စက်ဆွဲစရာမလိုပဲ ဆံပင်ကို ပျော့ပျောင်းစေမယ့်နည်းလမ်း
မိန်းကလေးတွေတော်တော်များများက ဆံပင်ကို ကောက်လိုက်ဖြောင့်လိုက်လုပ်ကြတာများပါတယ်။
တချို့က ဆံပင်ရေလှိုင်းပုံလေးတွေလုပ်တာကို ကြိုက်ကြတယ်။
တချို့ကျ ဖြောင့်စင်းနေတဲ့ ဆံပင်ကို ကြိုက်ကြပါတယ်။ဒါပေမယ့် ကောက်တာပဲဖြစ်ဖြစ် ဖြောင့်တာပဲဖြစ်ဖြစ် ဆံပင်ကို စက်နဲ့ဆွဲပြီးလုပ်ရတာမလို့ ဆံကေသာကို အနည်းနဲ့ အများတော့ ပျက်ဆီးစေမှာပါ။
အဲ့လိုမျိုးတွေ မဖြစ်ရအောင် ဆံကေသာကို ဖြောင့်စင်းချင်သူများအတွက် သဘာဝအတိုင်းပေါင်းတင်နည်းလေးကို ဖော်ပြပေးချင်ပါတယ်။
ပေါင်းတင်တာဆိုတဲ့အတွက် ခေါင်းလျှော်သလို လျှော်လို့မရပါဘူး။ဆံကေသာမှာ နှံအောင်လိမ်းထားပြီးမှ အချိန်တစ်ခုထားပြီး လျှော်ရမှာပါာပထမဆုံး ဘာတွေလိုအပ်လဲဆိုတာ ပြောပြပါမယ်။
လိုအပ်တဲ့ ပစ္စည်း လေးတွေကတော့
– ကြက်ဥ
– ရှားစောင်းလက်ပက်
– သံလွင်ဆီ
– ပျားရည်
ဆံပင်အတိုအရှည်ပေါ်မူတည်ပြီး ချင့်ချိန်ပြီးရောစပ်ဖို့တော့လိုပါတယ်။ ပထမဆုံး ကြက်ဥကို လိူသလောက် ဖောက်ပြီးထည့်လိုက်ပါ။ပြီးရင် ရှားစောင်းလက်ပက်ကို အထဲက အနှစ်တွေ ထူတ်ပြီးတော့ ကြက်ဥနဲ့ရောမွှေပါ။ပြီးရင် သံလွင်ဆီရယ် ပျားရည်ရယ်ကိုပါထပ်ထည့်ပြီး နှံ့အောင်မွှေပေးပါ။ရောပြီးသွားပြီဆိုရင် ဆံကေသာကို လိမ်းလို့ရပါပြီ။သေချာနှံ့အောင်လိမ်းပြီး ဖြေးဖြေးချင်းလိမ်းပေးပါ။
ပြီးရင် နာရီဝက်လောက် ပေါင်းခံထားပြီးတော့ ရေနဲ့ဆေးချပြီး လျှော်လိုက်တာနဲ့ ပျော့ပျောင်းတဲ့ ဆံကေသာကို ရရှိလာမှာပဲဖြစ်ပါတယ်။ဆံကေသာပျော့ပျောင်းစေရုံမဟုတ်ပဲနဲ့ ဆံပင်နှစ်ခွဖြစ်တာကိုပါ ပျောက်ကင်းစေနိုင်ပါတယ်။တစ်ခုထပ်ထည့်လို့ရတာက ဆံပင်ကျွတ်တတ်တဲ့ သူဆို သံပုရာရည်ပါထပ်ထည့်ပြီး အသုံးပြုလို့ရပါတယ်
