22.April.2021 မှ 28.April.2021 အထိ တစ်ပတ်စာ ၇ရက်သားသမီးများ ဟောစာတမ်း
တနင်္ဂနွေ
ဒီကာလတွေအတွင်းမှာ စိတ်နှစ်ခွဖြစ်စရာတွေ ဆုံးဖြတ်ရခက်တာတွေ ကြုံတွေ့လာရတတ်ပါတယ်။ ဟိုဟာ လုပ်ရကောင်းနိုးနိုး၊ ဒီဟာလုပ်ရကောင်းနိုးနိုးနဲ့ အချိန်တွေ ကုန်သွားရတတ်ပါတယ်။ ။
အဲ့ဒီ့လို စိတ်အနှောက်အယှက် ဖြစ်စရာတွေ ကြားထဲကပဲ အလုပ်သစ်၊အခွင့်အရေးသစ်တွေဝင်လာရတတ်ပါတယ်။ ခက်ခဲ ကြန့်ကြာနေတဲ့ ငွေကိစ္စ၊ ပစ္စည်းကိစ္စတွေ အဆင်ပြေသွားပါလိမ့်မည်။
မိတ်ဆွေ၊ ဆရာသမား၊ ကြီးကဲသူများ၊ ဘုန်းကြီး၊ရဟန်း စသောသူတို့က အကူအညီ၊ အထောက်အပံ့ကောင်းတွေ ပေးလာရတတ်ပါတယ်။ နေရာထိုင်ခင်းကိစ္စ၊ အဆောက်အအုံကိစ္စ တွေ လည်း အဆင်ပြေ အောင်မြင်သွားပါလိမ့်မည်။
ပြဿနာဖြစ်နေသူများနဲ့ ပြန်ပြီး အဆင်ပြေသွားရတတ်ပါသည်။ ထီပေါက်တတ်တဲ့အတွက် တနင်္လာသားသမီးနှင့်စပ်တူထိုးစေချင်ပါတယ်။ ခရီးသွားမယ့် အစီအစဉ်တွေ ထစ်ငေါ့ လွဲချော်သွားရတတ်ပါတယ်။
မသွားချင်တဲ့ခရီးတွေ သွားလာရတတ်ပါတယ်။ မကြားချင်တဲ့ စကားတွေလည်း ကြား သိ နေရတတ်ပါတယ်။ ဘာသာရေး လုပ်လေလေ ကံကောင်းလေလေ ဖြစ်မည်။ အချစ်ရေး၊ အိမ်ထောင်ရေး မှာလည်း စိတ်သဘောထား တင်းတင်းမာမာ ဖြစ်ရတတ်ပါတယ်။
လက်တွဲဖော်နဲ့ သဘောထားမတိုက်ဆိုင်တာတွေ များနေတတ်ပါတယ်။ ပညာရေးကတော့ အွန်လိုင်းကနေ Self-Study လုပ်တာအကောင်းဆုံးပါပဲ။
အကျိုးပေးဂဏန်း….၁/၄/၅
အထူးဟော…နေရာကိစ္စ၊အလုပ်ကိစ္စအဆင်ပြေပါလိမ့်မယ်။
ယတြာ…လက်ဖက်ခြောက်တစ်ထုပ် မိတ်ဆွေတစ်ဦးကို လက်ဆောင်ပေးပါ။
တနင်္လာ
ဒီတစ်ပတ်အတွင်းမှာ လုပ်သမျှ၊ ကြံသမျှ ထစ်ငေါ့ကြန့်ကြာပြီးမှ အောင်မြင်ပါလိမ့်မည်။ ဒါပေမယ့် ပရဟိတ လုပ်ကိုင်သူဆိုထူးထူးခြားခြား အဆင်ပြေမှုတွေလည်း ရတတ်ပါတယ်။ အပင်ပန်းခံပြီး၊ အကျိုးထူး ခံစားရမယ့် ကာလမျိုး လည်း ဖြစ်နေရတတ်ပါတယ်။
အလုပ်အတွင်းမန်နေဂျာအဆင့်ရှိသူများကတော့ ပြဿနာတွေ ဖြေရှင်း ရတတ် ပါတယ်။ သူတစ်ပါး ရဲ့ဒုက္ခ၊ ကိုယ့်ဒုက္ခ ဖြစ်လာရတတ်ပါတယ်။ မိသားစုထဲက ရပ်ဝေးခရီးသွားရတာမျိုးတွေ၊ ရပ်ဝေးက အိမ်သူအိမ်သား ပြန်ရောက် လာတာမျိုးတွေ ၊ ရပ်ဝေးကြီးကဲသူ၊
