ဆုတောင်းစရာမလိုဘဲ ရနိုင်မယ့် V-SHAPE မျက်နှာလေ

လူသားတိုင်းရဲ့ဘဝဟာ မတူညီကြပါဘူး။ တချို့တွေက ဘဝပေးအခြေအနေတွေအရ ကျန်းမာ ချမ်းသာကြတယ်။ တချို့ကျပြန်တော့ ပင်ပန်းဆင်းရဲစွာ ရုန်းကန်လှုပ်ရှားကြရတယ်။ တချို့ တွေက ချောမောလှပကြပေမယ့် တချို့တွေကျတော့လည်း လှပချောမောသူတွေကို ငေးမောအားကျနေရတဲ့ ဘဝတွေလည်း ရှိတယ်။ ရုပ်ရည် ရူပကာက စိတ်ရင်းစေတနာလောက် အရေးမကြီးဘူး ဆိုပေမယ့်လည်း အထိုက်အလျောက်တော့ အရေးကြီးသည်သာ။

ရုပ်ရည်ဆိုတဲ့ နေရာမှာလည်း မျက်နှာ၊ ခန္ဓာကိုယ်အချိုးအစား၊ နေထိုင်မှုပုံစံ အားလုံးအကျုံးဝင်တယ်။ မျက်နှာကတဆင့် လူတစ်ယောက်ရဲ့ ကျန်းမာရေး အခြေအနေ ၊ စိတ်နေစိတ်ထား အခြေအနေတွေကို ခန့်မှန်းနိုင်တယ်လို့ ဆိုကြတယ်။

လူတစ်ယောက်ရဲ့ မျက်နှာ အမျိုးအစား တစ်မျိုးနှင့် တစ်မျိုး မတူတတ်ကြပါဘူး။ မျက်နှာ အမျိုးအစားတွေ များစွာ ရှိပါတယ်။ တြိဂံပုံ မျက်နှာ ၊ လုံးဝန်းတဲ့မျက်နှာ ၊ ရှည်လျားတဲ့ မျက်နှာ ၊ အသည်းပုံမျက်နှာ ၊ လေးထောင့်ပုံရှိတဲ့မျက်နှာ ၊ စတုဂံလိုမျက်နှာ အစရှိတဲ့ မျက်နှာ ပုံသဏ္ဍန်များစွာ ရှိပါတယ်။ လေးထောင့်ပုံ မျက်နှာပိုင်ရှင်တွေက အတွေးအခေါ် အားကောင်းတယ်၊ မျက်နှာဝိုင်းတဲ့သူတွေက သနားကြင်နာတတ်တယ် အစရှိသဖြင့် မျက်နှာ သွင်ပြင်ကို ဖတ်ပြီး လူ့တစ်ယောက်ရဲ့ စိတ်နေစိတ်ထားကို ခန့်မှန်းကြတာတွေလည်း ရှိတယ်။

မျက်နှာကနေတဆင့် လူတစ်ယောက်ရဲ့ ကျန်းမာရေးကိုလည်း ခန့်မှန်းနိုင်တယ်။ မျက်နှာမှာ အနီစက်တွေ ရှိနေလား ၊ ဝက်ခြံတွေ ရှိနေလားဆိုတာကြည့်ပြီး လူတစ်ယောက်ရဲ့ ကျန်းမာရေးကို ခန့်မှန်းလို့ရတယ်။ တချို့တွေမှာကျ အဝလွန်ရောဂါကြောင့် အဆီပိုတွေ ရှိပြီး မေး ၂ ထပ်ဖြစ်နေတာတွေ ဒါမှမဟုတ် မျိုးရိုးဗီဇကြောင့်ပဲဖြစ်ဖြစ် အသက်အရွယ် ကြီးလာတဲ့အခါ အိုမင်းရင့်ရော်မှုတွေကြောင့်ပဲဖြစ်ဖြစ် မျက်နှာမှာရှိတဲ့ အသားအရေတွေ တွဲကျနေတာတွေလည်း ရှိတယ်။

