တကယ်ကိုကျွန်တော်တို့ ပြည်သူတွေညီပါပေ့ဗျာ…😓
မနက်က အိမ်ကယောင်းမနဲ့ အမရေ CRPH အလှူငွေတွေတရိပ်ရိပ်
တတ်လာတာကျွတ်ဆင်ကြီးလို့ ပြောနေတုံး ရပ်ကွက်ထဲက မသီတာဆိုတဲ့အမက အိမ်ထဲဝင်လာပြီး
ဘာတွေတတ်နေတာတုံးတဲ့ အဲ့ဒါနဲ့ ကိုယ်သိသလောက်ပြောပြပြီး
$နဲ့လှူရတာလို့ $မရှိတဲ့ သူတွေ Visa card မရှိတဲ့သူတွေကျ ယုံကြည်ရတဲ့သူတွေကို wave တို့ K pay တို့ကနေတဆင့်
ကိုယ်နိုင်သလောက်လှူလို့ရတယ်ပေါ့ ပြောပြဖစ်ရင်း မသီတာ ဘာကိစ္စ ရှိလို့လဲမေးတော့ယောင်းမကို
ဆီလေးငါးကျပ်သားလောက် ပေးပါလားတဲ့ ဘာလုပ်ဖို့လဲ မေးတော့
ကလေးတွေဆီနဲ့ဆားနဲ့ကျွေးမလို့တဲ့ အဲ့ဒါနဲ့ထမင်းကရောချက်ပြီးပလား
မေးတော့ ဆီတော့ရပီ ဆန်ကတော့ရှာလိုက်အုံးမယ်တဲ့ ယောင်းမကရှာမနေနဲ့တော့ ဒီကပဲယူသွားဆိုပီးထဲ့ပေးလိုက်ရော….
ခုညနေငါးနာရီလောက်ကျတော့ တခေါက်အိမ်ထပ်လာတယ်
ရင်ဘတ်ကြားထဲက 1000 တန်လေးတစ်ရွက်ရယ် 500တန်လေးတစ်ရွက်ရယ် 200တန်လေး နှစ်ရွက် 50 တန်လေးတစ်ရွက်နဲ့ မနက်က နင်တို့သမီးယောင်းမပြောနေတဲ့ဟာကိုလှူပေးပါလားတဲ့😢
ဟယ်..မကြီးသီတာမှာပိုက်ဆံပိုလို့လား ကလေးတွေဟင်းချက်ကျွေးလိုက်လေ
ပြောတော့ အိမ်ရှေ့ဘုန်းကြီးကျောင်းက ထမင်းတွေဟင်းတွေခေါ်ပေးတယ်တဲ့
လှူချင်လွန်းလို့ သူများကို စျေးသွားပေးလို့ရတဲ့မုန့်ဖိုးရယ် 2လုံးပေါက်တဲ့သူကပေးတဲ့မုန့်ဖိုး
လေးရယ်နဲ့လာပေးတာ အဲ့ဒါကြောင့် ဒါလေးသာမြန်မြန် လှူပေးစမ်းပါအေတဲ့🥺
သူဆိုတာက အဆောင်အခန်းကျဉ်းလေးထဲ မိသားစု ငါးယောက်နဲ့နေရတာ
ယောက်ကျားဖြစ်သူအလုပ်ကြမ်းသမား ခေတ်ကာလကြောင့် အလုပ်တွေကနားထားရတော့ သူတစ်ယောက်ပဲဝင်ငွေရှိတယ်
ဒါတောင်မှ ရပ်ကွက်ထဲခေါ်ခိုင်းတဲ့သူတွေပေးတဲ့မုန့်ဖိုးလေးရယ်
ကလေးတွေကိုသနားလို့ပေးတဲ့ဟာလေးတွေနဲ့စားနေရတာ
အဆောင်လစာဆိုလဲခွဲခွဲပေးနေရတဲ့
သူမျိုးဒီလိုလူတွေကအစ စားစရာမရှိရင်နေ တစ်ရက်နဲ့ ငတ်မသေဘူးဆိုပြီးမျှော်လင့်ချက်တွေနဲ့ တတ်ကြွနေကြတာ….။
ရောင်နီလာတော့မှာပါ
သေချာတယ်ဒီအရေးတော်ပုံမှာငါတို့ပဲနိုင်မှာ
Edit: အဲ့ဒီ အမရဲ့နာမည်အရင်းကိုသုံးမိလို့အမည်လွှဲလေးပြန်တင်ပါရစေ ပထမတော့ ရိုးရိုးတင်ပေမဲ့ခုလိုလာလှူကြတဲ့အခါသူဝမ်းသာမှာအမှန်ပါဒါပေမဲ့စိတ်မကောင်းဖြစ်ပီးဝမ်းနည်းနေမလား လို့တွေးမိလို့ပါရှင့်…. ။
