ရှောင်နေသူတွေပြန်လာရင် အမှုပိတ်ပေးမယ်လို့ စစ်ကောင်စီပြော

စစ်အာဏာသိမ်းပြီးနောက် အာဏာသိမ်း ဆန့်ကျင်ရာက တိမ်းရှောင်နေတဲ့ ဝန်ထမ်းတွေ၊ တတ်သိပညာရှင်တွေ နဲ့ နယ်ပယ်အသီးသီးကပုဂ္ဂိုလ်တွေ ပြန်လာရင် အမှုပိတ်ပေးမယ်လို့ စစ်ကောင်စီက ကြေညာလိုက်ပါတယ်။

ဒါပေမဲ့ လူသတ်၊ဗုံးခွဲ၊မီးရှို့၊လုယက်မှုတွေနဲ့ စစ်ကောင်စီတပ်ဖွဲ့ဝင်တွေကို တိုက်ခိုက်သူတွေ၊ နိုင်ငံပိုင်အဆောက်အအုံတွေကို ဖျက်ဆီးသူတွေနဲ့ အကြမ်းမဖက်အာဏာဖီဆန်မှု CDM မှာ ထဲထဲဝင်ဝင် ပါနေသူတွေကိုတော့ အမှုပိတ်သိမ်းပေးမယ့်စာရင်းမှာ မပါဘူး လို့ စစ်ကောင်စီက အတိအလင်း ကြေညာပါတယ်။

‘ရိုးရိုး CDM လုပ်တဲ့ သူတွေကိုလည်း ကျွန်တော်တို့ပြန်လက်ခံနေပါတယ်’ လို့ ရန်ကုန်တိုင်းရဲတပ်ဖွဲ့က အရာရှိတစ်ဦးက ဘီဘီစီကို ပြောပါတယ်။ပြန်လာချင်သူတွေ ဆက်သွယ်ဖို့ တိုင်းနဲ့ ပြည်နယ် ရဲစခန်းဖုန်းနံပါတ်တွေ နဲ့ အီးမေးလ်လိပ်စာတွေ ကို နိုင်ငံပိုင်သတင်းစာတွေမှာ ထည့်သွင်းကြေညာထားပါတယ်။

ဒီနံပါတ်တွေဟာ အရင်က CDM လုပ်တဲ့သူတွေကို တိုင်ဖို့ဖွင့်ထားတဲ့ ဖုန်းနံပါတ်တွေလည်း ဖြစ်ပါတယ်။အခုတော့ ပြန်လာချင်သူတွေကို ကူညီပေးမယ့် ဖုန်းတွေအဖြစ် ပြောင်းလိုက်ပြန်ပါပြီ။ကရင်ပြည်နယ်ရဲတပ်ဖွဲ့က မနက်ကအထိ ဒီလိုပြန်လည်လက်ခံရေးအစီအစဥ်ကို မသိရှိသေးပါဘူး။

ဘီဘီစီက ဆက်သွယ်မေးမြန်းတဲ့အခါ တာဝန်ကျအမျိုးသမီးတစ်ဦးက CDM တွေကို တိုင်ကြားဖို့ ဆက်သွယ်လာတယ်လို့ ထင်နေသေးတာပါ။အလားတူ ချင်းပြည်နယ်ရဲတပ်ဖွဲ့ကလည်း ဘီဘီစီရဲ့မေးမြန်းမှုကို မဖြေကြားနိုင်ပါဘူး။

ဒါပေမဲ့ ရန်ကုန်တိုင်းနဲ့ ကချင်ပြည်နယ်ရဲတပ်ဖွဲ့ကတော့ လုပ်ငန်းစဥ်တွေကို သေချာရှင်းပြနိုင်ပါတယ်။ပြန်လာမယ့်သူတွေက ကိုယ်ရေးအချက်အလက်တွေကို ရဲစခန်းကို ဖုန်းဆက်ပေးရမှာဖြစ်ပြီး ရပ်ကွက်အုပ်ချုပ်ရေးမှူးနဲ့အတူ သက်ဆိုင်ရာရဲစခန်းကို လာရမှာဖြစ်တယ်လို့ ရန်ကုန်တိုင်းက ရဲအရာရှိတစ်ဦးက ရှင်းပြပါတယ်။