ခန္ဓာကိုယ်မှာ ရှိတဲ့ အဆီတွေထဲမှာ ရင်ဘတ်အနီးတဝိုက်က အဆီတွေက ရောင်ရမ်းစေတဲ့ ဓာတ်တွေကို ပိုထွက်စေတဲ့အတွက် လူကို အန္တရာယ်ဖြစ်စေတယ်လို့ ဆိုတယ်။ ဒီလိုဆို မျက်နှာမှာ ရှိနေတဲ့ အဆီပိုတွေကကော ရေရှည်အတွက် အန္တရာယ် ကင်းနိုင်ရဲ့လားဆိုတာ စဉ်းစားစရာ တစ်ခုအနေနဲ့ ဖြစ်လာပါတယ်။ ဒါ့အပြင် မေးနှစ်ထပ်ဖြစ်ပြီး ပိုနေတဲ့ အဆီတွေက သင့်ရဲ့ အလှတရားတွေကို လျော့ပါးစေပါတယ်။ ဒါဆို မျက်နှာမှာ ရှိတဲ့ ဒီအဆီပိုတွေကို ဘယ်လိုတွေ လျော့ချကြမလဲ။

အခုခေတ်မှာတော့ မျက်နှာမှာ ရှိတဲ့ အဆီပိုတွေကို လျော့ချပြီး ကိုယ်လိုချင်တဲ့ ပုံစံလေးဖြစ်အောင် ခွဲစိတ်ကုသနည်းနဲ့ပဲ ဖြစ်ဖြစ် ၊ Botox ဆေးထိုးပြီးတော့ပဲဖြစ်ဖြစ် ၊ အဆီကျစေနိုင်တဲ့ အာနိသင်တွေ ပါဝင်တဲ့ mask ကို အသုံးပြုပြီးပဲ ဖြစ်ဖြစ် လွယ်ကူစွာ ပြုလုပ်လို့ ရနေပါပြီ။ ခွဲစိတ်ကုသခြင်းကတော့ အချိန်အနည်းငယ်ပေး လုပ်ဆောင်ရမှာ ဖြစ်ပြီး ဆေးထိုးခြင်းကတော့ ဆေးထိုးတဲ့နေရာတစ်ဝိုက် ရဲလာခြင်းစတဲ့ ဆိုးကျိုးလေးတွေတော့ အနည်းငယ် ရှိတတ်ပါတယ်။

သဘာဝနည်းနဲ့ လေ့ကျင့်ခန်းလုပ်ခြင်းဖြင့် မျက်နှာမှာ ရှိနေတဲ့ အဆီပိုတွေကို လျော့ချလို့လည်း ရပါတယ်။ လျှာကို ထုတ်နိုင်သမျှ ထုတ်ပြီး လျှာဖျားကို အပေါ်ဖက်ကို ကော့ပြီး ခေါင်းကို အနောက်သို့ လှန်ချပါ။ ထိုအနေအထားဖြင့် ၁၀ စက္ကန့်ခန့် နေပေးပါ။ ဒီလိုပြုလုပ်ခြင်းဖြင့် မုတ်ချိုအိတ်အတွင်းက အိုမင်းရင့်ရော်မှုကို ကာကွယ်ပေးနိုင်တဲ့ ဓာတ်ပေါင်းတွေကို ထွက်စေပါတယ်။

နောက်နည်းလေးတစ်ခုကတော့ ခေါင်းကို အနောက်သို့လှန်ပြီး မျက်နှာကျက် သို့မဟုတ် အပေါ် ကို ကြည့်ပါ။ လက်ဖြင့် မေးကို လည်ပင်းကျောတွေ တင်းသည်အထိ ပင့်တင်ပေးပါ။ ထိုအနေအထားဖြင့် ၁ မှ ၁၀ ရေတွက်ပါ။ ဒါမှမဟုတ်ရင် မေးစေ့အောက်မှာ ၉ လက်မလောက်ရှိတဲ့ ဘောလုံးလေးတစ်လုံး ထားပေးပါ။ ထိုဘောလုံးလေးကို လက်ဖြင့် ဖိပေးပါ။ တစ်နေ့ကို ၂၅ ကြိမ်ခန့် နေ့တိုင်းပြုလုပ်ပေးပါ။

