အမေရိကန်ဒေါ်လာတန်ဖိုး အားကောင်းနေတဲ့အတွက် မနေ့က သောကြာနေ့ ဈေးပိတ်ခါနီးမှာ
ကမ္ဘာ့ရွှေဈေး ကျဆင်းခဲ့ပေမဲ့ မေလအစောပိုင်းနောက်မှာ ဈေးအကောင်းဆုံး သီတင်းပတ် ဖြစ်ခဲ့ပါတယ်
အမေရိကန်ပြည်ထောင်စုရဲ့ အလုပ်အကိုင်ဈေးကွက် အားနည်းလာတဲ့သတင်းနဲ့ ဗဟိုဘဏ်က အတိုးနှုန်းကို
မတင်တော့ဘူးလို့ ယူဆရတဲ့အခြေအနေတွေကြောင့် ရွှေဈေး အခုလို ပြန်ဦးမော့လာတာပါ။
မနေ့က လက်ငင်းရောင်းဝယ်တဲ့ရွှေဈေးက တစ်အောင်စကို ၁၉၆၁.၃၉ ဒေါ်လာ ရှိခဲ့ပြီး ဝ.၃ % ကျသွားပေမဲ့ ပြီးခဲ့တဲ့တစ်ပတ်တာမှာ ဝ.၇ % မြင့်တက်ခဲ့ပါတယ်။ ကြာသပတေးနေ့ကလည်း အမေရိကန်ရဲ့အလုပ်အကိုင် အခြေအနေ မကောင်းတဲ့သတင်းကြောင့် ရွှေဈေးက ၁.၅ % ခုန်တက်ခဲ့ပါသေးတယ်။
“ကမ္ဘာ့ရွှေဈေးက အမေရိကန်ဗဟိုဘဏ်က ရှေ့အပတ်မှာ ထုတ်ပြန်မယ့်သတင်းပေါ် မူတည်ပြီး တစ်အောင်စကို ၁၉၄၀ – ၁၉၉၀ ဒေါ်လာကြားမှာ အတက်အကျ ဆက်ဖြစ်နိုင်တယ်” လို့ ဈေးကွက်လေ့လာသူက ပြောပါတယ်။
မြန်မာပြည်တွင်းမှာတော့ ကမ္ဘာ့ရွှေဈေး ခပ်ပါးပါး လှုပ်နေချိန်အတွင်း ပြင်ပဒေါ်လာဈေးက ၃၀၀၀ ကျပ်နားအထိ မြင့်တက်လာတာကြောင့် အခေါက်ရွှေဈေးဟာ တစ်ကျပ်သားကို ၃၁ သိန်းဝန်းကျင်အထိ မြင့်လာခဲ့ပါတယ်။
