အရည်အချင်းရှိတဲ့ယောကျာ်းတွေ တန်ဖိုးထားလက်ထပ်ချင်တဲ့မိန်းကလေးဆိုတာ ယောကျာ်းလေးတွေဟာ သူတို့ဘယ်လောက်ပဲချစ်ချစ် အိမ်ထောင်ဖက်အဖြစ် ရွေးချယ်လို့အဆင်မပြေတဲ့သူကို လက်ထပ်ဖို့မစဉ်းစား ကြပါဘူး။ အိမ်ထောင်ဖက်အဖြစ်၊ လက်တွဲဖော်အဖြစ်ရွေးချယ်တဲ့အခါ အခုလို အချက်တွေနဲ့ပြည့်စုံတဲ့ မိန်းကလေးမျိုးကို ရွေးချယ်တတ်ကြပါတယ်။ (၁) ပြင်ပရုပ်ရည်သွင်ပြင်ကိုဂရုစိုက်တဲ့သူ အလှအပကိုအရမ်းဦးစားပေးလွန်းတာမျိုးမဟုတ်ဘဲ ကိုယ့်ရဲ့ရုပ်ရည်နဲ့ပတ်သက်ပြီး ကြည့်ကောင်းနေအောင် ၊ လူအမြင်မှာတင့်တယ်အောင် အမြဲဂရုတစိုက်ရှိတဲ့မိန်းကလေးမျိုး။ (၂) စကားအပြောအဆိုလိမ္မာတဲ့သူ ကိုယ့်ကိုပြောလာတဲ့စကားကို ဘယ်လိုတုံ့ပြန်ရမလဲသိတဲ့သူ၊ မိုက်ရိုင်းတဲ့စကားအသုံးအနှုန်းတွေ မပြောတတ်တဲ့သူ၊ ကိုယ့်ကိုစိတ်အနှောက်အယှက်ပေးလာသူတွေကို ပညာသားပါပါတုံ့ပြန်နိုင်တဲ့မိန်းကလေးမျိုး။ (၃) ဘဝရည်မှန်းချက်ရှိတဲ့သူ ကိုယ်ဘာဖြစ်ချင်လဲ ရှင်းရှင်းလင်းလင်းသိပြီး ဘဝကိုပေါ့ပျက်ပျက်မဖြတ်သန်းဘဲ ရည်မှန်းချက်ရှိတဲ့မိန်းကလေးမျိုး။ (၄) ကိုယ့်ကိုယ်ကိုယုံကြည်မှုရှိတဲ့သူ ကိုယ့်ကိုယ်ကို သံသယမဝင်ဘဲ၊ ဘာလုပ်လုပ်တွန့်ဆုတ်မနေဘဲ ယုံကြည်မှုရှိတဲ့မိန်းကလေးမျိုး။ (၅) ကိုယ့်ရဲ့ရုပ်ရည်နဲ့ပတ်သက်လို့စိတ်ကျေနပ်မှုရှိတဲ့သူ ကိုယ့်ရဲ့ရုပ်ရည်သွင်ပြင်နဲ့ပတ်သက်လို့ မလိုမကျဖြစ်မနေဘဲ စိတ်ကျေနပ်မှုရှိတဲ့ မိန်းကလေးမျိုး။ (၆) ကိုယ့်ကိုယ်ကိုဂရုစိုက်တတ်တဲ့သူ ကိုယ့်ရဲ့ကျန်းမာရေး၊ ကိုယ့်ရဲ့အလုပ်အကိုင်နဲ့ အရာရာကိုဂရုစိုက်တတ်ပြီး ကိုယ့်ကိုယ်ကိုထိခိုက်အောင် မလုပ်တဲ့မိန်းကလေးမျိုး။ […]
