ကျော်ဟိန်းရဲ့ သမီး ခင်ခင်ခ တင်ထားတဲ့ “ပထမဆုံး” လွမ်းဆွတ်ဖွယ်သီချင်းလေး
ရုပ်သံကို အောက်ဆုံးတွင် ဖော်ပြထားပါသည်။
မင်းသားကြီးဦးကျော်ဟိန်းရဲ့ လူသိနည်းသော ဘဝဇာတ်ကြောင်းကို ပြန်လည် မျှဝေလိုက်ပါတယ်နော်..
ရန်ကုန်မြို့၊ ကြည့်မြင်တိုင်၊ ABM ကျောင်းမှာ ပထမတန်း ကနေ စတုတ္ထတန်း အထိ ကျောင်းစာ သင်ကြားခဲ့သည်။(စတုတ္ထတန်းစာမေးပွဲမှာ အောင်မှတ် မပြည့်လို့ နွေရာသီကျောင်းပိတ်ရက် နှစ်လ မှာ စာကျက်ပြီစာမေးပွဲပြန်ဖြေရတယ်။
(၁၉၅၆ ခုနှစ် အလုံမြို့နယ်၊ ဟုမ်းလမ်း ဘူတာရုံနားက ယူနစ်ကရင်ကျောင်းမှာ ပဉ္စမတန်း ကို တက်ရောက်သင်ကြား။၁၉၅၇ခုနှစ်အလုံမြို့နယ်၊ ကူရှင်ကျောင်းမှာ ဆဋ္ဌမတန်း၊ သတ္တမတန်း (နှစ်ကြိမ်)၊အဋ္ဌမတန်း၊ နဝမတန်း (နှစ်ခါ ကျလို့ကျောင်းထွက်လိုက်ရ)၁၉၆၄ခုနှစ် ရန်ကုန်မြို့၊ မြို့နယ် အသီးသီးရှိ အလွတ် ပညာသင်ကျောင်း (ညကျောင်း အပါအဝင်)၊(၂၃) ကျောင်းပြောင်းရွှေ့သင်ကြား၊နောက်ပိုင်း ကျောင်း မနေဖြစ်တော့ဘဲ အိမ်က ၁၆ ကြိမ်ဆင်း။
အိမ်ပြေး ဘဝနဲ့ လမ်းပေါ်မှာ လေလွင့်။၁၉၆၅ ခုနှစ် ကမာရွတ်မြို့နယ်၊ ဒေါ်သာထက် ကျောင်းမှာ နဝမတန်း(သုံးကြိမ်မြောက်)သင်ကြားအောင်မြင် ။၁၉၆၆ ခုနှစ် ဒဂုံမြို့နယ်၊ ဒေါ်နုနုခင်အလွတ် ပညာသင်ကျောင်းမှာ ဒသမတန်းသင်ကြား၊ သုံးလလောက်တက်ပြီးရေတပ်ထဲဝင် (ကိုယ်ပိုင် နံပါတ် ၁၂၂၀၅) ၁၉၆၇ ခုနှစ် ရေတပ်ထဲကထွက်၊ဒသမတန်း ပြန်ဖြေ၊ဆယ်တန်း(ခ)နှင့်အောင် (တက္ကသိုလ်ဝင်တန်း) အထိ ပညာ သင်ကြားခဲ့သည်။
ငယ်စဉ်က စိန်ဂေါ်လီ ဂိုဏ်း ဝင် တစ်ဦးဖြစ်သည်။ ရုပ်ရှင်လောကထဲရောက်။၁၉၇၀ ပြည့်နှစ်မှ စ၍ ရုပ်ရှင် မင်းသမီး စန္ဒာနှင့် အတူဖူးစာလမ်းစုံ ဇာတ်ကားဖြင့် ရုပ်ရှင်လောကထဲသို့ ဝင်ရောက်ခဲ့သည်။ ရုပ်ရှင် သရုပ်ဆောင် အဖြစ် `အကာက အချစ် အနှစ်ကမေတ္တာမွန်းတည့်ချိန်တွင် နေဝင်သည်´၊ `ပန်းမြိုင်လယ်က ဥယျာဉ်မှူး´၊ `ဝေလည်းမွှေး ကြွလေည်းမွှေး´ဇာတ်ကားများဖြင့် အကယ်ဒမီလေးကြိမ်ရရှိခဲ့သည်။