ဆရာသမားတို့ရဲ့ သတင်းကောင်းတွေ ကြားရတာမျိုးတွေ ကြုံတွေ့ရတတ် ပါတယ်။ အချစ်ရေး၊ အိမ်ထောင်ရေးမှာ အဆင်ပြေ စိတ်ချမ်းသာရတတ်ပါ တယ်။ အိမ်ထောင်မရှိသူဆိုလျှင် မင်္ဂလာကိစ္စများ စီစဉ်ရတတ်ပါတယ်။
လက်ဆောင်ပစ္စည်းတွေလည်း ဝင်လာ တတ်ပါတယ်။ မင်္ဂလာရှိသော အကြောင်းအရာများ အလှူအတန်းကိစ္စများနှင့် ကြုံနေမည်။ တစ်မျိုးပြီးတစ်မျိုး၊ တစ်ထစ်ပြီးတစ်ထစ် ရှေ့တိုးဆောင်ရွက်ပါ။ ငွေကြေးနှင့်ပတ်သက်သော ကံများကောင်းနေပါသည်။
ရသင့်လျှက် ကြန့်ကြာနေသော အရာများ ပြန်လည်ရရှိမည်။ မိသားစုတွင် အလုပ်အကိုင် ငွေကြေးဓန တိုးတတ်ကြီးပွား အောင်မြင်ကိန်း ရှိနေပါသည်။
အကျိုးပေးဂဏန်း…၂/၆/၅
အထူးဟော…ငွေကြေး အဝင်များပေမယ့် အသုံးအဖြုန်းမကြီးပါနဲ့။
ယတြာ…သပြေပန်းဘုရားကပ်လှူလိုက်ပါ။
အင်္ဂါ
ဒီတစ်ပတ်အတွင်း စကားများ၊ ရန်ဖြစ်ရတတ်ပါတယ်။ ကိုယ့်ကြောင့် ဖြစ်တဲ့ ပြဿနာ၊ သူများကြောင့် ဖြစ်တဲ့ ပြဿနာပါ ပွဲတွေ ဆက်နေရတတ်ပါတယ်။ ဘယ်လိုပဲကင်းအောင်နေနေ ပြဿနာတွေကလာပြီး ပတ်သက် နေ တတ် ပါတယ်။
အခက်အခဲ၊ အတိုက်အခံများကြားမှ အလိုရှိရာ စနစ်တကျ ရှေ့တိုးလုပ်ကိုင်နိုင်မည်။ မိတ်ကောင်း၊ ဆွေ ကောင်း အကူအညီများရရှိမည်။ စပ်တူလုပ်ငန်းများ အကျိုးပေးမည်။ ကြန့်ကြာနေသော ရပိုင်ခွင့်တို့ကို ပြန် လည် ရရှိမည်။
မိခင်၊ အဒေါ်၊ စသူတွေရဲ့ ကျန်းမာရေး ညံ့နေတတ်ပါတယ်။ သားသမီးများအတွက် စိတ်ချမ်းသာ စရာတွေ ဖြစ်လာတတ်ပါတယ်။ ဥပဒေနှင့် မကင်းသောကိစ္စမှန်သမျှ ရှောင်ကြဉ်ပါ။ အမှုပြဿနာများ ဖြစ်ပါက ဖြေရှင်းရန် ခက်ခဲမည်။
ဆေးထိုး၊ ဆေးသောက်မှားယွင်းတတ်ပါသည်။ ကျန်းမာရေးအညံ့ကြုံက တတ်သိ ကျွမ်း ကျင်သည့် သမားတော်များထံ ပြသပါ။ ကျန်းမာရေးအတွက် ငွေကုန်ကြေးကျ များနေရတတ်ပါတယ်။ အစီအစဉ် မရှိပဲနဲ့ သင်တန်း တစ်ခု တတ်ဖြစ်တာ ပညာကောင်းရတာတွေ ကြုံတွေ့ရတတ်ပါတယ်။
