ဆွစ်ဇာလန်နိုင်ငံက မွေးကင်းစ ကလေးလေးကတော့ အသက် ၁၈ နှစ်အထိ wifi အခမဲ့သုံးစွဲခွင့် ရသွားပါပြီ။
အသက် ၁၈ နှစ်အထိ wifi အခမဲ့သုံးခွင့်ရသွားတဲ့ အကြောင်းရင်းကတော့ သူမကို အင်တာနက် ဝန်ဆောင်မှုကုမ္ပဏီတစ်ခုရဲ့ နာမည်ပေးလိုက်လို့ပါ။
Twifi ဆိုတဲ့ ကုမ္ပဏီက မွေးကင်းစကလေးတွေကို သူတို့ကုမ္ပဏီရဲ့ နာမည်ပေးရင် ၁၈ နှစ်တာ အင်တာနက် အခမဲ့ သုံးစွဲခွင့်ပေးမယ်လို့ ကမ်းလှမ်းခဲ့ပါတယ်။
မွေးကင်းစကလေးက ယောက်ျားလေးဖြစ်မယ်ဆိုရင် Twifius လို့ ပေးရမှာဖြစ်ပြီး မိန်းကလေးဆိုရင်တော့ Twifia လို့ ပေးရမှာပါ။ မိဘတွေက သူတို့ရဲ့သမီးကို အလယ်နာမည်အဖြစ် Twifia လို့ ပေးလိုက်ကြပါတယ်။ Wifi ခအတွက် သက်သာသွားမယ့် ငွေတွေကို သမီးဖြစ်သူအတွက် ငွေစုစာအုပ်လုပ်ပြီး သိမ်းထားပေးလို့ မိဘတွေက ပြောပါတယ်။
အစပိုင်းမှာတော့ Twifia ရဲ့အမေက သမီးဖြစ်သူကို ဒီနာမည်ပေးဖို့ နည်းနည်းတုံ့ဆိုင်း နေပါသေးတယ်။ နောက်တော့ သဘောတူလိုက်ပါတယ်။
” ကျွန်မအတွက်တော့ Twifia ဆိုတဲ့နာမည်က ပိုပြီးရင်းနှီးသလို ခံစားရတယ်။ Twifia လို့ ခေါ်တဲ့အခါတိုင်း ပိုပြီး ချစ်ခင်ရင်းနှီးလာရတယ် ” လို့ Twifia ရဲ့အမေက ပြောပါတယ်။
Tiwifia ရဲ့ မိဘတွေကို ဂုဏ်ပြုလေးစားတဲ့အနေနဲ့ Twifi ကုမ္ပဏီကြီး မရှိတော့ရင် အင်တာနက် အခမဲ့သုံးစွဲခွင့်ရအောင် လုပ်ဆောင်ပေးမယ်လို့ Twifi ရဲ့ တည်ထောင်သူနဲ့ CEO ဖြစ်တဲ့ Philippe Fotsch က ပြောပါတယ်။
Zombie (Lovemedia)
