ဒေါ်သက်သက်ခိုင် ဒေါက်တာဘွဲ့ ယူခဲ့သည့် WALDEN တက္ကသိုလ်မှာ ငွေကြေးလိမ်လည်ယူသော အွန်လိုင်းတက္ကသိုလ်အဖြစ် တရားစွဲခံထားရ
ဩဂုတ်လ ၄ ရက်နေ့။
မင်းအောင်လှိုင်က တရားမဝင် အာဏာသိမ်းပြီး ဝန်ကြီးအဖြစ် ခန့်အပ်ထားသော သက်သက်ခိုင် ဒေါက်တာဘွဲ့ ရယူခဲ့သော WALDEN တက္ကသိုလ်မှာ ငွေကြေးလိမ်လည်ယူသော အွန်လိုင်းတက္ကသိုလ်အဖြစ် အမေရိကန်တွင် ယခုနှစ် ဧပြီလ ၁၁ ရက်နေ့တွင် တရားစွဲခံထားရပြီဖြစ်သည်။
တရားမဝင် အာဏာသိမ်းစစ်ကောင်စီ၏ လူမှုဖူလုံရေးနှင့် ပြန်လည်နေရာချထားရေးဝန်ကြီး ခန့်အပ်ခံထားရသူ သက်သက်ခိုင် ဒေါက်တာဘွဲ့ (Ph.D) ဘွဲ့ရရှိခဲ့သော အမေရိကန် WALDEN တက္ကသိုလ်မှာ ဒေါက်တာဘွဲ့ရယူလိုသူ ကျောင်းသားကျောင်းသူများထံမှ ၊
မျှော်လင့်ချက် အမှားများ ပေးပြီး ငွေလှည့်ဖျားလိမ်ညာကာ အမြတ်အစွန်းရရှိရေး လုပ်ဆောင်ခဲ့သည်ဆိုသော စွပ်စွဲမှုဖြင့် ၊ဝါရှင်တန်စီအခြေစိုက် နိုင်ငံလုံးဆိုင်ရာ ကျောင်းသားများကာကွယ်ရေး ကွန်ရက် (National Student Defense Network ) က ဧပြီလ ၁၁ ရက်နေ့တွင် တရားစွဲဆိုခဲ့ကြောင်း သိရှိရပါသည်။
အမေရိကန်ပြည်ထောင်စု ၊ မယ်ရီလန်းပြည်နယ်အတွင်းရှိ တရားရုံးတွင် WALDEN တက္ကသိုလ်ကို တရားစွဲဆိုလိုက်ခြင်းဖြစ်ပြီး လူမည်း အမျိုးသမီး ကျောင်းသူများနှင့်၊
လူနည်းစုများကို လိမ်လည်လှည့်ဖျားပြီး ပညာသင်ကြားမှု မပြီးဆုံး ဘွဲ့မရရှိဘဲ အကြွေးနွံ့တွင် နစ်စေမှုဖြင့် (တစ်နည်းအားဖြင့် လိမ်လည်မှု) တရားစွဲဆိုထားခြင်းဖြစ်သည်။
WALDEN တက္ကသိုလ်က ၎င်းတက္ကသိုလ်တွင်ပညာသင်ယူကြသည့် ကျောင်းသားကျောင်းသူများအနေ ဖြင့် ၁၈ လအတွင်း ဒေါက်တာဘွဲ့ရရှိမည်ဟု ဆွဲဆောင်ကြော်ငြာထားသော်လည်း လက်တွေ့တွင်မူ မလိုအပ်သော အဆင့်များ ၊
စစ်ဆေးမှုများ ဖန်တီးကာ ငွေကြေးများ တောင်းခံကြောင်း၊ ၁၈ လအတွင်း ဒေါက်တာဘွဲ့မရရှိဘဲ ကျောင်းတက်ကာလကို နှစ်ပေါင်းများစွာ ကြာသည်အထိ ကျောင်းစရိတ် အကြွေးနွံ့နစ်စေမှုများ ရှိနေကြောင်း သိရှိရသည်။