အချစ်ရေးမှာ ချစ်သူက အလုပ်များနေတာမို့ မိမိကို ဂရုမစိုက်နိုင်ပါ။ နားလည်ပေးဖို့ လိုပါတယ်။ အိမ်ထောင်ရေးမှာတော့ မိမိအိမ်ထောင် ဘက်ရဲ့ ကိစ္စအ၀၀ကို ဝိုင်းဝန်းကူညီပေးနေရတတ်ပါတယ်။ အိမ်ထောင်ရေးကတော့သာယာပါလိမ့် မယ်။
အကျိုးပေးဂဏန်း ၆/၃/ဝ
အထူးဟော ကျန်းမာရေးဂရုစိုက်ပါ။
ယတြာ…ဒိန်ချဉ် ဘုရားကပ်လှူပါ။
ဗုဒ္ဓဟူး/ရာဟု
ဒီတစ်ပတ်အတွင်းမှာ စိတ်ချမ်းသာစရာတွေ အတော်များများ ကြုံတွေ့လာရတတ်ပါတယ်။ အမျိုးသမီး တစ်ဦး က ထိထိရောက်ရောက် အကူအညီကောင်းပေးတာမျိုးတွေ ဖြစ်လာရတတ်ပါတယ်။ လုပ်ငန်းတွေ သိသိ သာသာ အောင်မြင်တာ၊ စီးပွားသိသိသာသာ တတ်လာတာမျိုးတွေ ကြုံတွေ့ရတတ်ပါတယ်။
အောက်ခြေဝန်ထမ်း တွေအတွက်လည်း ကောင်းသောအပြောင်းအလဲတွေ ဖြစ်လာရ တတ်ပါတယ်။ မိဘဆရာသမား၊ ကြီးကဲသူတွေ အတွက် ဝမ်းမြောက်စရာတွေ ကြုံရ၊ ကြားရတတ်ပါတယ်။ ပညာရေးကိစ္စ၊ သင်တန်းကိစ္စတွေလည်း ထင်ထင် ရှားရှားအောင်မြင်တတ်ပါတယ်။
အိမ်နီးချင်းတွေ၊ လုပ်ဖေါ်ကိုင်ဖက် တွေကြောင့်လည်း စိတ်ချမ်းသာရတတ်ပါတယ်။ နမော်နမဲ့နေသူများ ချော်လဲတာ၊ ထိမိခိုက်မိတာမျိုးတွေလည်း ကြုံတွေ့ နေရတတ်ပါတယ်။ အချစ်ရေး၊ အိမ်ထောင်ရေး မှာလည်း အနှောက်အယှက်ကြီးကြီးမားမား ကြုံတွေ့နေရပေမယ့် နောက်ဆုံးနားလည်မှုတွေရလာ တတ်ပါတယ်။
လုပ်ငန်းအခွင့်အရေးကောင်းများ ပြန်ပေါ်လာတတ်ပါတယ်။ အရေးကြီးသောဆုံးဖြတ်ချက်များ ချမှတ်ရန် အချိန်ကောင်း ဖြစ်သည်။ မိမိကိုယှဉ်ပြိုင် လာ သူအားလုံးကို အနိုင်ရမည်။ကျန်းမာရေးကိုတော့ သတိထား ရမယ့်အနေအထားရှိပါတယ်။ ဖျားနာရင် ကြာရှည်သွားတတ်ပါတယ်။
အကျိုးပေးဂဏန်း…၁/၇/ဝ
အထူးဟော..ကံမြင့်မားနေတတ်ပါတယ်။
ယတြာ…အုန်းထမင်းဆွမ်း ဘုရားကပ်လှူပါ။
ကြာသပတေး
ဒီကာလတွေအတွင်းမှာ ထီကို ဂရုစိုက်ပြီး ထိုးသင့်ပါတယ်။ (၄အစ၊ ၆အစ) ရှာပြီး ထိုးပေးပါ။ လာဘ်အရွှင် ကြီး ရွှင်နေရတတ်ပါတယ်။ အဘက်ဘက်ကလည်း ငွေတွေဝင်လာတတ်ပါတယ်။ လျှပ်စစ်နဲ့ပတ်သက်လို့ ပြင်ဆင် မွမ်းမံရတာတွေလည်း လုပ်ဖြစ်ပါလိမ့်မည်။