နောက်နည်းလေးတစ်ခုကတော့ ခေါင်းကို အပေါ်မော့ပြီး ညာဖက်သို့ စောင်းပါ။ မေးကို အရှေ့သို့ လက်ဖြင့်ပင့်တင်ပေးပါ။ ၅ စက္ကန့်လောက်ထားပြီးရင် လွတ်ပါ။ ဘယ်ဖက်ကိုလည်း ထိုနည်းအတိုင်းပြုလုပ်ပေးပါ။

ဒီလေ့ကျင့်ခန်းနည်းတွေနဲ့လည်း သွယ်လျတဲ့ မျက်နှာလေးကို ရနိုင်သလို နေ့စဉ် စားသုံးတဲ့ အစားအစာတွေထဲမှာ ကျန်းမာရေးနဲ့ ညီညွတ်တဲ့ အစားအစာတွေကို စားခြင်းဖြင့်လည်း မေးစေ့အောက်က အဆီပိုတွေကို ကျစေပါတယ်။ အငန်ဓာတ်လွန်ကဲတဲ့ အစားအစာတွေ အဆီများလွန်းတဲ့ ဆီကြော်မုန့်တွေ အသင့်ထုတ်အစားအစာတွေကို ရှောင်သင့်ပါတယ်။ ဟင်းသီးဟင်းရွက်တွေ များများစားပေးပါ။ အသီးအနှံတွေကို တစ်နေ့ကို ၃ ခါလောက်စားပေးသင့်ပါတယ်။ ဒီလိုနည်းလမ်းလေးတွေနဲ့ အဆီပိုတွေကင်းပြီး ဆွဲဆောင်မှုတွေ အပြည့်နဲ့ သွယ်လျလှပတဲ့ မျက်နှာလေးကို ပိုင်ဆိုင်နိုင်ကြပါစေ။

Author : Dr. မေ

Unicode

ဆုတောင်းစရာမလိုဘဲ ရနိုင်မယ့် V-shape မျက်နှာလေ

လူသားတိုင်းရဲ့ဘဝဟာ မတူညီကြပါဘူး။ တချို့တွေက ဘဝပေးအခြေအနေတွေအရ ကျန်းမာ ချမ်းသာကြတယ်။ တချို့ကျပြန်တော့ ပင်ပန်းဆင်းရဲစွာ ရုန်းကန်လှုပ်ရှားကြရတယ်။ တချို့ တွေက ချောမောလှပကြပေမယ့် တချို့တွေကျတော့လည်း လှပချောမောသူတွေကို ငေးမောအားကျနေရတဲ့ ဘဝတွေလည်း ရှိတယ်။ ရုပ်ရည် ရူပကာက စိတ်ရင်းစေတနာလောက် အရေးမကြီးဘူး ဆိုပေမယ့်လည်း အထိုက်အလျောက်တော့ အရေးကြီးသည်သာ။

ရုပ်ရည်ဆိုတဲ့ နေရာမှာလည်း မျက်နှာ၊ ခန္ဓာကိုယ်အချိုးအစား၊ နေထိုင်မှုပုံစံ အားလုံးအကျုံးဝင်တယ်။ မျက်နှာကတဆင့် လူတစ်ယောက်ရဲ့ ကျန်းမာရေး အခြေအနေ ၊ စိတ်နေစိတ်ထား အခြေအနေတွေကို ခန့်မှန်းနိုင်တယ်လို့ ဆိုကြတယ်။

