တနင်္ဂနွေနေ့ဖွား
အလုပ်အကိုင် – ဒီအပတ် လုပ်ငန်းကိစ္စတွေမှာ အတော်လေး ခက်ခက်ခဲခဲ လုပ်ယူရလိမ့်မယ်။ လုပ်ငန်းခွင်မှာပါ စိတ်အနှောင့်အယှက် ဖြစ်စရာ များမယ်။ အပြိုင်အဆိုင်တွေ၊အတိုက်အခိုက်တွေလည်း ပေါ်ပေါက်လာလိမ့်မယ်။ အစိုးရ၊ အာဏာပိုင်နဲ့ပတ်သက်တဲ့အလုပ်တွေမှာ ပိုဂရုစိုက်ရမယ်။ ငွေကြေးကိစ္စမှာ စိတ်သောက များလိမ့်မယ်။
ကျန်းမာရေး – တစ်ပတ်တာ ကျန်းမာရေး ချူချာအားနည်းတတ်တယ်။ ရောဂါဝေဒနာဟောင်း ပြန်ထမယ်။
လူမှုအိမ်ထောင် – မေတ္တာရေးမှာ အကောင်းအဆိုးလေးတွေ ယှဉ်တွဲနေမယ်။ အခုပဲ စိတ်ကောက်၊ တအောင့်နေ ပျော်ရွှင်လိုက်နဲ့ ဖြစ်နေတတ်တယ်။ ချစ်သူစုံတွဲတွေကြားမှာ တတိယလူ ပေါ်လာတတ်တယ်။ အချင်းချင်းကြား သံသယတွေ ပွားမိတတ်တယ်။ လူမှုဆက်ဆံရေးမှာတော့ ဒီအပတ်မှာ စိတ်ပျက်စရာတွေ မကြာခဏ ဖြစ်မယ်။
ကံကောင်းစေတဲ့ အရောင် – အဖြူ
ကံစမ်းနိုင်တဲ့ ဂဏန်း – ၉ ၊ ၂
ကံကောင်းစေတဲ့ အရပ် – အနောက်တောင်
ကံကောင်းစေတဲ့ နေ့ရက် – ဗုဒ္ဓဟူး
ယတြာ – ဘုန်းကြီးကျောင်း၊စေတီစတဲ့ ဘာသာရေးအဆောက်အဦမှာ လျှပ်စစ်မီးလုံး၊ မီးချောင်း လှူပေးပါ။
တနင်္လာနေ့ဖွား
အလုပ်အကိုင် – အလုပ်များပြီး လူရောစိတ်ပါ မနားမနေ လုပ်စရာတွေ တန်းစီလာမယ်။ အလုပ်များသလောက် အကျိုးအမြတ်ကလည်း ကောင်းလာမယ်။ လုပ်ငန်းခွင်မှာ ကံကောင်းမှုတွေ ဆက်တိုက် ကြုံရမယ်။ အကြီးအကဲ အုပ်ချုပ်သူတွေကလည်း ချီးမြှင့်ကူညီကြမယ်။ ငွေကြေးလာဘ်လာဘ ရွှင်လန်းပြီး ရလဒ်ကောင်းတွေ ရရှိမယ်။
ကျန်းမာရေး – ခေါင်းကိုက်တာ၊ ခေါင်းအုံတာမျိုး၊ အအေးပတ်တာမျိုး ဖြစ်တတ်တယ်။ ခဏပဲ ညံ့မယ်။
လူမှုအိမ်ထောင် – ဒီအပတ်မှာ အချစ်ရေး၊ အိမ်ထောင်ရေးကံတွေ ကောင်းနေမယ်။ ချစ်သူစုံတွဲ၊ အိမ်ထောင်ရှင် စတဲ့ လက်တွဲဖော်ရှိသူတိုင်း ပျော်ရွှင်အေးချမ်းတဲ့ကာလကို ရရှိမယ်။ ပျိုရွယ်သူတွေလည်း စန်းပွင့်လာလိမ့်မယ်။ လူမှုရေးကဏ္ဍမှာလည်း ကိုယ့်အပေါ် နားလည်ကူညီဖေးမမယ့်သူတွေ ပေါ်လာမယ်။ အကူအညီတွေ ရရှိမယ်။
