အရွယ်ရောက်လာတာနဲ့ ကိုယ်စီ အချစ်ကို ရှာတွေ့ပြီး စုံတွဲတွေအဖြစ်နဲ့ ဖြတ်သန်းနေကြပေမယ့်လည်း တစ်ချို့တွေကတော့ Single ဘဝနဲ့ အကြာကြီး နေနေတတ်ကြပါတယ်။ Single ဘဝကို ရွေးချယ်တဲ့သူအများစုကတော့ တမင်တကာ ရွေးချယ်ထားကြတာမျိုးတော့ မဟုတ်ပါဘူး။ သူတို့မှာ အခုလို အကြောင်းပြချက်တွေ ကိုယ်စီ ရှိနေကြတာပဲ ဖြစ်ပါတယ်။
(၁) ချစ်ရတဲ့သူကို မတွေ့သေးလို့
တစ်ချို့တွေကတော့ စိတ်မပါရင် ချစ်သူလည်း မထားချင်တတ်ကြပါဘူး။ သူတို့က တကယ်ချစ်မိမှသာ ချစ်သူ ထားဖို့ ရည်ရွယ်ထားတဲ့သူတွေ ဖြစ်ပါတယ်။ သူတို့က right person တွေ့ဖို့ကို မျှော်လင့်နေတဲ့သူတွေလည်း ဖြစ်ပါတယ်။ ဒီလိုလူမျိုးတွေကတော့ စိတ်မကစားတတ်သလို ကိုယ့်ကို တကယ်ချစ်မယ့်သူနဲ့ ကိုယ်က တကယ် ချစ်ပေးနိုင်တဲ့သူကိုသာ ချစ်သူအဖြစ် လက်တွဲဖို့ ဆုံးဖြတ်ထားတဲ့သူတွေ ဖြစ်ပါတယ်။
(၂) ရည်းစားဟောင်းကို မေ့မရသေးလို့
တစ်ချို့တွေကတော့ အချစ်ကို ကြုံတွေ့ဖူးကြတဲ့သူတွေ ဖြစ်ပါတယ်။ အချစ်ကို တွေ့ခဲ့ပြီး အသည်းကွဲတဲ့ အခြေအနေကို ကြုံတွေ့ခဲ့ရပြီးနောက်မှာတော့ နောက်ထပ် ချစ်သူ ထပ်မထားဖြစ်တော့တာမျိုး ဖြစ်ပါတယ်။ သူတို့ ချစ်ရတဲ့သူကို မေ့မရသေးတာကြောင့် နောက်ထပ် ထပ်မချစ်မိသေးဘဲ တစ်ယောက်တည်း နေနေကြတာ ဖြစ်ပါတယ်။ တစ်ချို့ကတော့ သူတို့ ချစ်ခဲ့သူနဲ့ ပြန်ဆုံမလားဆိုတဲ့ အကြောင်းပြချက်နဲ့ စောင့်နေကြတာ ဖြစ်ပါတယ်။
(၃) စုံတွဲ ဖြစ်ရတာ စိတ်ရှုပ်လို့
တစ်ချို့တွေကတော့ ချစ်သူထားရတာမျိုးကို စိတ်ရှုပ်ကြရပါတယ်။ တစ်ယောက်ကို တစ်ယောက် အလျှော့ပေးရင်း နေရတာမျိုးကို စိတ်ရှုပ်တတ်သလို ရန်ဖြစ်နေတဲ့ စုံတွဲတွေကိုလည်း စိတ်ရှုပ်တတ်ကြပါတယ်။ ဒီအချက်ကြောင့် သူတို့တွေက စုံတွဲဖြစ်ဖို့ကို စိတ်အားထက်သန်မှုလည်း ရှိမနေကြတာကြောင့် သူတို့ဆီ ချစ်ခွင့်ပန်သမျှကိုလည်း ငြင်းပစ်လေ့ ရှိပါတယ်။
(၄) တစ်ယောက်တည်းနေရတာကို သဘောကျလို့
တစ်ချို့တွေကတော့ တကယ်ပဲ တစ်ယောက်တည်း နေရတာကို သဘောကျတဲ့ သူတစ်ယောက် ဖြစ်ပါတယ်။ တစ်ယောက်ယောက်ကို ကိုယ့်အချိန်တွေ ခွဲဝေပေးရတာကို မကြိုက်သလို ကိုယ်က တစ်ယောက်ယောက်ကို စဉ်းစားပေးပြီး ကိုယ့်အတွက် ကိုယ် မဖြည့်ဆည်းပေးနိုင်တာမျိုးကို မနှစ်သက်လို့ ရည်းစားမထားဘဲ တစ်ယောက်တည်း နေဖို့ကိုပဲ အားထုတ်တတ်ကြပါတယ်။
(၅) မူနေလို့
တကယ်ပဲ အရွေးလွန်နေလို့ ချစ်သူ မရသေးတဲ့သူတွေ ရှိနေပါတယ်။ သူတို့တွေက သူတို့ရဲ့ ချစ်သူအဖြစ် သတ်မှတ်ထားတဲ့ စံချိန်စံညွှန်းတွေနဲ့ ကိုက်ညီတာမျိုးကို လိုချင်နေတတ်ကြပါတယ်။ ဒီအတွက် ရွေးရင်း ရွေးရင်းနဲ့ သူတို့အနားကို ရောက်လာသမျှကို စဉ်းစားရင်းနဲ့ပဲ တစ်ကိုယ်တည်းကာလက အချိန်ကြာနေတာ ဖြစ်ပါတယ်။
Aunty May
