရှိရဲ့လား။
ငွေရေးကြေးရေးကိစ္စနဲ့ပတ်သက်လာရင် အရမ်းချစ်ပါတယ်ဆိုတဲ့ စုံတွဲတွေမှာတောင် အချစ်လျော့သွားတတ်ပါတယ်။ ဒါ့ကြောင့် နှစ်ဦးနှစ်ဖက် ကျေနပ်မှုရှိတဲ့ ငွေကြေးစီမံခန့်ခွဲမှုတစ်ခု ရှိထားဖို့ လိုပါတယ်။ လက်မထပ်ခင်ကတည်းက ရှေ့လျှောက်ငွေကြေးကိစ္စတွေနဲ့ ပတ်သက်ပြီး ဘယ်လိုကိုင်တွယ်မလဲဆိုတာကို မေးမြန်းဆွေးနွေးထားပါ။
၃။ ချစ်ခင်ကြင်နာမှုခြင်း ထပ်တူကျရဲ့လား။ ကိုယ်ချစ်သလောက် ပြန်ချစ်နိုင်လား။
ရေရှည်လက်တွဲသွားဖို့အတွက် တစ်ဦးနဲ့တစ်ဦး အပြန်အလှန်ချစ်ခင်ကြင်နာမှုရှိနေဖို့ လိုပါတယ်။ နှစ်ဦးသား အကြားမှာ ချင်ခင်ကြင်နာမှုမရှိတော့တာကို ခံစားနေရပြီဆိုရင်တော့ သေချာဆွေးနွေးဖို့ လိုအပ်နေပါပြီ။
၎။ အေးအတူ ပူအမျှ ဖြစ်နိုင်ရဲ့လား
လူနှစ်ယောက်လက်ထပ်လိုက်ပြီဆိုတာနဲ့ နှစ်ယောက်တစ်ဘ၀ ဖြစ်သွားပါပြီ။ ဘ၀တစ်လျှောက်မှာ ဆုံးဖြတ်စရာကိစ္စတွေ၊ အဖြစ်အပျက်တွေ မျိုးစုံကြုံတွေ့ရမှာဖြစ်ပြီး တစ်ဦးနဲ့တစ်ဦး သဘောထားချင်း မျှတဖို့ လိုအပ်ပါတယ်။ အပြန်အလှန် သဘောတူညီမှုရှိမှသာ ရေရှည်လက်တွဲနိုင်မှာဖြစ်ပါတယ်။
၅။ သူ့ဘက် ကိုယ့်ဘက် မိတ်ဆွေအပေါင်းအသင်းတွေကို လက်ခံနိုင်ပြီလား
လက်ထပ်ပြီးတဲ့နောက်ပိုင်းမှာလည်း နှစ်ဦးစလုံးမှာ မိတ်ဆွေအပေါင်းအသင်းတွေ ရှိနေဦးမှာဖြစ်ပါတယ်။ မိတ်ဆွေအပေါင်းအသင်းဆိုတာ ဘ၀ရဲ့အရေးကြီးတဲ့အစိတ်အပိုင်းတစ်ခုဖြစ်တဲ့အတွက် လစ်လျူရှုထားလို့ မဖြစ်ပါဘူး။ သူ့ဘက် ကိုယ့်ဘက် မိတ်ဆွေသူငယ်ချင်းတွေကို အပြန်အလှန်လေးစားမှုရှိဖို့ လိုပါတယ်။ မဟုတ်ရင်တော့ ပြဿနာတွေက စောင့်ကြိုနေမှာ သေချာပါတယ်။ လူနှစ်ယောက် ဘယ်လောက်ပဲ ချစ်ကြတယ်ဆိုပါစေ၊ ကိုယ်ပိုင်အချိန် ကိုယ်ပိုင်လွတ်လပ်ခွင့်ကို အပြန်အလှန်လေးစားတတ်ရမှာ ဖြစ်ပါတယ်။
၆။ နှစ်ဖက်မိသားစုတွေကို အပြန်အလှန်လေးစားလက်ခံနိုင်ပြီလား
ဒါအချက်က သိပ်တောင်စဉ်းစားနေစရာမလိုပါဘူး။ နှစ်ဖက်မိသားစုရဲ့လက်ခံနိုင်မှုနဲ့ ချစ်ခင်မှုက အိမ်ထောင်တစ်ခု ခိုင်မြဲဖို့အတွက် အရေးကြီးပါတယ်။ အကယ်၍ တဖက်မိသားစုနဲ့ပတ်သက်ပြီး ပြဿနာတစ်ခုခု ရှိနေတယ်ဆိုရင်လည်း ဖြေရှင်းပြီး လက်ခံပေးနိုင်ဖို့ ကြိုးစားရမှာဖြစ်ပါတယ်။
၇။ ကိုယ့်မိသားစုနဲ့ပတ်သက်ပြီး တဖက်သူ ငြိုငြင်စရာတွေက ဘာတွေလဲ
