မိဘအတော်များများက သူတို့ရဲ့ကလေးတွေကို အမှတ်ကောင်းကောင်းရဖို့နဲ့ ဂုဏ်သတင်းကျော်ကြားတဲ့ တက္ကသိုလ်တွေကိုပဲတက်စေချင်ကြပါတယ်။ ဒါပေမယ့်သူတို့တွေဟာ ကလေးတွေရဲ့ EQ ကို လျစ်လျူရှုထားလေ့ရှိပါတယ်။ တကယ်တော့ စိတ်ပိုင်းဆိုင်ရာမှာတိုးတက်ပြီး ခိုင်မာနေတာက အလုပ်တိုင်းမှာအောင်မြင်စေပြီးတော့ စိတ်ဖိစီးမှုတွေကြုံလာတဲ့အခါမှာလည်း လွယ်လွယ်ကူကူဖြေရှင်းနိုင်စေတဲ့အထိ အကျိုးရှိစေပါတယ်။ ဒါကြောင့်ဘယ်လိုစကားလုံးတွေ၊ အပြုအမှုတွေက ကလေးတွေကို သက်ရောက်စေလဲဆိုတာကို လေ့လာကြည့် လိုက်ရအောင်။ ၁။ အကျိုးအကြောင်းကိုရှင်းပြပါ။ ကလေးရဲ့စိတ်ခံစားချက်ကို လျစ်လျူရှုတာ (ဒါမှမဟုတ်) အပြစ်တင်ပြောဆိုတာက ကလေးကိုစိတ်ကျရောဂါ ဖြစ်စေနိုင်ပါတယ်။ ကဲ့ရဲ့ခြင်း(သို့)လျစ်လျူရှုခြင်းတာက သူတို့ရဲ့မသိစိတ်ထဲမှာ ကြောက်ရွံ့စေပါတယ်။ ပြဿနာကိုဖြေရှင်းပြီး အရာအားလုံးကို အဆင်ပြေတယ်လို့ ဟန်ဆောင်ပြောတာထက် သူတို့ကိုယ်တိုင်ဖြေရှင်းတာက ပိုကောင်းပါတယ်။ ခက်ခဲတဲ့အခြေအနေတွေမှာ ကိုယ်တိုင်ဖြေရှင်းရတာက ကလေးရဲ့ဉာဏ်ရည်ကိုပိုထက်စေတဲ့အပြင် သူတို့ကိုယ်သူတို့ ယုံကြည်မှုရှိလာစေပါတယ်။ ၂။ စိတ်ဓာတ်တက်ကြွစေမယ့် စကားတွေပဲပြောပေးပါ။ သူတို့နဲ့စကားပြောတဲ့အခါမှာ သတိထားမိတဲ့ စကားလုံးတွေကို ပြောပေးတာက စိတ်ပိုင်းဆိုင်ရာအသိဉာဏ်ကို သင်ကြားတဲ့နေရာမှာ မရှိမဖြစ်လိုအပ်တဲ့အရာပဲဖြစ်ပါတယ်။ […]
