ကျွန်ုပ်တို့ နေထိုင်ရာကမ္ဘာကြီးသည် ဆန်းကြယ်မှုများ ပြည့်နှက်နေသော ကမ္ဘာကြီးဖြစ်သည်။ ထိုသို့ ဆန်းကြယ်မှုများအတိပြီးနေသော ကမ္ဘာကြီး၏တစ်နေရာတွင်
မိန်းကလေးများမှာ ယောက်ျားလေးဘဝသို့ ဆန်းကြယ်စွာ ပြောင်းလဲသွားကြသည့် ကျေးရွာတစ်ခုရှိနေသည်။ အဆိုပါရွာကလေးနှင့် ပတ်သက်ပြီး နှစ်ပေါင်းများစွာ သုတေသနပြု အဖြေရှာခဲ့ကြသော်လည်း
အဖြေတစုံတရာ မရခဲ့။ ရွာကလေး၏ အမည်မှာ La Salinas ဟု အမည်ရပြီး ဒိုမီနီကန်သမ္မတနိုင်ငံတွင် တည်ရှိသည်။ ဒိုမီနီကန်နိုင်ငံမှာ လူဦးရေ ၆၀၀၀ သာရှိသော နိုင်ငံငယ်ကလေးတစ်ခု ဖြစ်သည်။
အသက် ၁၂ နှစ်အရွယ်သို့ ရောက်လျှင် လိင်ပြောင်းလဲသွားကြသည်…
La Salinas ရွာကလေး၏ အံ့အားသင့်ဖွယ် အကောင်းဆုံးနှင့် တုန်လှုပ်ဖွယ် အကောင်းဆုံးအချက်မှာ… ထိုရွာတွင် နေထိုင်သော မိန်းကလေးငယ်များသည် အသက် ၁၂ နှစ်အရွယ်သို့ရောက်သည်နှင့် လိင်ပြောင်းလဲသွားကာ ယောက်ျားလေးများ ဖြစ်သွားကြခြင်း ဖြစ်သည်
ထိုရွာကလေးအကြောင်းကိုလည်း သတင်းမီဒီယာများစွာက ရေးသားဖော်ပြမှုများ ရှိခဲ့သည်။ ရွာသူရွာသားများမှာလည်း ရွာထဲမှ မိန်းကလေးများ ယောက်ျားလေးဘဝ ပြောင်းသွားခြင်းနှင့်
စပ်လျဉ်းပြီး များစွာ စိုးရိမ်မကင်း ဖြစ်ခဲ့ကြရသည်။ ထိုရွာကလေးမှာ ကျိန်စာသင့်နေခြင်းဖြစ်သည်ဟု အချို့က သုံးသပ်ကြသည်။
ဆရာဝန်တွေ ဘာပြောလဲ…
ရွာကလေးတွင် အိမ်တစ်အိမ်၌ သမီးမိန်းကလေးတစ်ဦး မွေးဖွားလာပါက အဆိုပါ မိသားစုမှာ များစွာ ဝမ်းနည်း ကြေကွဲကြသည်။ အဘယ့်ကြောင့်ဆိုလျှင်…
အသက် ၁၂ နှစ်အရွယ်သို့ ရောက်လျှင် ယောက်ျားလေးဘဝသို့ ပြောင်းလဲသွားမည် ဖြစ်သောကြောင့် ဖြစ်၏။ ထို့ကြောင့် ရွာသားများမှာ သမီးမိန်းကလေး မလိုချင်ကြချေ။
မိန်းကလေးများ လိင်ပြောင်းလဲသည့်ရောဂါကို အဖြေရှာရန် ကမ္ဘာတစ်ဝန်းမှ သုတေသီများက ကြိုးစားခဲ့ကြသော်လည်း အဖြေရှာမရခဲ့။ ဆရာဝန်များ၏ အဆိုအရမူ
မျိုးဗီဇ ဖောက်လွဲဖောက်ပြန် ဖြစ်ခြင်းဖြစ်ပြီး ‘pseudohormaphrodite’ ဟုခေါ်သည်ဟု ဆိုသည်။
လိင်ပြောင်းလဲခြင်း…
အဆိုပါ ကျေးရွာတွင် မိန်းကလေးဘဝမှေ ပြောင်းလဲလာသော ယောက်ျားလေးများက်ို ဂဲ့ဒိုချီ (Guedoche) ဟု ခေါ်ကြသည်။ (ဘုရင်ခေတ်က နန်းတွင်း အမျိုးသမီးဆောင်များကို ကြီးကြပ်ရသော၊ သင်းကွပ်ထားသော ယောက်ျားကို ရည်ညွှန်းခြင်း ဖြစ်သည်)
အဆိုပါ မိန်းကလေးတို့သည် pseudohermaphrodite ကြောင့် ယောက်ျားလေးဘဝသို့ ဖြေးဖြေးချင်း ပြောင်းလဲသွားကြသည်။ အသံသေး အသံစူး ရှိခဲ့ရာမှ အသံသြလာကြသည်။
သို့သော် သုတေသနပညာရှင်များစွာမှာ ယခုဖြစ်ရပ်မျိုးကို ကာကွယ်နိုင်ရန်အတွက်… အဆိုပါ ရောဂါနှင့် စပ်လျဉ်းပြီး သုတေသနပြုမှုများ များစွာ ပြုလုပ်နေကြဆဲ ဖြစ်သည်။
ခရက်ဒစ်#iMyanmarHouse#လေးစားစွာဖြင့် ခရက်ဒစ် ပေးပါသည်။ ပြန်လည် မျှဝေခြင်းဖြစ်ပါသည်။