‘စခန်းကိုလာရင် ကျွန်တော်တို့ လုံးဝမဖမ်းဘူး’လို့ သူက အာမခံ ပါတယ်။အဲ့ဒီနောက် အမှုပိတ်သိမ်းတဲ့ လုပ်ငန်းစဥ်တွေကို ဆက်လုပ်ပေးသွားမယ်လို့ ရဲအရာရှိက ပြောပါတယ်။စစ်ကောင်စီအနေနဲ့ ဖမ်းထားသူတွေကို ပြန်လွှတ်ပေးနေတာတွေ၊ အမှုပိတ်သိမ်းပေးတာတွေ ဆက်တိုက်ပြုလုပ်နေပါတယ်။

နောက်ဆုံး ပြန်လွှတ်ပေးခဲ့တာက သြဂုတ် ၂ ရက်က ဖြစ်ပြီး ရန်ကုန် အင်းစိန်ထောင် နဲ့ ပုသိမ် အကျဥ်းထောင်တို့မှာ လှုံ့ဆော်မှု၊ မမှန်သတင်းဖြန့်မှု ပုဒ်မ ၅၀၅-က နဲ့ ချုပ်နှောင်ခံထားရတဲ့ ဆရာဝန်တွေနဲ့ ဌာနဆိုင်ရာဝန်ထမ်းတချို့ကို ပြန်လွှတ်ပေးခဲ့တာပါ။

ဒါပေမဲ့ တစ်ဖက်မှာလည်း အာဏာသိမ်းမှုဆန့်ကျင် ဆန္ဒပြသူတွေကို အရပ်ဝတ်တွေနဲ့ ဖမ်းတာတွေ၊ သံပုံးတီးတဲ့ လမ်းတွေကို ညအချိန်မတော်ဝင်ဖမ်းတာတွေလည်း ပြုလုပ်နေဆဲပါ။

စမ်းချောင်းမြို့နယ်ထဲက သံတံတားလမ်းက လူငယ်တချို့ကိုလည်း သြဂုတ် ၂ ရက် ည မှာ ဝင်ရောက်ဖမ်းဆီးခဲ့ပါသေးတယ်။အိမ်စောင့်အစိုးရလို့ အမည်ပြောင်းလိုက်တဲ့ သြဂုတ် ၁ ရက် နေ့မှာပဲ အကြမ်းဖက်မှုတိုက်ဖျက်ရေး ဥပဒေကို ပြင်ဆင်ပြီး ထောင်ဒဏ်တွေကို တိုးမြှင့်လိုက်ပါတယ်။

စစ်ကောင်စီက မတရားအသင်းကြေညာထားတဲ့ CRPH၊ NUG နဲ့ PDF တို့ကိုထောက်ခံတဲ့ လိုဂိုတွေကို လူမှုကွန်ရက်မှာ အသုံးပြုရင်ကို အကြမ်းဖက်မှုတိုက်ဖျက်ရေး ဥပဒေနဲ့ ငြိစွန်းတယ်လို့ ခြိမ်းခြောက်ထားပါတယ်။

စစ်ကောင်စီကထုတ်ပြန်ထားတဲ့ ရဲတပ်ဖွဲ့ရုံးတွေရဲ့ ဖုန်းတွေကို ဘီဘီစီက ဆက်သွယ် စုံစမ်းကြည့်တဲ့အခါ ပြန်လာဖို့ စုံစမ်းတဲ့သူဟာ ဆယ်ဂဏန်းတောင်မရှိသေးတာ တွေ့ရပါတယ်။CDM လုပ်ပြီးတိမ်းရှောင်နေတဲ့ ဆရာဝန်တစ်ဦးက ဆိုရင် အခုလိုပြန်ခေါ်တာကို အယုံအကြည်မရှိဘူး လို့ ဘီဘီစီကိုပြောပါတယ်။