အောက်လက်ငယ်သား၊ သားသမီးများအတွက် စိတ်ချမ်းသာစရာများ ကြုံတွေ့ရမည်။ သူတစ်ပါးရဲ့ အချစ်ရေး၊ အိမ်ထောင်ရေးမှာတော့ ကြားညှပ်ဖြေရှင်းပေးရ တတ်ပါတယ်။ ကျန်းမာ ရေး ကတော့ ရောဂါကင်းနေပေမယ့်မတော်တဆ ထိခိုက် အန္တရာယ်များ ကြုံကာ အပူလောင်တာမျိုးတွေလည်း ကြုံတွေ့လာရတတ်ပါတယ်။
အလုပ်မှာလည်း အတိုက်အခံ၊ အပြိုင်အဆိုင်တွေကြောင့် စိတ်ညစ်ရပေမယ့် လုပ်ငန်း တွေက ပြန်လည်ဦးမော့လာတတ်ပါတယ်။ ဝန်ထမ်းတွေကတော့ လူကြီးမျက်နှာသာအပေးခံရသူဖြစ်ပါက လုပ်ဖော် ကိုင်ဖက်တွေကတမင်နှောက်ယှက်တာ၊ ဒုက္ခပေးတာတွေ ကြုံတွေ့လာရတတ်ပါတယ်။
အထူးသဖြင့် မိန်းမတစ် ယောက်က ချောက်ချတာ၊ ရန်တိုက်ပေးတာမျိုးတွေ လုပ်လာတတ်ပါတယ်။ ဘာပဲဖြစ်ဖြစ် ကိုယ့်ဘက်က အောင် မြင်စွာ ဖြတ်ကျော်နိုင်ပါ လိမ့်မည်။ အချစ်ရေးကံကောင်းနေချိန်ပါ။ စန်းအားကောင်းပြီး ချစ်ခရီးလမ်းဖြောင့်ဖြူးနေ ပါလိမ့်မယ်။ အိမ်ထောင်ရေးကိစ္စတွေမှာလဲ ပြေလည်မှု၊စိတ်ချမ်းသာမှုတွေရလာတတ်ပါတယ်။
အကျိုးပေးဂဏန်း…၁/၂/၅
အထူးဟော…စန်းအားကောင်းနေမည်။
ယတြာ…..ပုစွန်ကြော်ဘုရားကပ်လှူပေးပါ။
သောကြာ
ဒီကာလတွေအတွင်းမှာ အတော့်ကို ကံနိမ့်နေပါတယ်။ အစစအရာရာ သတိဝီရိယရှိဖို့ အရေးကြီးနေပါတယ်။ ပြဿနာတွေက ခြေထောက်ပေါက်ပြီး ရောက်လာတတ်ပါတယ်။ မိတ်ဆွေရင်း ဆိုသူတွေကလည်း မီးခွက်ထွန်းပြီး ပြဿနာရှာပါလိမ့်မည်။ ငွေရေး၊ ကြေးရေးကတော့ တော်တော်ကို ညံ့နေရတတ်ပါတယ်။ မဝင်တဲ့အပြင် ဆီလို အပေါက်ရှာပြီး ထွက်နေပါမယ်။
ကိုယ့်ရဲ့အလုပ်အပြင် တာဝန်အပိုတွေ ထမ်းဆောင်ရတတ်ပါတယ်။ အလှူကိစ္စ၊ ဘာသာရေးကိစ္စတွေအတွက် ဦးဆောင်တာဝန်ယူရတတ်ပါတယ်။ အရေးကြီးသောကိစ္စများကိုအချိန်ဆွဲခြင်း၊ ရက် ရွှေ့ ခြင်းများ ပြုလုပ်သင့်ပါတယ်။ အချစ်ရေး၊ အိမ်ထောင်ရေးမှာ စကားရှုပ်သူများကို အထူးသတိထားပါ။
ကြားလူ ရဲ့သွေးထိုးစကားကိုချင့်ချိန်ယုံပါ။ ဆွေမျိုးများရဲ့ အလှူပွဲ၊ မင်္ဂလာပွဲများ ကြုံတွေ့ရတတ်ပါတယ်။ အရာရာတွင် မှန်းချက်နှင့် နှမ်းထွက်မကိုက်ဆိုတာမျိုးတွေ ဖြစ်တတ်သဖြင့် အရေးကြီးသော လုပ်ငန်းကိစ္စများပြုလုပ်ပါက အဓိဌာန်ပုတီးစိပ်ပြီးမှ ပြုလုပ်ပါ။ကျန်းမာရေးကတော့အလွန်ကောင်းနေမည်။
