တကယ့်စစ်မှန်တဲ့ မေတ္တာဆိုတာ နှောင်ကြိုးတွေမပါဘူး
ကိုယ်က သူ့ကိုချစ်တယ်ဆိုပြီးတော့ အကျိုးရှိအောင် လုပ်ပြီးတော့
သူ့ဆီက တစ်စုံတစ်ခု ပြန်ရဖို့အရေးကို လုံး၀ မျှော်လင့်ချက်မထားဘူး။
တချို့ကတော့လည်း သူတစ်ပါးအတွက် အနစ်နာခံပါတယ်
ဆိုပြီးတော့ သူတပါးရဲ့ဘဝကို အပိုင်စီးထားတာတွေ ရှိတယ်။
သတိထားကြည့်ရင် တွေ့လိမ့်မယ်။ ” ငါ နင်တို့အတွက် အနစ်နာခံရတာ၊
နင်တို့ကို ကယ်တင်ထားရတာ၊ နင်တို့အတွက် အနစ်နာခံထားရတာမို့လို့
ငါပြောတဲ့စကားကို နင်တို့ တသွေမတိမ်းလိုက်နာရမယ်။
နင်တို့ဉာဏ်နဲ့နင်တို့ မစဉ်းစားနဲ့တော့၊ ငါပြောတာ၊ ငါလုပ်ပေးတာကို လက်ခံလိုက်၊
ခေါင်းငြိမ့်လိုက်၊ ငါက ကောင်းတယ်ဆိုရင် ကောင်းတယ်လို့ပဲ ယူဆတော့၊
ငါက မကောင်းဘူးဆိုရင် မကောင်းဘူးလို့ဘဲ ယူဆလိုက်တော့။
ငါက နင်တို့ကို ကယ်တင်ထားရသည့်အတွက်ကြောင့်
နင်တို့ဘဝနဲ့ ပတ်သက်ပြီး အစစအရာရာ ဆုံးဖြတ်ပိုင်ခွင့်ရှိတယ်။” လို့ သဘောထားမိတတ်တယ်။
တချို့ ဒီလိုသဘောထားမိတာတွေ ရှိတယ်နော်။
ဒီလိုပြောတတ်တာတွေလည်း အများကြီး ကြားဖူးပါတယ်။
ဒီလိုပြောတယ်ဆိုရင် တကယ့်မေတ္တာ မဟုတ်တော့ဘူး။
တကယ်စစ်မှန်တဲ့ မေတ္တာ၊ နှောင်ကြိုးမဲ့မေတ္တာမျိုးဟာ လွတ်လပ်နေတယ်။
လွတ်လပ်မှုကိုလည်း ပေးတယ်။
မေတ္တာပေးတာမှာ တစ်ခုခု နှောင်ကြိုးပါနေရင်
သူ့ဆီက တစ်ခုခုမျှော်လင့်နေရင် ကိုယ်က မျှော်လင့်နေရတာနဲ့ကိုပဲ မလွတ်လပ်တော့ဘူး။
ငါမျှော်လင့်တာ သူ့ဆီက ရပါ့မလား၊ ဘယ်တော့ရမလဲ၊ မရရင် ဘယ်လို လုပ်ရပါ့မလဲ၊
တွေးနေရတယ်၊ မလွတ်လပ်တော့ဘူး။ ငါ ဘာမှ မမျှော်လင့်ပါဘူး။
ငါတတ်နိုင်တာ လုပ်ပေးလိုက်ပြီးပြီ၊ ပြီးပြီ။ ဒါပဲ။ လွတ်လပ်သွားတယ်နော်။
ရတဲ့လူကလည်းပဲ သူ့ဆီက ငါ အကူအညီယူထားတယ်၊ ရထားတယ်။
သူက ငါ့ကို မေတ္တာ အင်မတန်ကြီးမားလွန်းလို့ ငါ့ကို အကူအညီတွေ အများကြီးပေးတယ်၊
ငါသူ့ကို ကျေးဇူးပြန်ဆပ်ရဦးမှာပဲ၊ သူကတော့ တစ်ခုခု ပြန်မျှော်လင့်ဦးမှာပဲဆိုတဲ့