————————–

စစ္အာဏာသိမ္းၿပီးေနာက္ အာဏာသိမ္း ဆန္႔က်င္ရာက တိမ္းေရွာင္ေနတဲ့ ဝန္ထမ္းေတြ၊ တတ္သိပညာရွင္ေတြ နဲ႔ နယ္ပယ္အသီးသီးကပုဂၢိဳလ္ေတြ ျပန္လာရင္ အမႈပိတ္ေပးမယ္လို႔ စစ္ေကာင္စီက ေၾကညာလိုက္ပါတယ္။

ဒါေပမဲ့ လူသတ္၊ဗုံးခြဲ၊မီးရႈိ႕၊လုယက္မႈေတြနဲ႔ စစ္ေကာင္စီတပ္ဖြဲ႕ဝင္ေတြကို တိုက္ခိုက္သူေတြ၊ ႏိုင္ငံပိုင္အေဆာက္အအုံေတြကို ဖ်က္ဆီးသူေတြနဲ႔ အၾကမ္းမဖက္အာဏာဖီဆန္မႈ CDM မွာ ထဲထဲဝင္ဝင္ ပါေနသူေတြကိုေတာ့ အမႈပိတ္သိမ္းေပးမယ့္စာရင္းမွာ မပါဘူး လို႔ စစ္ေကာင္စီက အတိအလင္း ေၾကညာပါတယ္။

‘႐ိုး႐ိုး CDM လုပ္တဲ့ သူေတြကိုလည္း ကြၽန္ေတာ္တို႔ျပန္လက္ခံေနပါတယ္’ လို႔ ရန္ကုန္တိုင္းရဲတပ္ဖြဲ႕က အရာရွိတစ္ဦးက ဘီဘီစီကို ေျပာပါတယ္။ျပန္လာခ်င္သူေတြ ဆက္သြယ္ဖို႔ တိုင္းနဲ႔ ျပည္နယ္ ရဲစခန္းဖုန္းနံပါတ္ေတြ နဲ႔ အီးေမးလ္လိပ္စာေတြ ကို ႏိုင္ငံပိုင္သတင္းစာေတြမွာ ထည့္သြင္းေၾကညာထားပါတယ္။

ဒီနံပါတ္ေတြဟာ အရင္က CDM လုပ္တဲ့သူေတြကို တိုင္ဖို႔ဖြင့္ထားတဲ့ ဖုန္းနံပါတ္ေတြလည္း ျဖစ္ပါတယ္။အခုေတာ့ ျပန္လာခ်င္သူေတြကို ကူညီေပးမယ့္ ဖုန္းေတြအျဖစ္ ေျပာင္းလိုက္ျပန္ပါၿပီ။ကရင္ျပည္နယ္ရဲတပ္ဖြဲ႕က မနက္ကအထိ ဒီလိုျပန္လည္လက္ခံေရးအစီအစဥ္ကို မသိရွိေသးပါဘူး။

ဘီဘီစီက ဆက္သြယ္ေမးျမန္းတဲ့အခါ တာဝန္က်အမ်ိဳးသမီးတစ္ဦးက CDM ေတြကို တိုင္ၾကားဖို႔ ဆက္သြယ္လာတယ္လို႔ ထင္ေနေသးတာပါ။အလားတူ ခ်င္းျပည္နယ္ရဲတပ္ဖြဲ႕ကလည္း ဘီဘီစီရဲ႕ေမးျမန္းမႈကို မေျဖၾကားႏိုင္ပါဘူး။

ဒါေပမဲ့ ရန္ကုန္တိုင္းနဲ႔ ကခ်င္ျပည္နယ္ရဲတပ္ဖြဲ႕ကေတာ့ လုပ္ငန္းစဥ္ေတြကို ေသခ်ာရွင္းျပႏိုင္ပါတယ္။ျပန္လာမယ့္သူေတြက ကိုယ္ေရးအခ်က္အလက္ေတြကို ရဲစခန္းကို ဖုန္းဆက္ေပးရမွာျဖစ္ၿပီး ရပ္ကြက္အုပ္ခ်ဳပ္ေရးမႉးနဲ႔အတူ သက္ဆိုင္ရာရဲစခန္းကို လာရမွာျဖစ္တယ္လို႔ ရန္ကုန္တိုင္းက ရဲအရာရွိတစ္ဦးက ရွင္းျပပါတယ္။