လူတစ်ယောက်ရဲ့ မျက်နှာ အမျိုးအစား တစ်မျိုးနှင့် တစ်မျိုး မတူတတ်ကြပါဘူး။ မျက်နှာ အမျိုးအစားတွေ များစွာ ရှိပါတယ်။ တြိဂံပုံ မျက်နှာ ၊ လုံးဝန်းတဲ့မျက်နှာ ၊ ရှည်လျားတဲ့ မျက်နှာ ၊ အသည်းပုံမျက်နှာ ၊ လေးထောင့်ပုံရှိတဲ့မျက်နှာ ၊ စတုဂံလိုမျက်နှာ အစရှိတဲ့ မျက်နှာ ပုံသဏ္ဍန်များစွာ ရှိပါတယ်။ လေးထောင့်ပုံ မျက်နှာပိုင်ရှင်တွေက အတွေးအခေါ် အားကောင်းတယ်၊ မျက်နှာဝိုင်းတဲ့သူတွေက သနားကြင်နာတတ်တယ် အစရှိသဖြင့် မျက်နှာ သွင်ပြင်ကို ဖတ်ပြီး လူ့တစ်ယောက်ရဲ့ စိတ်နေစိတ်ထားကို ခန့်မှန်းကြတာတွေလည်း ရှိတယ်။

မျက်နှာကနေတဆင့် လူတစ်ယောက်ရဲ့ ကျန်းမာရေးကိုလည်း ခန့်မှန်းနိုင်တယ်။ မျက်နှာမှာ အနီစက်တွေ ရှိနေလား ၊ ဝက်ခြံတွေ ရှိနေလားဆိုတာကြည့်ပြီး လူတစ်ယောက်ရဲ့ ကျန်းမာရေးကို ခန့်မှန်းလို့ရတယ်။ တချို့တွေမှာကျ အဝလွန်ရောဂါကြောင့် အဆီပိုတွေ ရှိပြီး မေး ၂ ထပ်ဖြစ်နေတာတွေ ဒါမှမဟုတ် မျိုးရိုးဗီဇကြောင့်ပဲဖြစ်ဖြစ် အသက်အရွယ် ကြီးလာတဲ့အခါ အိုမင်းရင့်ရော်မှုတွေကြောင့်ပဲဖြစ်ဖြစ် မျက်နှာမှာရှိတဲ့ အသားအရေတွေ တွဲကျနေတာတွေလည်း ရှိတယ်။

ခန္ဓာကိုယ်မှာ ရှိတဲ့ အဆီတွေထဲမှာ ရင်ဘတ်အနီးတဝိုက်က အဆီတွေက ရောင်ရမ်းစေတဲ့ ဓာတ်တွေကို ပိုထွက်စေတဲ့အတွက် လူကို အန္တရာယ်ဖြစ်စေတယ်လို့ ဆိုတယ်။ ဒီလိုဆို မျက်နှာမှာ ရှိနေတဲ့ အဆီပိုတွေကကော ရေရှည်အတွက် အန္တရာယ် ကင်းနိုင်ရဲ့လားဆိုတာ စဉ်းစားစရာ တစ်ခုအနေနဲ့ ဖြစ်လာပါတယ်။ ဒါ့အပြင် မေးနှစ်ထပ်ဖြစ်ပြီး ပိုနေတဲ့ အဆီတွေက သင့်ရဲ့ အလှတရားတွေကို လျော့ပါးစေပါတယ်။ ဒါဆို မျက်နှာမှာ ရှိတဲ့ ဒီအဆီပိုတွေကို ဘယ်လိုတွေ လျော့ချကြမလဲ။

အခုခေတ်မှာတော့ မျက်နှာမှာ ရှိတဲ့ အဆီပိုတွေကို လျော့ချပြီး ကိုယ်လိုချင်တဲ့ ပုံစံလေးဖြစ်အောင် ခွဲစိတ်ကုသနည်းနဲ့ပဲ ဖြစ်ဖြစ် ၊ Botox ဆေးထိုးပြီးတော့ပဲဖြစ်ဖြစ် ၊ အဆီကျစေနိုင်တဲ့ အာနိသင်တွေ ပါဝင်တဲ့ mask ကို အသုံးပြုပြီးပဲ ဖြစ်ဖြစ် လွယ်ကူစွာ ပြုလုပ်လို့ ရနေပါပြီ။ ခွဲစိတ်ကုသခြင်းကတော့ အချိန်အနည်းငယ်ပေး လုပ်ဆောင်ရမှာ ဖြစ်ပြီး ဆေးထိုးခြင်းကတော့ ဆေးထိုးတဲ့နေရာတစ်ဝိုက် ရဲလာခြင်းစတဲ့ ဆိုးကျိုးလေးတွေတော့ အနည်းငယ် ရှိတတ်ပါတယ်။