ကံကောင်းစေတဲ့ အရောင် – အနီရင့်၊ ကြက်သွေးရောင်
ကံစမ်းနိုင်တဲ့ ဂဏန်း – ၃ ၊ ၂
ကံကောင်းစေတဲ့ အရပ် – အရှေ့ ၊ အနောက်မြောက်
ကံကောင်းစေတဲ့ နေ့ရက် – ဗုဒ္ဓဟူး ၊ တနင်္လာ
ယတြာ – မွေးနေ့ (တနင်္လာ) မနက်ပိုင်း အိမ်ကဘုရားမှာ ကြာဆံသုပ် ကပ်လှူပြီးတော့ ဆုတောင်းပေးပါ။
အင်္ဂါနေ့ဖွား
အလုပ်အကိုင် – ဒီအပတ်မှာ အလုပ်အကိုင်ကံဇာတာတွေ အားကောင်းလာမယ်။ လုပ်နေကျ မဟုတ်တာတွေနဲ့ လုပ်ရိုးလုပ်စဉ်တွေမှာပါ အဆင်ပြေကံကောင်းမှုတွေ ကြုံတွေ့ရမယ်။ လုပ်ငန်းသစ်နယ်ပယ်သစ် ချဲ့ထွင်လိုသူနဲ့ ဈေးကွက်သစ် ရှာဖွေသူတွေ လိုရာဆန္ဒ ပြည့်မယ်။ လုပ်ခွင့်သာမယ်။ ငွေကြေးကံလည်း ပွင့်လန်းလာလိမ့်မယ်။
ကျန်းမာရေး – စိတ်ရောလူပါ ကြည်လင်နေမယ်။ ဘေးအန္တရာယ်ကင်း ရောဂါရှင်းမယ့်ကာလဖြစ်တယ်။
လူမှုအိမ်ထောင် – တစ်ပတ်တာ မေတ္တာရေးမှာ ကံတွေ ခေနေတတ်တယ်။ ချစ်သူရည်းစား၊ အိမ်ထောင်ရှင်ကြား ပြဿနာလေးတွေ မကြာခဏ ဖြစ်တတ်တယ်။ အရင်အတိတ်ကအရိပ်မည်းတွေက ပြန်ပြီး ပေါ်လာတတ်တယ်။ နားလည်မှုတွေလည်း လွဲချော်ရတတ်တယ်။ လူမှုဆက်ဆံရေးမှာတော့ အလိုက်အထိုက်ဆက်ဆံရေး ရှိနေမယ်။
ကံကောင်းစေတဲ့ အရောင် – စိမ်းပြာ၊ အနီရင့်
ကံစမ်းနိုင်တဲ့ ဂဏန်း – ၃ ၊ ၄
ကံကောင်းစေတဲ့ အရပ် – အရှေ့တောင် ၊ တောင်
ကံကောင်းစေတဲ့ နေ့ရက် – သောကြာ ၊ အင်္ဂါ ၊ တနင်္လာ
ယတြာ – တစ်ပတ်အတွင်း အိမ်ကဘုရားမှာ ဒူးရင်းယို မကြာခဏ ကပ်လှူပြီး ဆုတောင်းပေးပါ။
ဗုဒ္ဓဟူးနေ့ဖွား
အလုပ်အကိုင် – တစ်ပတ်တာအတွင်း လုပ်ငန်းစီးပွားကံက အတက်အကျတွေ များမယ်။ အကောင်းတွေချည်း မဟုတ်သလို အညံ့ချည်းပဲလည်း မဟုတ်ဘဲ အနိမ့်အမြင့်တွေကို ဖြတ်သန်းရမယ်။ လူယုံမလွယ်ဖို့၊ သူများတွေ ကြားထဲ ဝင်မပါဖို့ သတိထားရမယ်။ ငွေကြေးကိစ္စတွေမှာ အပေးအယူ အလွှဲအပြောင်းအားလုံး ဂရုစိုက်ရမယ်။