‘စခန္းကိုလာရင္ ကြၽန္ေတာ္တို႔ လုံးဝမဖမ္းဘူး’လို႔ သူက အာမခံ ပါတယ္။အဲ့ဒီေနာက္ အမႈပိတ္သိမ္းတဲ့ လုပ္ငန္းစဥ္ေတြကို ဆက္လုပ္ေပးသြားမယ္လို႔ ရဲအရာရွိက ေျပာပါတယ္။စစ္ေကာင္စီအေနနဲ႔ ဖမ္းထားသူေတြကို ျပန္လႊတ္ေပးေနတာေတြ၊ အမႈပိတ္သိမ္းေပးတာေတြ ဆက္တိုက္ျပဳလုပ္ေနပါတယ္။

ေနာက္ဆုံး ျပန္လႊတ္ေပးခဲ့တာက ၾသဂုတ္ ၂ ရက္က ျဖစ္ၿပီး ရန္ကုန္ အင္းစိန္ေထာင္ နဲ႔ ပုသိမ္ အက်ဥ္းေထာင္တို႔မွာ လႈံ႕ေဆာ္မႈ၊ မမွန္သတင္းျဖန္႔မႈ ပုဒ္မ ၅၀၅-က နဲ႔ ခ်ဳပ္ေႏွာင္ခံထားရတဲ့ ဆရာဝန္ေတြနဲ႔ ဌာနဆိုင္ရာဝန္ထမ္းတခ်ိဳ႕ကို ျပန္လႊတ္ေပးခဲ့တာပါ။

ဒါေပမဲ့ တစ္ဖက္မွာလည္း အာဏာသိမ္းမႈဆန႔္က်င္ ဆႏၵျပသူေတြကို အရပ္ဝတ္ေတြနဲ႔ ဖမ္းတာေတြ၊ သံပုံးတီးတဲ့ လမ္းေတြကို ညအခ်ိန္မေတာ္ဝင္ဖမ္းတာေတြလည္း ျပဳလုပ္ေနဆဲပါ။

စမ္းေခ်ာင္းၿမိဳ႕နယ္ထဲက သံတံတားလမ္းက လူငယ္တခ်ိဳ႕ကိုလည္း ၾသဂုတ္ ၂ ရက္ ည မွာ ဝင္ေရာက္ဖမ္းဆီးခဲ့ပါေသးတယ္။အိမ္ေစာင့္အစိုးရလို႔ အမည္ေျပာင္းလိုက္တဲ့ ၾသဂုတ္ ၁ ရက္ ေန႔မွာပဲ အၾကမ္းဖက္မႈတိုက္ဖ်က္ေရး ဥပေဒကို ျပင္ဆင္ၿပီး ေထာင္ဒဏ္ေတြကို တိုးျမႇင့္လိုက္ပါတယ္။

စစ္ေကာင္စီက မတရားအသင္းေၾကညာထားတဲ့ CRPH၊ NUG နဲ႔ PDF တို႔ကိုေထာက္ခံတဲ့ လိုဂိုေတြကို လူမႈကြန္ရက္မွာ အသုံးျပဳရင္ကို အၾကမ္းဖက္မႈတိုက္ဖ်က္ေရး ဥပေဒနဲ႔ ၿငိစြန္းတယ္လို႔ ၿခိမ္းေျခာက္ထားပါတယ္။

စစ္ေကာင္စီကထုတ္ျပန္ထားတဲ့ ရဲတပ္ဖြဲ႕႐ုံးေတြရဲ႕ ဖုန္းေတြကို ဘီဘီစီက ဆက္သြယ္ စုံစမ္းၾကည့္တဲ့အခါ ျပန္လာဖို႔ စုံစမ္းတဲ့သူဟာ ဆယ္ဂဏန္းေတာင္မရွိေသးတာ ေတြ႕ရပါတယ္။CDM လုပ္ၿပီးတိမ္းေရွာင္ေနတဲ့ ဆရာဝန္တစ္ဦးက ဆိုရင္ အခုလိုျပန္ေခၚတာကို အယုံအၾကည္မရွိဘူး လို႔ ဘီဘီစီကိုေျပာပါတယ္။