ဝိတ်ကျချင်လို့ဆိုပြီး မနက်စား မစားဘဲနေနေပြီလား။ ဒါဆိုရင်တော့ မနက်စာကို စားဖြစ်အောင် စားဖို့ ပြောပါရစေ။ ဝိတ်ကျချင်တယ်ဆိုရင် မနက်စာကို သေချာလေးစားဖို့ လိုအပ်ပါမယ်။
မနက်စာကို ပြည့်ဝမျှတအောင် စားသုံးပေးတာက ကိုယ်အလေးချိန် ထိန်းညှိရာမှာ တော်တော်လေး အထောက်အကူပြုပေးနိုင်ပါတယ်။ ဒီတော့ ဝိတ်လည်းကျ အဆာလည်း မခံရအောင် မနက်စာကို ဘာတွေ စားရမလဲဆိုတာ ပြောပြလိုက်ပါတယ်နော်။
၁။ ဒိန်ချဉ်
ဒိန်ချဉ်က ကိုယ်အလေးချိန်ကို အကောင်းဆုံး ထိန်ညှိပေးနိုင်တဲ့ အစားအစာ တစ်မျိုးပါ။ အဆီထုတ်ထားတဲ့ ဒိန်ချဉ်က ကျန်းမာရေး အတွက်ကောင်းသလို ဝိတ်လည်း ကျစေပါတယ်။
ပရိုတင်း ပြည့်ဝမှုက အဆာခံနိုင်စေပြီး အင်အားပြည့်စေဖို့အကောင်းဆုံး ထောက်ပံ့ပေးမှာပါ။ ကိုယ်အလေးချိန်လည်းကျ အာဟာရလည်း မလျော့ကျတဲ့ အစားအစားအစာမျိုးပါ။
ကိုယ်အလေးချိန် ကျချင်တယ် ကြွက်သားတွေ မလျော့ရဲချင်ဘူးဆိုတဲ့သူတိုင်း သောက်ပေးသင့်ပါတယ်။ သကြားတော့ လုံးဝ မထည့်ပါနဲ့။ သစ်သီးလေးတွေနဲ့ တွဲစားပေးပါ။
၂။ မြေပဲထောပတ်
မြေပဲထောပတ်ကို ထိုက်သင့်တဲ့ ပမာဏ စားသုံးပေးတာက ကျန်းမာတဲ့ အဆီ၊ အမျှင်ဓာတ်နဲ့ ပရိုတင်းတို့ကို ပြည့်ဝစွာ ရရှိစေမှာပါ။ မနက်ခင်းကို ဂျုံကြမ်းပေါင်မုန့်မှာ မြေပဲထောပတ် သုတ်ပြီး စားပေးတာက အာဟာရလည်း ပြည့်၊ ဗိုက်လည်း ဝပြီး ကိုယ်အလေးချိန်ပါ ကျစေမှာပါ။
၃။ ဥအမျိုးမျိုး
မနက်ခင်းမှာ ကြက်ဥစားပေးတာက တစ်နေ့တာမှာ မလိုအပ်ဘဲ အစားတွေ မစားမိစေဖို့ အကောင်းဆုံး ထောက်ပံ့ပေးနိုင် ပါတယ်။ ကြက်ဥအနှစ်မှာက ကယ်လ်ဆီယမ် နဲ့ အမြင်အာရုံကို ကျန်းမာစေတဲ့ အာဟာရဓာတ်တွေ ပြည့်ဝစွာ ပါဝင်နေပါတယ်။ မနက်ခင်းမှာ ကြက်ဥ စားတာက ဝိတ်လည်း ကျစေပြီး ခန္ဓာကိုယ်ကိုလည်း ကျန်းမာစေမှာပါ။
ဝိတ်ချချင်တယ်ဆိုရင် မနက်ခင်းတိုင်းမှာ ကြက်ဥ တစ်လုံး ပုံမှန်စားပေးပါ။
ဒီ အစားအစာလေးတွေကို မနက်ခင်း စားရင်း ကိုယ်အလေးချိန်ကို အကောင်းဆုံး ထိန်းညှိပေးပါ။ ဝိတ်ချမယ်ဆိုပြီး မနက်စာ အလွတ်မခံနဲ့တော့နော်။
Ref;HEALTH GROUP