ကျန်းမာရေး – ဒီအပတ်မှာ ကျန်းမာရေး ကောင်းမယ်။ ရောဂါဝေဒနာဖြစ်ရင် ပြန်သက်သာလွယ်မယ်။
လူမှုအိမ်ထောင် – ဒီအပတ် အချစ်ရေး၊အိမ်ထောင်ရေးမှာ ဆူဆူပူပူနဲ့ တကျက်ကျက် စကားများရန်ဖြစ်နေမယ်။ အချင်းချင်းကြားမှာ သည်းခံနိုင်စွမ်း အားနည်းလာပြီး အလွယ်တကူ အပြစ်မြင်နေမိတတ်တယ်။ ဘေးလူတွေက နှစ်ဦးကြား ဝင်လာတတ်လို့ သတိနဲ့ ဆင်ခြင်ရမယ်။ လူမှုရေးမှာလည်း မကျေလည်စရာတွေ ဖြစ်လာနိုင်တယ်။
ကံကောင်းစေတဲ့ အရောင် – အစိမ်း ၊ အဖြူ
ကံစမ်းနိုင်တဲ့ ဂဏန်း – ၄ ၊ ၂ ၊ ၉
ကံကောင်းစေတဲ့ အရပ် – တောင်
ကံကောင်းစေတဲ့ နေ့ရက် – စနေ ၊ ဗုဒ္ဓဟူး
ယတြာ – မွေးနေ့မနက်စောစော အိမ်ကဘုရားမှာ လမုန့် ၅ ခုနဲ့ လက်ဖက်ရည် ကပ်လှူပြီး ဆုတောင်းပါ။
ရာဟုဖွား
အလုပ်အကိုင် – အလုပ်တွေက ရှေ့မရောက်ဘဲ နောက်ပြန်ဆွဲသလို ဖြစ်လာမယ်။ အရင်က လက်စမသတ်ခဲ့တဲ့ အလုပ်တွေကို ဒီအပတ်မှာ ပြန်လုပ်ပေးရတတ်တယ်။ ပြဿနာဟောင်းတွေ၊ အကြွင်းအကျန်ကိစ္စတွေကို ပြန်ပြီး ရှင်းလင်းရလိမ့်မယ်။ ငွေကြေးပြဿနာဟောင်းတွေလည်း ပြန်ပေါ်လာတတ်တယ်။ ငွေရှာဖွေရ ခက်ခဲလာမယ်။
ကျန်းမာရေး – တစ်ပတ်လုံးမှာ ကျန်းမာရေး ဆိုးဆိုးဝါးဝါး အညံ့ မရှိပါ။ ဘေးကင်းကျန်းမာမယ်။
လူမှုအိမ်ထောင် – မေတ္တာရေးမှာ ကိုယ့်အလိုဆန္ဒထက် တစ်ဖက်သားရဲ့ခံစားချက်ကို ပိုအလေးထားရလိမ့်မယ်။ ကိုယ့်ဘက်ချည်းပဲ ကြည့်နေမိလို့ မပြေမလည်တွေ ဖြစ်ရတတ်တယ်။ အချင်းချင်း နားလည်မှုတွေ ပိုလိုလာမယ်။ လူမှုရေးမှာတော့ ကိုယ့်အပေါ်ကောင်းတဲ့မိတ်ဆွေအသိုင်းအဝိုင်း ရှိမယ်။ အကူအညီတွေလည်း ရရှိတတ်တယ်။
ကံကောင်းစေတဲ့ အရောင် – အညို ၊ စိမ်းပုပ်ရောင်
ကံစမ်းနိုင်တဲ့ ဂဏန်း – ၈ ၊ ၄ ၊ ၃