မွန်းတည့်ချိန်တွင် နေဝင်သည်´ဇာတ်ကားကို ကိုယ်တိုင် ဒါရိုက်တာ အဖြစ် ရိုက်ကူးခဲ့သည်။ ၁၉၇၀ခုနှစ်တွင် ပထမဆုံးဒါရိုက်တာလုပ်၍သရုပ်ဆောင် ရိုက်ကူးခဲ့သော ဇာတ်ကားမှာ စိန် သို့မဟုတ် စိန်ဖြစ်သည်။ ထို ဇာတ်ကား၏ ကြော်ငြာ ဒီဇိုင်း၊ပိုစတာများ အားလုံးကိုသူကိုယ်တိုင် နေမင်းထိပ်ခေါင် အမည်ဖြင့် ရေးဆွဲခဲ့ပေသည်။ဝတ္ထုတို၊ ဝတ္ထုရှည် အချို့ ရေးသားခဲ့ပြီးတေးစီးရီး အချို့ကိုလည်းသီဆို ထုတ်လုပ်ခဲ့သည်။ရုပ်သံကြော်ငြာများတွင်လည်း သရုပ်ဆောင်ကြေး အများဆုံးရသူဖြစ်သည်။
၂၀ဝ၈ ခုနှစ်၊ နိုဝင်ဘာ (၄)ရက်နေ့မှ စ၍ ဦးကျော်ဟိန်း သည် ရုပ်ရှင်လောကမှ အနားယူကာ ရဟန်း ဝတ်ခဲ့လေသည်။ဘွဲ့တော်မှာ ဦးကိတ္တိသာရ ဖြစ်သည်။
ဘုန်းကြီးဝတ် အနေဖြင့် စာပေများရေးသောအခါ ကလောင် နာမည် ဦးကိတ္တိသာရ (ခေတ္တ ၃၁ ဘုံ) ဟုဖြစ်သည်။ နောက်ဆုံး ရိုက်ကူးခဲ့သော ရုပ်ရှင်ကား မှာ ကြိုးတန်း ဖြစ်သည်။၁၉၆၇ ခုနှစ်မှ ၂၀ဝ၈ ခုနှစ်ထိ (နှစ်ပေါင်း ၄၁ နှစ်အတွင်း)ရိုက်ကူးခဲ့သော ရုပ်ရှင် ကားပေါင်း ၂၂၂ကား၊ ဗီဒီယို ကားပေါင်း ၃၆၂ ကား ဆိုခဲ့တဲ့သီချင်းခွေပေါင်း ၁၄ ခွေ ဖြစ်သည်။ငယ်စဉ်က ၉တန်းကျောင်းထပ်မတက်ပဲ ရေတပ်သားဘဝနဲ့တစ်နှစ်နေခဲ့တယ်။
ရေတပ်သားဘဝမှာလည်းသူမပျော်ပြန်ဘူး..နတ်တလင်းကအဒေါ်ဖြစ်သူကအတင်းလိုက်ရှာပြီ ၉တန်းပြန်ဖြေခိုင်းတယ်။အောင်သွားပါတယ်။ဆယ်တန်းမတက်တော့ဘူး.အိမ်မှာလည်းငါမနေချင်တော့ဘူးဆိုပြီး ထွက်လာတယ်။ လမ်းမှာဆိတ်ခြံတစ်ခြံမှာအိပ်စရာမရှိလို့ဒီညအိပ်ပါရစေဆိုတော့ ဆိတ်ခြံထဲတော့အိပ်လို့ရမယ်.ဒါပေမယ့်မနက်ဆိတ်ချေးကျုံးရမယ်။သူ့အတွက်တစ်ညတာအိပ်စက်ခွင့်ရသပါတယ်။ဦးတည်ရာမရှိရည်မှန်းချက်မရှိသွားချင်ရာသွား လမ်းသူရဲတွေနဲ့ပေါင်း ပြီးဘိန်းတွေရှု။