WALDEN တက္ကသိုလ်တွင် ကျောင်းသားကျောင်းသူ ၄၉၀၀၀ ရှိပြီး လူမည်းအမျိုးသမီး ၁၅၇၄၃ ဦး ပညာသင်ကြားလျက်ရှိသည်ဟု သိရှိရသည်။
ဝါရှင်တန်စီအခြေစိုက် နိုင်ငံလုံးဆိုင်ရာ ကျောင်းသားများကာကွယ်ရေး ကွန်ရက် (National Student Defense Network ) က WALDEN တက္ကသိုလ်သည်၊
ကျောင်းသားကျောင်းသူများထံမှ အမေရိကန်ဒေါ်လာ ၂၈ သန်းကျော် ကျောင်းစရိတ်များ လိမ်လည်လှည့်ဖြားတောင်းယူ အမြတ်ထုတ်သည်ဟု စွပ်စွဲပြောဆိုထားသည်။
WALDEN တက္ကသိုလ် စာသင်နှစ်များတွင် မလိုအပ်သော သင်ခန်းစာအစီအစဉ်များထည့်သွင်းပြီး မူလ ကြော်ငြာထားသကဲ့သို့မဟုတ်ဘဲ ကျောင်းသားများကို အတင်းအကျပ် အချိန်ကြာကြာ ငွေကြေးပေး ကျောင်းတက်ခိုင်းမှုများ၊ အရည်အချင်း စစ်ဆေးမှုများ လုပ်ဆောင်ခြင်းဖြစ်သည်ဟု သိရှိရသည်။
“WALDEN တက္ကသိုလ်က သူတို့ရဲ့ကိုယ်ပိုင်အမြတ်အတွက် ငါ့ကို ရည်ရွယ်ချက်ရှိရှိ လှည့်စားနေသလို ခံစားရပါတယ်။
သူတို့မှာ တာဝန်ခံမှု တာဝန်ယူမှုရှိစေချင်တယ်။ ” ဟု တရားစွဲဆိုသူကျောင်းသူတစ်ဦးက ပြောသည်။
ဝန်ကြီးအမည်ခံ သက်သက်ခိုင်အနေဖြင့်လည်း WALDEN တက္ကသိုလ်မှ ဒေါက်တာဘွဲ့ရရန် သုတေ သနအဆိုပြုလွှာအတွက် ၁၆ ကြိမ်မျှ ပြင်ဆင်ခဲ့ရကြောင်း ၊
အလွန်ခက်ခဲစွာ ရတောင့်ရခဲ ပညာသင်ကြားခဲ့ရသည်ဟု သက်သက်ခိုင်၏ ခင်ပွန်းဖြစ်သူ အောင်ကျော်ဝင်းက လူမှုကွန်ရက်တွင် ရေးသားထားသည်။
WALDEN တက္ကသိုလ်သည် ကျောင်းသားများကို မလိုအပ်ဘဲ အဆင့်များစွာ၊ အချိန်များစွာ ကြာအောင် ဖန်တီးထားပြီး ငွေကြေးအမြတ်ထုတ်သော နည်းလမ်း ကျင့်သုံးကြောင်း New York Times သတင်းစာကြီးက ယခုနှစ် ဧပြီလတွင် ထုတ်ဖော်ရေးသားခဲ့သည်။
WALDEN တက္ကသိုလ်၏ ဝက်ဆိုဒ်သည် https://www.waldenu.edu ဖြစ်ပြီး Education for good ဟု ဆောင်ပုဒ်ဖြင့်ရပ်တည်နေသော တက္ကသိုလ်တစ်ခုဖြစ်သော်လည်း အွန်လိုင်းမှသာ စာသင်ပေး၍ အကျိုးအမြတ်အတွက် တည်ထောင်ထားသည့် တက္ကသိုလ်တစ်ခုဖြစ်သည်။