ကံကောင်းစေတဲ့ အရပ် – အရှေ့တောင် ၊ အနောက်မြောက်
ကံကောင်းစေတဲ့ နေ့ရက် – စနေ မွန်းလွဲနောက်ပိုင်း
ယတြာ – ဗုဒ္ဓဟူးနေ့ညနေပိုင်း စေတီတစ်ဆူရဲ့ရာဟုထောင့်မှာ ရွှေပြား ၄ ပြား ကပ်လှူပြီး ဆုတောင်းပါ။
ကြာသပတေးနေ့ဖွား
အလုပ်အကိုင် – ဒီအပတ်မှာ အလုပ်တွေက စမ်းတဝါးဝါး ဖြစ်နေမယ်။ ရှေ့တိုးရကောင်းမလား၊ နောက်ပြန်ဆုတ် လှည့်ရမလား ဝေခွဲမရအောင် ဖြစ်မယ်။ အလုပ်ကိုလည်း စိတ်ပါဝင်စားမှု လျော့နည်းတတ်တယ်။ အကျိုးအမြတ် မသဲကွဲဘဲ ဖြစ်သလိုတွေ လုပ်နေရတတ်တယ်။ ငွေကြေးကိစ္စမှာလည်း ရလိုက်ကုန်လိုက်နဲ့ လည်ပတ်နေမယ်။
ကျန်းမာရေး – တစ်ပတ်တာ ကျန်းမာရေးမှာ အညံ့မရှိပေမယ့် ကိုယ့်စိတ်ထဲ မသိုးမသန့် ခံစားရတတ်တယ်။
လူမှုအိမ်ထောင် – မေတ္တာရေးမှာ ကံဇာတာတက်လာမယ်။ ချစ်သူရည်းစား၊အိမ်ထောင်ရှင်တွေဆို အပြန်အလှန် ဖေးမကူညီနိုင်မယ်။ ဦးဆောင်ကူညီခွင့်တွေ ရလာမယ်။ ချစ်သူဆီက သတင်းကောင်း ကြားရမယ်။ ပျိုရွယ်သူဆို လက်တွဲဖော်နဲ့ အဆင်ပြေသွားတတ်တယ်။ လူမှုရေးမှာတော့ ကိုယ့်ကို ဒုက္ခပေးသူတွေနဲ့ ကြုံရဆုံရတတ်တယ်။
ကံကောင်းစေတဲ့ အရောင် – အဖြူ ၊ အနီရင့်ရင့်
ကံစမ်းနိုင်တဲ့ ဂဏန်း – ၂ ၊ ၃
ကံကောင်းစေတဲ့ အရပ် – အရှေ့ ၊ အရှေ့တောင်
ကံကောင်းစေတဲ့ နေ့ရက် – စနေ
ယတြာ – တစ်ပတ်အတွင်း အသက်လွတ်ကြာဆံကြော်ကို မကြာခဏ ဘုရားမှာ ကပ်လှူပြီး ဆုတောင်းပါ။
သောကြာနေ့ဖွား
အလုပ်အကိုင် – ငွေကြေး လာဘ်လာဘတွေ ဝင်လာတတ်တဲ့၊ ငွေကြေးကံတွေ တက်လာမယ့် သီတင်းပတ်မျိုး ဖြစ်တယ်။ အလုပ်တွေကလည်း ကိုယ်က သိပ်အားမစိုက်ရဘဲ အဆင်ပြေသွားတတ်တယ်။ ဒါပေမယ့် ကိုယ်က စိတ်များ၊ အာရုံများတတ်လို့ ရသင့်သလောက်မရတာမျိုး ဖြစ်တတ်တယ်။ သေချာကြိုးစားရင် ထူးခြားလိမ့်မယ်။
ကျန်းမာရေး – ဒီအပတ်မှာ ပုံမှန်ထက် ကျန်းမာရေး ကျဆင်းတတ်တယ်။ တစ်ခုခုဆို သေချာကုသရမယ်။