စိတ်ကလေး သူ့မှာရှိနေရင် မြင်တိုင်း မြင်တိုင်း အကြွေးရှင်ကို ပြန်မြင်ရတဲ့လူလို ဖြစ်နေတယ်။
အကြွေးမဆပ်သေးဘူးလားလို့ မေးတာကို ခံရသလို ဖြစ်နေတယ်။ ခံရသိပ်ခက်တယ်နော်။
ဒါကြောင့် တကယ်ချစ်ရင် နင် ငါ့ကျေးဇူးကို မသိပါဘူးလို့ မပြောပါနဲ့။ နင်တို့ ကျေးဇူးကန်းတယ်လို့ မပြောလိုက်ပါနဲ့။
ဘာကြောင့်တုန်းဆိုတော့ ဒီလိုပြောလိုက်ရင် အဓိပ္ပာယ်က နှောင်ကြိုးပါနေတယ်၊
လွတ်လပ်တဲ့ မေတ္တာ မဟုတ်တော့ဘူး။ ပေးနိုင်ရင် လွတ်လွတ်ကျွတ်ကျွတ်ပဲ ပေးလိုက်ပါ။
ဒီလို မပေးနိုင်ရင်လည်း မပေးနိုင်မှန်း သိလိုက်ပါ။ အပြစ်မတင်ပါနဲ့။ ဒါဟာ အတင်းကြီး ဖြစ်အောင် လုပ်လို့ရတာ မဟုတ်ဘူး။
မေတ္တာဆိုတာ ငါ မေတ္တာစစ်ထားမယ်ဆိုတာနဲ့လည်း ဖြစ်မသွားဘူး။
အင်မတန်အသိဉာဏ်ကြီးမှ အမြဲတမ်း ကိုယ့်စိတ်ကို သိနေ၊ ကြည့်နေမှ ဖြစ်လာတယ်။
ဆရာတော်ဦးဇောတိက (မဟာမြိုင်တောရ)
=============
Unicode
တကယ့်စစ်မှန်တဲ့ မေတ္တာဆိုတာ နှောင်ကြိုးတွေမပါဘူး
ကိုယ်က သူ့ကိုချစ်တယ်ဆိုပြီးတော့ အကျိုးရှိအောင် လုပ်ပြီးတော့
သူ့ဆီက တစ်စုံတစ်ခု ပြန်ရဖို့အရေးကို လုံး၀ မျှော်လင့်ချက်မထားဘူး။
တချို့ကတော့လည်း သူတစ်ပါးအတွက် အနစ်နာခံပါတယ်
ဆိုပြီးတော့ သူတပါးရဲ့ဘဝကို အပိုင်စီးထားတာတွေ ရှိတယ်။
သတိထားကြည့်ရင် တွေ့လိမ့်မယ်။ ” ငါ နင်တို့အတွက် အနစ်နာခံရတာ၊
နင်တို့ကို ကယ်တင်ထားရတာ၊ နင်တို့အတွက် အနစ်နာခံထားရတာမို့လို့
ငါပြောတဲ့စကားကို နင်တို့ တသွေမတိမ်းလိုက်နာရမယ်။
နင်တို့ဉာဏ်နဲ့နင်တို့ မစဉ်းစားနဲ့တော့၊ ငါပြောတာ၊ ငါလုပ်ပေးတာကို လက်ခံလိုက်၊
ခေါင်းငြိမ့်လိုက်၊ ငါက ကောင်းတယ်ဆိုရင် ကောင်းတယ်လို့ပဲ ယူဆတော့၊
ငါက မကောင်းဘူးဆိုရင် မကောင်းဘူးလို့ဘဲ ယူဆလိုက်တော့။
ငါက နင်တို့ကို ကယ်တင်ထားရသည့်အတွက်ကြောင့်
နင်တို့ဘဝနဲ့ ပတ်သက်ပြီး အစစအရာရာ ဆုံးဖြတ်ပိုင်ခွင့်ရှိတယ်။” လို့ သဘောထားမိတတ်တယ်။