Zawgyi
ဒေါ်သက်သက်ခိုင် ဒေါက်တာဘွဲ့ ယူခဲ့သည့် WALDEN တက္ကသိုလ်မှာ ငွေကြေးလိမ်လည်ယူသော အွန်လိုင်းတက္ကသိုလ်အဖြစ် တရားစွဲခံထားရ
ဩဂုတ်လ ၄ ရက်နေ့။
မင်းအောင်လှိုင်က တရားမဝင် အာဏာသိမ်းပြီး ဝန်ကြီးအဖြစ် ခန့်အပ်ထားသော သက်သက်ခိုင် ဒေါက်တာဘွဲ့ ရယူခဲ့သော WALDEN တက္ကသိုလ်မှာ ငွေကြေးလိမ်လည်ယူသော အွန်လိုင်းတက္ကသိုလ်အဖြစ် အမေရိကန်တွင် ယခုနှစ် ဧပြီလ ၁၁ ရက်နေ့တွင် တရားစွဲခံထားရပြီဖြစ်သည်။
တရားမဝင် အာဏာသိမ်းစစ်ကောင်စီ၏ လူမှုဖူလုံရေးနှင့် ပြန်လည်နေရာချထားရေးဝန်ကြီး ခန့်အပ်ခံထားရသူ သက်သက်ခိုင် ဒေါက်တာဘွဲ့ (Ph.D) ဘွဲ့ရရှိခဲ့သော အမေရိကန် WALDEN တက္ကသိုလ်မှာ ဒေါက်တာဘွဲ့ရယူလိုသူ ကျောင်းသားကျောင်းသူများထံမှ ၊
မျှော်လင့်ချက် အမှားများ ပေးပြီး ငွေလှည့်ဖျားလိမ်ညာကာ အမြတ်အစွန်းရရှိရေး လုပ်ဆောင်ခဲ့သည်ဆိုသော စွပ်စွဲမှုဖြင့် ၊ဝါရှင်တန်စီအခြေစိုက် နိုင်ငံလုံးဆိုင်ရာ ကျောင်းသားများကာကွယ်ရေး ကွန်ရက် (National Student Defense Network ) က ဧပြီလ ၁၁ ရက်နေ့တွင် တရားစွဲဆိုခဲ့ကြောင်း သိရှိရပါသည်။
အမေရိကန်ပြည်ထောင်စု ၊ မယ်ရီလန်းပြည်နယ်အတွင်းရှိ တရားရုံးတွင် WALDEN တက္ကသိုလ်ကို တရားစွဲဆိုလိုက်ခြင်းဖြစ်ပြီး လူမည်း အမျိုးသမီး ကျောင်းသူများနှင့်၊
လူနည်းစုများကို လိမ်လည်လှည့်ဖျားပြီး ပညာသင်ကြားမှု မပြီးဆုံး ဘွဲ့မရရှိဘဲ အကြွေးနွံ့တွင် နစ်စေမှုဖြင့် (တစ်နည်းအားဖြင့် လိမ်လည်မှု) တရားစွဲဆိုထားခြင်းဖြစ်သည်။
WALDEN တက္ကသိုလ်က ၎င်းတက္ကသိုလ်တွင်ပညာသင်ယူကြသည့် ကျောင်းသားကျောင်းသူများအနေ ဖြင့် ၁၈ လအတွင်း ဒေါက်တာဘွဲ့ရရှိမည်ဟု ဆွဲဆောင်ကြော်ငြာထားသော်လည်း လက်တွေ့တွင်မူ မလိုအပ်သော အဆင့်များ ၊
စစ်ဆေးမှုများ ဖန်တီးကာ ငွေကြေးများ တောင်းခံကြောင်း၊ ၁၈ လအတွင်း ဒေါက်တာဘွဲ့မရရှိဘဲ ကျောင်းတက်ကာလကို နှစ်ပေါင်းများစွာ ကြာသည်အထိ ကျောင်းစရိတ် အကြွေးနွံ့နစ်စေမှုများ ရှိနေကြောင်း သိရှိရသည်။