နောက်ပိုင်းမှာတော့ ကြံတောသင်္ချင်းမှာကိုယ်လက်အင်္ဂါမစုံသူတွေနဲ့ ဖဲတွေရိုက်ဒီလိုနဲ့ဘဝကိုကုန်ဆုံးစေခဲ့တယ်။ စာဖတ်ဝါသနာပါတဲ့သူတစ်ရက်မှာ ရုပ်ရှင်သရုပ်ဆောင်သင်တန်းကခေါ်တဲ့စာလေးကိုဖတ်လိုက်မိတယ်။ ဟာ မဆိုဘူးပဲ သူလျှောက်ဖို့ စိတ်ကူးလိုက်တယ်။ ကံပဲကောင်းတာလား တော်လို့ပဲလားပါရမီလားမသိပေမယ့် သရုပ်ဆောင်သင်တန်းတက်ခွင့်စာမေးပွဲအောင်သွားပါတယ်။သရုပ်ဆောင်သင်တန်းပြီးပြီ ရုပ်ရှင်ရိုက်ချင်ပြီ ဘယ်ကုမ္ပဏီကမှလာမခေါ်ဘူး။
ကံကောင်းစေတဲ့နေ့သူ့အဒေါ်အဆက်အသွယ်နဲ့ရုပ်ရှင်ကားတစ်ကားမှာပါဝင်ခွင့်ရခဲ့ပါတယ်။ ဇတ်လမ်းရိုက်မှာက မန္တလေးမှာ..ဒါရိုက်တာကသူ့ကို သေချာသရုပ်ဆောင်နော်မှားရင်ပြန်ရမယ်။ မနက်ဖြန်မန္တလေးလိုက်ခဲ့ဒါပဲ။ ဆရာကျန်တော့်လမ်းစာရိတ်လေးရော.!ဒါရိုက်တာကဟာ ရိုက်တောင်မရိုက်ရသေးဘူး မပေးနိုင်ဘူး။ သူဒေါသထွက်သွားပါတယ်။ဟုတ်ပြီရအောင်ရိုက်ပြမယ်။ မနက်ခင်းမီးရထားဘူတာကိုငေးငိုင်ပြီးလမ်းလျှောက်လာတယ်။
ရပ်ထားတဲ့ရထားဘေးမှာမတ်တပ်ရပ်နေတုန်း ရထားပေါ်ကလမ်းခေါ်လိုက်တာက မင်းသမီးကြီးဒေါ်စံရှားတင်။ ဟိတ်ကောင်လေးနင်ငါတို့ရုပ်ရှင်ထဲမှာပါတဲ့ကောင်လေးမလား လာလေဘာလုပ်နေတာလဲ။ ကျန်တော် ရထားစီးဖို့ ပိုက်ဆံက..လာပါငါစိုက်ပေးမယ်(နောက်ပိုင်းမှာဒေါ်စံရှားတင်ဟာသူ့ဘဝရဲ့ပထမဆုံးကျေးဇူးရှင်လို့ပြောသွားပါတယ်)မန္တလေးကသူ့ဘဝရဲ့ပထမဆုံးရုပ်ရှင်သူဟာသူဌေးသားဆရာဝန်။သူ့ချစ်သူက ရပ်ကွက်ထဲကပဲပြုပ်သည်ကောင်မလေး။
မိခင်ဖြစ်သူက သဘောမတူတဲ့ချိန်မှာ သူပြန်ပြောပါတယ် ဟာ မာသားကြီးတို့ကလည်း လူချင်းတူတူပဲဗျ ပခုံးနှစ်ဖက်ကြားကခေါင်းပေါက်တာ နှာခေါင်းနဲ့အသက်ရှုတာ ..ပထမဆုံးဇာတ်လမ်းဟာ သူ့အတွက် ပရိတ်သတ်စတင်လက်ခံခဲ့တယ်။ဒါရိုက်တာကလည်းသူ့စကားလုံးတွေကိုကြွေသွားခဲ့တယ်။ သူဟာ နာမည်ကျော်သရုပ်ဆောင်တစ်ယောက်ဖြစ်လာခဲ့တယ်။ရုပ်ရှင်ရိုက်ခါနီးမှာပျောက်ပျောက်နေတယ်။ဘာလုပ်တာလဲ။ သူအင်မတန်စွဲနေတဲ့ဘိန်းခိုးရှုနေခဲ့တယ်။
