ဖေဖော်ဝါရီလကတည်းက ပြုလုပ်ခဲ့တဲ့ လူထုလှုပ်ရှားမှုပွဲတွေမှာတော့ လူကြီးလူငယ်မရွေး တက်တက်ကြွကြွ ပါဝင်လာခဲ့ကြတာ ဖြစ်ပါတယ် ။
ခွန်အားရှိသလောက် အတတ်နိုင်ဆုံး ကြိုးစားနေကြတဲ့ ပြည်သူတွေက နေ့ဘက်မှာရော ညဘက်မှာပါ နည်းလမ်းမျိုးစုံနဲ့ ဆန္ဒထုတ်ဖော်နေကြတာ ဖြစ်ပါတယ် ။
ဒါပေမဲ့လည်း လူထုလှုပ်ရှားမှုပြုလုပ်ရင်းနဲ့ အသက်ပေးသွားခဲ့ရတဲ့ ပြည်သူတွေလည်း ရှိလာခဲ့ပြီဖြစ်တာကြောင့် စိတ်မကောင်းစရာဖြစ်ရပ်တွေကို ကြုံတွေ့လာရတာပဲ ဖြစ်ပါတယ် ။
အခုလည်း ပြည်သူတစ်ယောက်က “ဖေဖေကိုသတိရလို့တဲ့ ဖေဖေ့ပုံလေးကို အရုပ်လေးလုပ်ထားတယ် ဦးတဲ့ 😭😭😭😭 သမီးရယ်” ဆိုပြီး ပုံရိပ်တစ်ချို့ကို မျှဝေထားတာ ဖြစ်ပါတယ် ။
ဒီပုံထဲမှာတော့ ကလေးမလေးတစ်ယောက်က ကွယ်လွန်သွားပြီဖြစ်တဲ့ သူမရဲ့ဖခင်ကို သတိရလွမ်းဆွတ်နေတာ ဖြစ်ပါတယ် ။ ဒါကြောင့် ကလေးမလေးက ဖခင်ဖြစ်သူရဲ့ဓာတ်ပုံကိုကြည့်ပြီး ပုံစံတူ အရုပ်လေးတစ်ရုပ်ပြုလုပ်ကာ အလွမ်းဖြေနေတာပဲ ဖြစ်ပါတယ် ။
ကလေးမလေးက သူမလုပ်ထားတဲ့အရုပ်လေးကိုကိုင်ပြီး ဖခင်ဖြစ်သူရဲ့ဓာတ်ပုံနဲ့ အင်္ကျီချထားတဲ့နေရာမှာ ထိုင်နေခဲ့တာ ဖြစ်ပါတယ် ။ ဖခင်ကိုသတိရစိတ်နဲ့ ပုံဖော်ခဲ့တဲ့ ကလေးတစ်ယောက်ရဲ့ ဂျုံအရုပ်လေးက တကယ့်ကို စိတ်မကောင်းဖြစ်စရာကောင်းနေတာပဲ ဖြစ်ပါတယ် ။
ဒါကြောင့် ဒီကလေးရဲ့ပုံတွေကို တင်ခဲ့တဲ့သူရဲ့Post အောက်မှာလည်း ပြည်သူတွေက ကလေးအတွက် အားပေးနှစ်သိမ့်စကားတွေ ပြောပေးခဲ့ကြတာလည်း ဖြစ်ပါတယ် ။
ဖခင်ကိုသတိရလို့ ပုံစံတူအရုပ်လုပ်ရင်း အလွမ်းဖြေနေတဲ့ ကလေးမလေးရဲ့ပုံရိပ်တွေကို ပြန်လည်ဖော်ပြပေးလိုက်ပါတယ်။
စိတ်မကောင်းလိုက်တာ အခုကလေးတွေအရမ်းတော်တယ်အရုပ်လုပ်ထားတာသဘာဝကျတယ် ဖိုက်တင်းပါ ကလေးရယ်။
