လေဖြတ်လူနာများအတွက် သတင်းကောင်း.

လေဖြတ်လူနာများအတွက် သတင်းကောင်း။ လေဖြတ်လျှင် ကြေးသွင်းပါ ။

လေဖြတ်လျှင် ကြေးသွင်းပါ။လေဖြတ်ရောဂါကား ခေတ်စား၍ အဖြစ်များနေပါသည်။ အသက်(၄၀)ကျော် ကျား/မ များ အဖြစ်များနေပါသည်။ စာရေးသူ၏ ဇနီးက အသက်(၆၆)နှစ် ရှိပါပြီ။ ဝဖြိုး၍ ကျန်းမာရေး ကောင်းပါသည်။

သို့သော် ယခုနှစ်ပိုင်းတွင် နေပူသွားဖြင်း၊ လူအုပ်ထဲသွားခြင်းများ ပြုပါက ခေါင်းမူး၊ ခေါင်းကိုက် ဖြစ်လာပါသည်။ တစ်ခါတစ်ရံ အိမ်နီးချင်းဆရာမထံသွား၍ သွေးချိန်ကြည့်ပါသည်။ (၁၇၀-၈၀)ခန့် ရှိနေတတ်ပါသည်။ “ဘာမှ မဖြစ်ပါ”ဟု ဂရုမစိုက်ခဲ့ပါ။

၁၂-၁-၂၀၁၂ နေ့ ည(၉းဝ၀)နာရီတွင် စာရေးသူမှာ ရင်ကျပ်နေသဖြင့် ဆေးရုံသွား၊ အောက်စီဂျင်ရှူရန် အကြောင်းပေါ်လာပါသည်။ (၈)မိုင်ဝေးသောတောင်တွင်းကြီး မြို့ဆေးရုံသို့ ကားကလေးဖြင့် အမြန်သွားရခြင်းပါ။ အလွန်အေးချမ်းသော ညဖြစ်ပါသည်။

ဇနီးသည်တွင် အပေါ်အနွေးထည် အကျီ်မပါပါ။

ကားမောင်းအသွားလမ်းတစ်ဝက်မှာ ရင်ကျပ်သူက ရင်ကျပ်ကောင်းတုန်း ဇနီးသည်က အအေးပတ်ခါ သွေးတိုး၍ အန်ပါတော့သည်။

ဆေးရုံအရောက်တွင် ကိုယ်တစ်ခြမ်း (ဘယ်ဘက်)လုံး လှုပ်မရ၊ လေဖြတ်ပါတော့သည်။ စာရေသူအား ဆေးရုံလိုက်ပို့သူများက ဆေးရုံတွင် ဆရာဝန်၊ ဆရာမများအားအပ်၍ အောက်ဆီဂျင်ပေးချိန်မှာ ဇနီးသည်အားလည်း ဆေးရုံအရေးပေါ်ခန်းတွင် ပြသ၍ ဆေးရုံတင်ခဲ့ရပါသည်။

ဆရာဝန် ဆရာမများက စားဆေး၊ ထိုးဆေးများဖြင့် အမြန်ကုသကြပါသည်။ ဆေးရုံတွင် တစ်ရက်တစ်ညနှင့် ခြေလက်များ လှုပ်ရှားနိုင်ကာ နေကောင်းသွားပါသည်။ လေဖြတ်ခြင်းကို အချိန်မီ ချက်ချင်းကုသရခြင်း အကျိုးကျေးဇူးဟု သိရပါသည်။

သို့သော် ဘယ်ဘက်လက်ထုံကျဉ်နေပါသည်။ (၇)ရက်ရှိသောအခါ ရန်ကုန်မြို့ (…) ဆေးခန်းသို့ အထူးကု ဆရာဝန်သမားတော်နှင့် ပြသပါသည်။ ရောဂါရှာ၍ ဆေးအမျိုးမျိုး (၈)လစာပေး၍ နေရပ်ပြန်ခဲ့ပါသည်။

လက်ကတော့ ထုံကျဉ်နေဆဲပါ။ အိမ်ပြန်ဆေးစား၊ အနားယူချိန်မှာပင် မိတ်ဆွေ ဆရာဦးဝင်း (အငြိမ်းစား)က လူမာမေးရောက်လာပါသည်။

ဦးဝင်းက စာရေးသူနှင့် ဟိုးမူလတန်း ဆရာဖြစ်သင်တန်း တက်စဉ်ကတည်းက အတူသင်တန်းတက်ခဲ့သူပါ။ ယခု အငြိမ်းစားယူပြီးသည့် လူပျိုကြီးပါ။ အထွေထွေဗဟုသုတနှင့် ပြည့်စုံသူပါ။