တစ်ရက်မှာတော့ မိမိဝင်းရွှေရဲ့အဖေ ပန်းချီဦးဝင်းဖေဟာ သူ့ကိုရိုက်ကွင်းထဲမှာ ဒိုင်ယာလော့တစ်ခုချပြနေတုန်း သူနဲ့ဦးဝင်းဖေမျက်လုံးချင်းဆုံမိလိုက်တယ်။ သူ့အကြောင်းသိနေတဲ့ ဦးဝင်းဖေရဲ့မျက်လုံးတစ်စုံက စကားတွေပြောနေတာသူသိတယ်“အလကားကောင်ဘိန်းစား”တဲ့ သူဒေါသထွက်သွားတယ် ငါလေးစားရတဲ့ ငါ့ဆရာကဒီလိုပြောတယ်ငါမခံနိုင်ဘူး။ငါရအောင်ဖြတ်မယ်ဆိုပြီး အိမ်ကိုပြန်လာခဲ့တယ်။ အိမ်ရောက်တော့ သူကြိုက်တဲ့ဘိန်းထုပ်ကိုဝအောင်ရှုလိုက်တယ်။
ဝပြီဆိုတာနဲ့ဘိန်းထုပ်ကိုယူပြီး ကြွေးကြော်လိုက်တယ်ပြတ်ပြီကွဆိုပြီး သူ့ဘိန်းထုပ်ကိုအိမ်သာခွက်ထဲလောင်းထည့်လိုက်တယ်။မကြာပါဘူး သူယင်းတွေပြန်ထလာပါတယ်။ မနေနိုင်တော့တဲ့အဆုံးမှာသူဟာအိမ်သာဘက်ကိုသွားပြီး အိမ်သာခွက်ဘေးမှာတင်နေတဲ့ဘိန်းမှုန့်တစ်ချို့ကို လက်နဲ့ယူလိုက်တယ်။ပြီးတော့ ပါစပ်နားထည့်ခါနီးမှာ သူ့မျက်ဝန်းတစ်စုံဟာ မျက်ရည်တွေစီးကျလာတယ်။ရှက်လိုက်တာရှက်လိုက်တာ..
မရှုတော့ဘူးဒီဘိန်းကိုလုံးဝမသုံးတော့ဘူးဆိုပြီးသူ့အသက်သုံးဆယ်မှာ ဆရာဝန်အကူအညီမပါပဲ ဘိန်းပြတ်သွားခဲ့ပါတယ်။ရုပ်ရုံလောကမှာလည်းသူမှသူသီချင်းဆိုရာမှာလဲသူမှသူဇာတ်ဝင်တေးဆိုရာမှာလည်းသူမှသူဖြစ်ခဲ့သူကြီးပေါ့..စိတ်ဓာတ်ပိုင်းဆိုင်ရာဇာတ်လမ်းတွေ လောကဆိုင်ရာဇာတ်လမ်းတွေကို များများရိုက်ပြီး သူ့ဘဝကိုမြင့်မြတ်သောရဟန်းဘဝနဲ့အချိန်ကုန်စေပါတော့တယ်။
မင်းသားကြီးကျော်ဟိန်းကတော့ လက်ရှိမှာ သာသနာ့ဘောင်ထဲသို့ဝင်ရောက်ပြီး ၁၁.၇.၂၀၂၀ ရက်နေ့ နံနက် ၉ နာရီ ၂၇မိနစ်မှာတော့ဘဝတစ်ပါးသို့ ကူးပြောင်းသွားပြီဖြစ်ပါတယ်။ တိုက်တိုက်ဆိုင်ဆိုင်ပဲ မြန်မာနိုင်ငံရဲ့ အောင်မြင်အကျော်ကြားဆုံးဖြစ်တဲ့မင်းသား ဒွေး သေဆုံးခဲ့တဲ့သေဆုံးခဲ့တဲ့ နေ့နဲ့ထပ်တူဖြစ်နေတာပါပဲ။ ယနေ့ မင်းသားကြီး ကျော်ဟိန်းရဲ့ ရုပ်ရှင်ကားတွေကလည်းပရိသတ်တွေရဲ့ရင်ထဲမှာ ရှင်သန်နေဆဲပါ။
ပရိသတ်တွေလည်း ယူတတ်ရင် သင်ခန်းစာတွေအများကြီးရနိုင်တဲ့ ကျော်ဟိန်းရဲ့ဘဝဇာတ်ကြောင်းကို သဘောကျနှစ်သက်တယ်ဆိုရင်shareသွားကြဖို့ မမေ့ပါနဲ့နော်။
Writer ; Happy and Lucky
Source ; ဇော်ခိုင်ဦး(မန္တလေး)
