မိုးကုတ်မြို့က ဒီမိုကရေစီအရေးတတ်ကြွလှုပ်ရှားသူကိုစိုးဌေးကို ရှာမတွေ့တာကြောင့် သမီးလေးစုထက်ဝိုင်းအပါအဝင်
မိသားစုဝင်သုံးယောက်ကို ဖမ်းဆီးသွားခဲ့ပါတယ်။အကျဥ်းသားတွေ ပြန်လွှတ်ပေးခဲ့တုန်းက သမီးလေးစုထက်ဝိုင်းတစ်
ယောက်ပြန်လွတ်လာပြီး အစ်မနဲ့ မိခင်ဖြစ်သူတို့ကတော့ ဆက်လက်ဖမ်းဆီးခံထားရပါတယ်။
ယခုမှာတော့ သမီးလေးစုထက်ဝိုင်းရဲ့ မိခင်နဲ့အစ်မဖြစ်သူဟာ ထောင်ဒဏ်(၃)နှစ်ချမှတ်ခံခဲ့ရသလို သားအမိနှစ်ယောက်
ကိုလည်း အတူမထားဘဲ မိုးကုတ်အချုပ်ထောင်နှင့်ရဲစခန်းတို့မှာ ခွဲထားခဲ့ကြပါတယ်။
ထောင်ဒဏ်ချမှတ်အပြီးမှာတော့ သမီးလေးစုထက်ဝိုင်းရဲ့ မိခင်နဲ့ အစ်မတို့ကို မန္တလေးမြို့ရှိ အိုးဘိုထောင်သို့ ခေါ်
ဆောင်သွားကြောင်း သိရှိရပါတယ်။
ထောင်ထဲမှာ ထိန်းသိမ်းခံထားရတဲ့သမီးလေးစုထက်ဝိုင်းရဲ့ အစ်မဖြစ်သူကတော့ စိတ်ပူနေကြတဲ့ မိသားစုဝင်တွေဆီကို
လေးစားစရာကောင်းတဲ့ အမှာစာလေး ပို့ပေးလိုက်ပါတယ်။
သမီးလေးစုထက်ဝိုင်းရဲ့အစ်မဖြစ်သူက “သားအမိနှစ်ယောက်စလုံး ကျန်းမာစွာနဲ့ အာဏာရှင်အမြစ်ပြတ်ဖို့ ရောက်တဲ့
အရပ်၊ ရှိတဲ့နေရာက ဆက်ပြီးတော်လှန်သွားမယ်” လို့ english လိုရေးပြီး မိသားစုထံကို အမှာစာလေး ပို့ပေးခဲ့တာပဲဖြစ်ပါ
တယ်။
မိုးကုတ်က တတ်ကြွလှုပ်ရှားသူဖြစ်တဲ့ ကိုစိုးဌေးကတော့ သမီးကြီးရဲ့ စာလေးကိုဖတ်ပြီး ဂုဏ်ယူနေခဲ့ပါတယ်။
ကိုစိုးဌေးကတော့ ” သမီးကြီးရေ .. “အတိတ်ကရခဲ့တဲ့ ဒဏ်ရာတွေကိုကုစားရင်း တိုင်းပြည်ရဲ့အနာဂတ်ကြီးလှပဖို့ တော်
လှန်ရေးအလံကို မြဲမြံစွာဆုပ်ကိုင်ထားရင်း နောက်ဆုံးထွက်သက်အထိ အာဏာရှင်အမြစ်ပြတ်ရေး တိုက်ပွဲဝင်ပါ ” ဆိုပြီး
ရေးသားထားပါတယ်။
ပြည်သူတွေကတော့ အာဏာရှင်ကိုတွန်းလှန်းရင်း မိသားစုတစ်ကွဲတစ်ပြားစီ ဖြစ်နေတဲ့ ကိုစိုးဌေးတို့မိသားစုအတွက်
စိတ်မကောင်းဖြစ်နေကြပြီး အားတင်းထားဖို့ အားပေးစကားပြောဆိုနေကြပါတယ်။
Source : Myanmarload
