အနုပညာလောကမှာနှစ်ပေါင်းအတော်ကြာ ရပ်တည်အောင်မြင်နေပြီး ယနေ့ထိတိုင်ပရိတ်သတ်အားပေးမှုရရှိနေတဲ့ အကယ်ဒမီမင်းသားချောကြီး ခန့်စည်သူကိုသိကြမယ်ထင်ပါတယ်နော်။
သူက ပျော်ပျော်နေတတ်သူ တစ်ယောက်ဖြစ်ပြီး ဟာသဇာတ်ရုပ်ကိုလည်းကျွမ်းကျင်ပိုင်နိုင်စွာ သရုပ်ဆောင်နိုင်သူတစ်ယောက်လည်းဖြစ်ပါတယ်။
ခန့်စည်သူက အေးအေးချမ်းချမ်း နေတတ်တဲ့သူလည်းဖြစ်ပြီး အခုထိတိုင်လူပျိုကြီးဘဝနဲ့နေထိုင်နေတာပါနော်။
အလှူဒါနတွေကိုလည်း ရက်ရက်ရောရောလုပ်တတ်တဲ့သူဖြစ်ပြီး အလှူအတန်းနဲ့ပက်သက်ရင်လည်း အများကချီးကျူးဂုဏ်ပြုရတဲ့ မင်းသားချောကြီးတစ်ယောက်လို့ဆိုရရင်လည်း မှားမယ်မထင်ပါဘူးနော်။
အခုလည်း အလှူရှင်တွေနဲ့ စုပေါင်းပြီး ချမ်းမြေ့ဂုဏ်ရည် သီလရှင်စာသင်တိုက်မှာ အလွန်မွန်မြတ်သော အလှူလေးပြုလုပ်ခဲ့ပုံကို ” ယနေ့ကုသိုလ်(၅-၈-၂၀၂၃) ရန်ကုန်တိုင်းဒေသကြီး၊မင်္ဂလာဒုံမြို့နယ်၊ကုန်းတလပေါင်းစံပြကျေးရွာရှိ ချမ်းမြေ့ဂုဏ်ရည် သီလရှင်စာသင်တိုက်တွင် သီတင်းသုံးလျက်ရှိကြကုန်သော သီလရှင် ဆရာလေးများအား နေ့ဆွမ်း ဆက်ကပ်၍၊
ဆွမ်းဆန်တော်(၂၄) ပြည်ဝင်-၁၀အိတ်၊ ဆီ -၁၀ ပိဿာ၊ ကုလားပဲ-၁၀ ပိဿာ ၊ ခေါက်ဆွဲခြောက်ထုပ်များ၊ဆား၊ငံပြာရည်၊ဟင်းခတ်မှုန့်၊ဆပ်ပြာမှုန့်၊အခြေခံစားသုံးကုန်များနှင့် နဝကမ္မအတွက်အလှူငွေတို့ကို ဓမ္မမိတ်ဆွေများက စုပေါင်းလှူဒါန်းခဲ့ကြပါတယ်။
ထို့ပြင် မိုးရာသီ သစ်ပင်ငယ်များ စိုက်ပျိုး၍ လည်း ကုသိုလ်ယူခဲ့ကြပါတယ်။အလှူ့ဒါယကာ၊ဒါယိကာမများ ကောင်းကျိုးလိုရာဆန္ဒများပြည့်ဝကြပါစေ။ (၇)-ရက်သား၊သမီးအပေါင်း သူတော်ကောင်းများလည်း သာဓုခေါ်ဆိုနိုင်ကြပါစေ။ ” ခုလိုရေးသားဖော်ပြထားရာ ပြန်လည် ဝေမျှပေးလိုက်ပါတယ် ။
Yuan – Cele Zone
Photo – Kyaw Soe Win