WALDEN တက္ကသိုလ်တွင် ကျောင်းသားကျောင်းသူ ၄၉၀၀၀ ရှိပြီး လူမည်းအမျိုးသမီး ၁၅၇၄၃ ဦး ပညာသင်ကြားလျက်ရှိသည်ဟု သိရှိရသည်။
ဝါရှင်တန်စီအခြေစိုက် နိုင်ငံလုံးဆိုင်ရာ ကျောင်းသားများကာကွယ်ရေး ကွန်ရက် (National Student Defense Network ) က WALDEN တက္ကသိုလ်သည်၊
ကျောင်းသားကျောင်းသူများထံမှ အမေရိကန်ဒေါ်လာ ၂၈ သန်းကျော် ကျောင်းစရိတ်များ လိမ်လည်လှည့်ဖြားတောင်းယူ အမြတ်ထုတ်သည်ဟု စွပ်စွဲပြောဆိုထားသည်။
WALDEN တက္ကသိုလ် စာသင်နှစ်များတွင် မလိုအပ်သော သင်ခန်းစာအစီအစဉ်များထည့်သွင်းပြီး မူလ ကြော်ငြာထားသကဲ့သို့မဟုတ်ဘဲ ကျောင်းသားများကို အတင်းအကျပ် အချိန်ကြာကြာ ငွေကြေးပေး ကျောင်းတက်ခိုင်းမှုများ၊ အရည်အချင်း စစ်ဆေးမှုများ လုပ်ဆောင်ခြင်းဖြစ်သည်ဟု သိရှိရသည်။
“WALDEN တက္ကသိုလ်က သူတို့ရဲ့ကိုယ်ပိုင်အမြတ်အတွက် ငါ့ကို ရည်ရွယ်ချက်ရှိရှိ လှည့်စားနေသလို ခံစားရပါတယ်။
သူတို့မှာ တာဝန်ခံမှု တာဝန်ယူမှုရှိစေချင်တယ်။ ” ဟု တရားစွဲဆိုသူကျောင်းသူတစ်ဦးက ပြောသည်။
ဝန်ကြီးအမည်ခံ သက်သက်ခိုင်အနေဖြင့်လည်း WALDEN တက္ကသိုလ်မှ ဒေါက်တာဘွဲ့ရရန် သုတေ သနအဆိုပြုလွှာအတွက် ၁၆ ကြိမ်မျှ ပြင်ဆင်ခဲ့ရကြောင်း ၊
အလွန်ခက်ခဲစွာ ရတောင့်ရခဲ ပညာသင်ကြားခဲ့ရသည်ဟု သက်သက်ခိုင်၏ ခင်ပွန်းဖြစ်သူ အောင်ကျော်ဝင်းက လူမှုကွန်ရက်တွင် ရေးသားထားသည်။
WALDEN တက္ကသိုလ်သည် ကျောင်းသားများကို မလိုအပ်ဘဲ အဆင့်များစွာ၊ အချိန်များစွာ ကြာအောင် ဖန်တီးထားပြီး ငွေကြေးအမြတ်ထုတ်သော နည်းလမ်း ကျင့်သုံးကြောင်း New York Times သတင်းစာကြီးက ယခုနှစ် ဧပြီလတွင် ထုတ်ဖော်ရေးသားခဲ့သည်။
WALDEN တက္ကသိုလ်၏ ဝက်ဆိုဒ်သည် https://www.waldenu.edu ဖြစ်ပြီး Education for good ဟု ဆောင်ပုဒ်ဖြင့်ရပ်တည်နေသော တက္ကသိုလ်တစ်ခုဖြစ်သော်လည်း အွန်လိုင်းမှသာ စာသင်ပေး၍ အကျိုးအမြတ်အတွက် တည်ထောင်ထားသည့် တက္ကသိုလ်တစ်ခုဖြစ်သည်။