အိမ်ထောင်မပြုတာကလွဲလို့ အားလုံး နှံ့စပ်သိမြင်သူပါ။ ထို့ကြောင့်လေဖြတ်ရောဂါအကြောင်းပြောပြပါသည်။

သူပြောပြတာကတော့ လူတိုင့်း ကိုယ်ခန္ဓာတွင် ရွှေဓာတ်၊ ငွေဓာတ်လိုပါက ရွှေသွင်းကုသရကြောင်း ယခု လေဖြတ်ရောဂါမှာ ကြေးဓာတ်လိုအပ်၍ ဖြတ်ရကြောင်း..။

ထို့ကြောင့် လေဖြတ်ပါက ကြေးဓာတ်သွင်းပုံမှာ ခြေဖဝါး၊ လက်ဖဝါးတို့တွင် ကြေးဇွန်းနှင့် အကြိမ်ကြိမ် ပွတ်တိုက်ပေးရကြောင်း။

ထိုကြေးသွင်းနည်းကို လွန်ခဲ့သော အနှစ်(၃၀)ခန့်က စာအုပ်တစ်အုပ်တွင် ဖတ်ဖူးခဲ့၍ မှတ်းသားခဲ့ကြောင်း။ သူကိုယ်တိုင် အသက်(၆၀)နှစ်ရှိ ဦးကြီးတစ်ယောက် လေဖြတ်သည်ကို ကြေးသွင်းကုသပေးဖူးကြောင်း။

လေဖြတ်သူမှာ ခြေ လက် လုံးဝ မလှုပ်နိုင်တော့ကြောင်း၊ မျက်လုံးသူငယ်အိမ်ပင် မလည်တော့ကြောင်း၊ ယင်းသို့ဖြစ်နေစဉ် ခြေဖဝါးနှစ်ဖက်လုံးကို ကြေးဇွန်းဖြင့် ပွတ်တိုက်ပေးကြောင်း။

လူအလဲအလှယ်နှင့် ဆက်တိုက် တိုက်ပေးခဲ့ရာ (၄၅)မိနစ်ခန့် တိုက်ပြီးသောအခါဦးခေါင်းလှုပ်လာကြောင်း၊ ဆက်လက်ပွတ်တိုက်ပေးခဲ့ရာ မကြာမီ လူမှန်းသိလာကာ ကုလားထိုင်တွင် ထိုင်ပေးရကြောင်း။

ဆက်လက်၍ အဆက်မပြတ် ပွတ်တိုက်ပေးခဲ့ရာ များမကြာမီ လူမမာက ထမင်းစားလိုကြောင်း ပြောလာသဖြင့် ထမင်းကျွေးရပါကြောင်း။

ထို့နောက် ထလမ်းလျှောက်နိုင်ကာ လူကောင်းပကတိကဲ့သို့ ဖြစ်သွားပါကြောင်း။ ထိုဦးကြီးမှာ ယခုအသက်(၈၀)နှင့် ကျန်းမာဝဖြိုးလျှက်ရှိပါကြောင်း။

နောက်ထပ်လည်း လေဖြတ်သူ သုံး၊ လေး ဦးခန့် ကြေးသွင်းကုသပေးခဲ့ရကြောင်း၊ ကြေးဇွန်းနှင့်ပွတ်တိုက်ရာတွင် ပထဝီကြောနှင့် နီးသော ခြေဖဝါးကိုသာ များများပွတ်ပေးရမည်ဖြစ်ကြောင်း ပြောပြပါသည်။

ဇနီးသည်အားလည်း လက်ထုံကျဉ်နေသည်ကို ကြေးသွင်း ကုသပေးသင့်ကြောင်း အကြံပြုသဖြင့် ကုသကြည့်ရာ လက်အကျဉ်ပျောက်သွားသဖြင့် ယခုကြေးသွင်းနည်းကို ဖြန့်ဝေလိုက်ပါသည်။

လက်တွေ့ကုသကာ ဆေးနည်းပေးသော တောင်တွင်းကြီးမြို့အနီး ညောင်ပင်လှရွာမှ ဆရာကြီးဦးဝင်းအား ကျေးဇူးတင်ပါကြောင်း ဖော်ပြအပ်ပါသည်။

Credit- ကောင်းထက်(ချောင်းနက်)

မူရင်းရေးသားသူကိုလေးစားစွာCredit ပေးပါသည်။

ကျန်းမာရေးဗဟုသုတများကို နေ့စဉ်နဲ့အမျှတင်ပေးနေတာမို့(page)ထဲကိုဝင်ရောက်လေ့လာဖို့ဖိတ်ခေါ်ပါရစေ ။ ။