လူမှုအိမ်ထောင် – အချစ်ရေး၊ အိမ်ထောင်ရေးမှာ အဖြူနဲ့အမည်းလို ဆန့်ကျင်ကွဲလွဲစရာတွေက များလာတတ်ပြီး အချင်းချင်း ညှိမရ ရှင်းမရနဲ့ ပိုဆိုးတတ်တယ်။ ဒီအပတ်မှာ တတ်နိုင်သမျှ ထိပ်တိုက်မတွေ့အောင် ရှောင်တာက ပိုကောင်းမယ်။ ပျိုရွယ်သူတွေ နှလုံးသားရေးမှာ အလွဲ များမယ်။ လူမှုရေးမှာတော့ စိတ်ကျေနပ်စရာတွေရှိမယ်။
ကံကောင်းစေတဲ့ အရောင် – အနီရင့် ၊ အနက်
ကံစမ်းနိုင်တဲ့ ဂဏန်း – ၃ ၊ ၇ ၊ ၀
ကံကောင်းစေတဲ့ အရပ် – အနောက်တောင် ၊ တောင်
ကံကောင်းစေတဲ့ နေ့ရက် – တနင်္လာ
ယတြာ – တစ်ပတ်အတွင်း အိမ်ကဘုရားမှာ သရက်သီးသနပ်နဲ့ မကြာခဏ ဆွမ်းကပ်လှူပေးရမယ်။
စနေနေ့ဖွား
အလုပ်အကိုင် – ဒီအပတ်မှာ လုပ်ငန်းလည်ပတ်မှု နှေးကွေးပြီး စိတ်မရှည်ချင်စရာတွေ များမယ်။ လက်ရှိနေရာနဲ့ ယှဉ်ရင် ရပ်ဝေးမြေခြား၊ ပြည်ပအလုပ်မျိုးတွေ၊ အဝေးက အဆက်အသွယ်တွေက ပိုအကျိုးပေးထက်သန်မယ်။ အလုပ်မှာ စောင့်ရတာ၊ ပင်ပန်းခံရတာတွေ များလာတတ်တယ်။ ငွေကြေးကိစ္စလည်း သည်းခံပေးရတတ်တယ်။
ကျန်းမာရေး – သာမန်ထက် ကျန်းမာရေး နည်းနည်း ညံ့လာနိုင်တယ်။ ဒါပေမယ့် စိတ်ပူစရာတော့ မရှိပါ။
လူမှုအိမ်ထောင် – ဒီအပတ်မှာလည်း မေတ္တာရေးက အကောင်းထက် အညံ့ ပိုများနိုင်သေးတယ်။ ပြဿနာတွေ အကင်းမသေသေးဘဲ တငွေ့ငွေ့ ဆက်ကျန်နေတတ်တယ်။ စကားအမှားတွေ၊ ကြားလူတွေက ဝင်မွှေတာတွေ ရှိတတ်တယ်။ တစ်ခုခုဆို နှစ်ဦးသား ထိပ်တိုက်ရှင်းတာ ကောင်းမယ်။ လူမှုရေးမှာတော့ အကူအညီတွေရမယ်။
ကံကောင်းစေတဲ့ အရောင် – အစိမ်း၊ အနက်
ကံစမ်းနိုင်တဲ့ ဂဏန်း – ၄ ၊ ၇
ကံကောင်းစေတဲ့ အရပ် – အနောက်တောင် ၊ အရှေ့
ကံကောင်းစေတဲ့ နေ့ရက် – စနေ ၊ အင်္ဂါ
ယတြာ – ဘာသာရေးကို ပိုလုပ်ပေးပါ။ ဘုရားစေတီတွေမှာ ရေသပ္ပါယ်တဲ့ကုသိုလ်မျိုး မကြာခဏ လုပ်ပါ။
credit to lotaya_horoscope