တချို့ ဒီလိုသဘောထားမိတာတွေ ရှိတယ်နော်။
ဒီလိုပြောတတ်တာတွေလည်း အများကြီး ကြားဖူးပါတယ်။
ဒီလိုပြောတယ်ဆိုရင် တကယ့်မေတ္တာ မဟုတ်တော့ဘူး။
တကယ်စစ်မှန်တဲ့ မေတ္တာ၊ နှောင်ကြိုးမဲ့မေတ္တာမျိုးဟာ လွတ်လပ်နေတယ်။
လွတ်လပ်မှုကိုလည်း ပေးတယ်။
မေတ္တာပေးတာမှာ တစ်ခုခု နှောင်ကြိုးပါနေရင်
သူ့ဆီက တစ်ခုခုမျှော်လင့်နေရင် ကိုယ်က မျှော်လင့်နေရတာနဲ့ကိုပဲ မလွတ်လပ်တော့ဘူး။
ငါမျှော်လင့်တာ သူ့ဆီက ရပါ့မလား၊ ဘယ်တော့ရမလဲ၊ မရရင် ဘယ်လို လုပ်ရပါ့မလဲ၊
တွေးနေရတယ်၊ မလွတ်လပ်တော့ဘူး။ ငါ ဘာမှ မမျှော်လင့်ပါဘူး။
ငါတတ်နိုင်တာ လုပ်ပေးလိုက်ပြီးပြီ၊ ပြီးပြီ။ ဒါပဲ။ လွတ်လပ်သွားတယ်နော်။
ရတဲ့လူကလည်းပဲ သူ့ဆီက ငါ အကူအညီယူထားတယ်၊ ရထားတယ်။
သူက ငါ့ကို မေတ္တာ အင်မတန်ကြီးမားလွန်းလို့ ငါ့ကို အကူအညီတွေ အများကြီးပေးတယ်၊
ငါသူ့ကို ကျေးဇူးပြန်ဆပ်ရဦးမှာပဲ၊ သူကတော့ တစ်ခုခု ပြန်မျှော်လင့်ဦးမှာပဲဆိုတဲ့
စိတ်ကလေး သူ့မှာရှိနေရင် မြင်တိုင်း မြင်တိုင်း အကြွေးရှင်ကို ပြန်မြင်ရတဲ့လူလို ဖြစ်နေတယ်။
အကြွေးမဆပ်သေးဘူးလားလို့ မေးတာကို ခံရသလို ဖြစ်နေတယ်။ ခံရသိပ်ခက်တယ်နော်။
ဒါကြောင့် တကယ်ချစ်ရင် နင် ငါ့ကျေးဇူးကို မသိပါဘူးလို့ မပြောပါနဲ့။ နင်တို့ ကျေးဇူးကန်းတယ်လို့ မပြောလိုက်ပါနဲ့။
ဘာကြောင့်တုန်းဆိုတော့ ဒီလိုပြောလိုက်ရင် အဓိပ္ပာယ်က နှောင်ကြိုးပါနေတယ်၊
လွတ်လပ်တဲ့ မေတ္တာ မဟုတ်တော့ဘူး။ ပေးနိုင်ရင် လွတ်လွတ်ကျွတ်ကျွတ်ပဲ ပေးလိုက်ပါ။
ဒီလို မပေးနိုင်ရင်လည်း မပေးနိုင်မှန်း သိလိုက်ပါ။ အပြစ်မတင်ပါနဲ့။ ဒါဟာ အတင်းကြီး ဖြစ်အောင် လုပ်လို့ရတာ မဟုတ်ဘူး။
မေတ္တာဆိုတာ ငါ မေတ္တာစစ်ထားမယ်ဆိုတာနဲ့လည်း ဖြစ်မသွားဘူး။
အင်မတန်အသိဉာဏ်ကြီးမှ အမြဲတမ်း ကိုယ့်စိတ်ကို သိနေ၊ ကြည့်နေမှ ဖြစ်လာတယ်။
ဆရာတော်ဦးဇောတိက (မဟာမြိုင်တောရ)