နံပါတ်(၆)မေးခွန်းရဲ့ အဆက်ဖြစ်ပါတယ်။ ကိုယ့်ရည်မှန်းထားသူက ကိုယ့်မိသားစုကို ငြိုငြင်ရတဲ့အချက်တွေ သိဖို့ဖြစ်ပါတယ်။ သူမကြိုက်တာတွေ သိလာပြီဆိုရင် ပြဿနာကို ဖြေရှင်းနိုင်မှာဖြစ်ပါတယ်။ လူတိုင်းရဲ့ မိသားစုမှာ မိသားစုဝင်မဟုတ်သူတစ်ယောက် လက်မခံနိုင်တဲ့ အချက်တွေရှိတတ်ပါတယ်။ ဒါကို ကြိုးစားညှိနှိုင်းရမှာဖြစ်ပါတယ်။
၈။ အိမ်ထောင်ရေးအတွက် အားလုံးကို ပေးဆပ်စွန့်လွှတ်နိုင်ပြီလား
ချစ်သူရည်းစားဘ၀မှာတောင် အပြန်အလှန်အလျှော့ပေးညှိနှိုင်းရတာတွေ၊ ပေးဆပ်ရတာတွေရှိတာကြောင့် အိမ်ထောင်တစ်ခု တည်ထောင်မယ်ဆိုရင် ဒီအချက်က ပိုအရေးကြီးလာပြီဖြစ်ပါတယ်။ အိမ်ထောင်ရေး ခိုင်မြဲဖို့အတွက် ဘယ်လိုအခြေအနေမျိုးပဲဖြစ်ဖြစ် အပြန်အလှန် တတ်နိုင်သမျှပေးဆပ်စွန့်လွှတ်နိုင်ဖို့ လိုပါတယ်။
၉။ အခြေအနေကြောင့် တစ်နေရာစီခွဲနေရရင် နေနိုင်မှာလား
ကြိုမမြင်နိုင်တဲ့ အရေးကိစ္စတွေ အဖြစ်အပျက်တွေအတွက် အမြဲတမ်းအတူရင်ဆိုင်ကျော်ဖြတ်နိုင်ဖို့ လိုပါတယ်။ အလုပ်ကိစ္စကြောင့်ပဲဖြစ်ဖြစ် တစ်ယောက်က အခြားတစ်နေရာကို ခွဲနေရမယ်ဆိုရင်လည်း အပြန်အလှန် ခွန်အားပေးပြီး ထောက်ပံ့ကူညီပေးနိုင်ဖို့လည်း လိုပါတယ်။
၁၀။ နှစ်ဦးသားအတွင်းရေးတွေ ပွင့်ပွင့်လင်းလင်း ဆွေးနွေးနိုင်မှာလား
အိမ်ထောင်ပြုတဲ့အခါမှာ တစ်ဦးနဲ့တစ်ဦး အူမချေးခါးမကျန် အတွင်းသိအစင်းသိ သိထားတာ အကောင်းဆုံးပါပဲ။ ဒီလို အတွင်းရေးတွေကို ပွင့်ပွင့်လင်းလင်း ပြောပြနိုင်ဖို့လည်း လိုပါတယ်။ ဒါ့ကြောင့် ရှက်ကြောက် သိုဝှက်မထားပဲ အချင်းချင်းအပွင့်လင်းဆုံး ဆွေးနွေးပါ။
၁၁။ တစ်ယောက်အကြောင်းတစ်ယောက် အကုန်သိပြီလား
လက်မထပ်ခင်မှာ တစ်ယောက်အကြောင်းကို တစ်ယောက်က မကောင်းတာတွေရော ကောင်းတာတွေပါ အားလုံးသိပြီးသားဖြစ်သင့်ပါတယ်။ နောက်မှသိလာရမယ်ဆိုရင် အယုံကြည်ရဆုံးသူက လိမ်တာခံရသလို ခံစားရနိုင်ပါတယ်။ အားလုံးမှာ မကောင်းတဲ့အချက်တွေ၊ အတွေ့အကြုံတွေရှိပါတယ်။ ပွင့်ပွင့်လင်းလင်း ပြောဆိုတိုင်ပင်ပါ။
နောက်ထပ် မေးခွန်းလေးခုကတော့ –
၁၂။ အသက်တွေကြီးလာချိန်အထိ အတူရှိနေဖို့ စိတ်ကူးထားလား
၁၃။ ဘယ်အချိန်ပဲဖြစ်ဖြစ် ဘာပဲဖြစ်ဖြစ် ကိုယ့်ဘက်မှာရှိတာအားလုံးကို ပေးဆပ်ဖို့အဆင့်သင့်ဖြစ်ပြီလား
၁၄။ တစ်ယောက်နဲ့တစ်ယောက် ဖူးစာဖက်တွေအဖြစ် နှလုံးသားချင်းထပ်တူကျသူတွေအဖြစ် လက်ခံနိုင်ပြီလား
၁၅။ ကိုယ်ပိုင်အတ္တတွေထဲ နှစ်ဦးသားဆက်ဆံရေးကို ပိုပြီအလေးအမြတ်ထားနိုင်ပြီလား ဆိုတာတွေပဲဖြစ်ပါတယ်
