သီတင်းကျွတ်လပြည့်နေ့လို အခါကြီးရက်ကြီးတွေမှာ လူအများ နည်းလမ်းပေါင်းများစွာဖြင့် ကုသိုလ်ယူဖို့ တွေးတောနေကြမှာပါ။ ဗုဒ္ဓဘာသာဝင် မြန်မာလူမျိုးတို့ ကုသိုလ်ကောင်းမှု ပြုလုပ်ကြရာမှာ ငါးလွှတ်ကြတဲ့ ဓလေ့က အမြဲပါဝင်နေပါတယ်။ အခါကြီးရက်ကြီးနေ့များမှာ ဘုရားဘေးမဲ့ကန် သို့မဟုတ် အနီးအနားမှ ကန်၊ မြစ်၊ ချောင်းများအတွင်း စည်စည်ကားကား ငါးလွှတ်ကြရာ ဒီနှစ်အတွက်တော့ Covid-19 ကပ်ရောဂါကြီးနှင့် နားရမည်ဖြစ်သောကြောင့် ငါးများနှင့် ဂေဟစနစ်ထိခိုက်မှု အလွန်သက်သာရာရလိမ့်မည်ဟု တွေးမိကြပါသည်။ ကျွန်တော်တို့သည် တစ်ကယ်တမ်းတော့ လောဘဖြင့် ကုသိုလ်သာမြင်တော့သည် မျက်စိရှေ့တွေ့မြင်နေရသည့် ငါးများရဲ့ ငရဲကျသဖွယ် ဒုက္ခများ နှင့် ဂေဟစနစ်များအတွက် အန္တရာယ်ဆိုးများကို ကျွန်တော်တို့သည် ဘယ်သောအခါမှ မမြင်ခဲ့ကြပါ။ သူတစ်ပါး ကုသိုလ်ယူခြင်းကို တားဆီးခြင်းမဟုတ် စာရေးသူ ကျွန်တော်သည် ငယ်ငယ်ထဲက ငါးလွှတ်သည့် ဓလေ့ကို ကုသိုလ်ဖြစ်မည်ဟု တစ်ခါမှ မယူဆခဲ့ပါ။ […]