ခံစားနေရတဲ့ ရောဂါဝေဒနာတွေရှိရင် သက်သာလာမည်။ ပြောင်းလဲနေသော အခြေအနေအရပ်ရပ်ကြောင့် တွက်ဆမှုများ မှားယွင်းနေရမည်။ ပညာရေး အတွက်ကတော့ စိတ်ချမ်းသာရလိမ့်မယ်။ ပညာရှာနေသူများ…လိုချင်တဲ့ပညာတွေရလာတတ်ပါတယ်။
အကျိုးပေးဂဏန်း ၂/၆/၉
အထူးဟော…ကံညံ့နေမည်။
ယတြာ….မှိုနဲ့ကန်စွန်းရွက်ကြော်ဘုရားကပ်လှူလိုက်ပါ။
စနေ
ဒီကာလတွေအတွင်းမှာ လုပ်သမျှ၊ ကြံသမျှ အနှောက်အယှက်တွေ ကြုံတွေ့နေရတတ်ပါတယ်။ မနာလို၊ ရန်လိုသူတွေ ပေါများနေပါလိမ့်မည်။ စွပ်စွဲနာမည်ဖျက်တာတွေလည်း ခံရတတ်ပါသေးတယ်။ မိတ်ဆွေရင်း၊ လူရင်း တွေက သစ္စာဖေါက်တတ်ပါတယ်။ နေရာထိုင်ခင်းကိစ္စ၊ အဆောက်အအုံကိစ္စ၊ ရည်ရွယ်ချက်တွေ ပျက်သွား ရတတ် ပါတယ်။
ခြေဦးတည့်ရာ ထွက်သွားချင်စိတ်တွေလည်း ပေါ်လာတတ်ပါတယ်။ ပညာရေးကိစ္စ၊ သင်တန်း ကိစ္စတွေ မတင်မကျ ဖြစ်နေရတတ်ပါတယ်။ မထင်မှတ်ထားတဲ့ နေရာတွေကနေ ငွေတွေအများကြီး ဝင်လာတတ်ပါတယ်။ ငွေအဝင်ကြမ်းသလောက် အထွက်လည်း ကြမ်းနေရ တတ်ပါတယ်။ အသက်ရွယ် ကြီးရင့်သောသူတို့၏ ချစ်ခင် ကြင်နာ မှုကို ရရှိတတ်ပါသည်။
သို့သော် ငယ်ရွယ်ပျိုမြစ်သူတို့အား မိမိက ချစ်ခင်မှုရှိနေတတ်ပါသည်။ အချစ်ရေး တွင် စိတ်တိုင်းကျမှု မရှိသေးပါ။ အချစ်ရေး သင့်ပါသည်။ ကျန်းမာရေး ခန္ဓာကိုယ် ကြံ့ခိုင်သန်စွမ်းမှုနေတတ်ပါသည်။ ထူးထွေ ဆန်းပြားသောရောဂါဝေဒနာများ မရရှိတတ်ပါ။ သို့သော် အစားအသောက် မဆင်ခြင်မှုများကြောင့် ဖြစ် တတ်သောလေထိုးလေအောင့်ရောဂါ၊
အစာမကြေတတ်သောရောဂါ၊ အဆုတ်အအေးပတ်ခြင်း၊ ခန္ဓာကိုယ် ခြေလက် အထိအခိုက် ဒဏ်ရာရတတ်ခြင်းတို့ကို သတိပြုသင့်ပါသည်။
အကျိုးပေးဂဏန်း…၃/၈/၇
အထူးဟော…အနှောက်အယှက်များနေမည်။
ယတြာ…ဒဏ်ကြေလိမ်းဆေး အသက်ကြီးသူတစ်ဦးဦးကိုလှူလိုက်ပါ။
၇ရက်သားသမီးအပေါင်း ကောင်းသောလိုအင်ဆန္ဒတွေပြည့်ဝပါစေ
ဆရာငြိမ်းအေးလူ(ဗေဒင်သုတေသီ) 0977 5555 695 / 09 44 5555 695