သဘာဝနည်းနဲ့ လေ့ကျင့်ခန်းလုပ်ခြင်းဖြင့် မျက်နှာမှာ ရှိနေတဲ့ အဆီပိုတွေကို လျော့ချလို့လည်း ရပါတယ်။ လျှာကို ထုတ်နိုင်သမျှ ထုတ်ပြီး လျှာဖျားကို အပေါ်ဖက်ကို ကော့ပြီး ခေါင်းကို အနောက်သို့ လှန်ချပါ။ ထိုအနေအထားဖြင့် ၁၀ စက္ကန့်ခန့် နေပေးပါ။ ဒီလိုပြုလုပ်ခြင်းဖြင့် မုတ်ချိုအိတ်အတွင်းက အိုမင်းရင့်ရော်မှုကို ကာကွယ်ပေးနိုင်တဲ့ ဓာတ်ပေါင်းတွေကို ထွက်စေပါတယ်။

နောက်နည်းလေးတစ်ခုကတော့ ခေါင်းကို အနောက်သို့လှန်ပြီး မျက်နှာကျက် သို့မဟုတ် အပေါ် ကို ကြည့်ပါ။ လက်ဖြင့် မေးကို လည်ပင်းကျောတွေ တင်းသည်အထိ ပင့်တင်ပေးပါ။ ထိုအနေအထားဖြင့် ၁ မှ ၁၀ ရေတွက်ပါ။ ဒါမှမဟုတ်ရင် မေးစေ့အောက်မှာ ၉ လက်မလောက်ရှိတဲ့ ဘောလုံးလေးတစ်လုံး ထားပေးပါ။ ထိုဘောလုံးလေးကို လက်ဖြင့် ဖိပေးပါ။ တစ်နေ့ကို ၂၅ ကြိမ်ခန့် နေ့တိုင်းပြုလုပ်ပေးပါ။

နောက်နည်းလေးတစ်ခုကတော့ ခေါင်းကို အပေါ်မော့ပြီး ညာဖက်သို့ စောင်းပါ။ မေးကို အရှေ့သို့ လက်ဖြင့်ပင့်တင်ပေးပါ။ ၅ စက္ကန့်လောက်ထားပြီးရင် လွတ်ပါ။ ဘယ်ဖက်ကိုလည်း ထိုနည်းအတိုင်းပြုလုပ်ပေးပါ။

ဒီလေ့ကျင့်ခန်းနည်းတွေနဲ့လည်း သွယ်လျတဲ့ မျက်နှာလေးကို ရနိုင်သလို နေ့စဉ် စားသုံးတဲ့ အစားအစာတွေထဲမှာ ကျန်းမာရေးနဲ့ ညီညွတ်တဲ့ အစားအစာတွေကို စားခြင်းဖြင့်လည်း မေးစေ့အောက်က အဆီပိုတွေကို ကျစေပါတယ်။ အငန်ဓာတ်လွန်ကဲတဲ့ အစားအစာတွေ အဆီများလွန်းတဲ့ ဆီကြော်မုန့်တွေ အသင့်ထုတ်အစားအစာတွေကို ရှောင်သင့်ပါတယ်။ ဟင်းသီးဟင်းရွက်တွေ များများစားပေးပါ။ အသီးအနှံတွေကို တစ်နေ့ကို ၃ ခါလောက်စားပေးသင့်ပါတယ်။ ဒီလိုနည်းလမ်းလေးတွေနဲ့ အဆီပိုတွေကင်းပြီး ဆွဲဆောင်မှုတွေ အပြည့်နဲ့ သွယ်လျလှပတဲ့ မျက်နှာလေးကို ပိုင်ဆိုင်နိုင်ကြပါစေ။

Author : Dr. မေ