ဆန္ဒပြလူငယ်တွေကို ကူညီပေးရင်း ဖမ်းဆီးခံလိုက်ရတဲ့YBS 24ကားဆရာကြီး ပြန်လွတ်လာပြီဆိုပြီးပြောဆိုနေကြတဲ့အပေါ် ဖြေရှင်းလိုက်တဲ့ ပြည်သူတစ်ဦး

သင်္ဃန်းကျွန်းသပိတ်စစ်ကြောင်းကို အကြမ်းဖက်ဖြိုခွင်းခဲ့တုန်းက လူငယ်တွေပြေးလွတ်အောင် ကားကန့်လန့်ဖြတ်ပိတ်ပြီး ကူညီပေးခဲ့တဲ့ YBS 24ကားဆရာကြီးကိုကျော်ခိုင်ဝင်းတစ်ယောက် ဖမ်းဆီးထိန်းသိမ်းခံခဲ့ရပါတယ်။

ကိုကျော်ခိုင်ဝင်းဟာ အင်းစိန်အကျဥ်းထောင်မှာ ထိန်းသိမ်းခံထားရတာဖြစ်ပြီး ဇနီးဖြစ်သူနဲ့ အရွယ်မရောက်သေးတဲ့ ကလေးငယ်(၂)ယောက်တို့ ကျန်ရစ်ခဲ့ပါတယ်။

ဇွန်လ(၃၀)ရက်နေ့ မနေ့ကတော့ အ​ကြောင်းအမျိုးမျိုးကြောင့် ဖမ်းဆီးခံထားရတဲ့ အကျဥ်းသား(၂၀၀၀)ခန့်ကို ပြန်လွှတ်ပေးခဲ့ပါတယ်။

ယခုမှာတော့ နွေဦးတော်လှန်ရေးဆင်နွှဲတဲ့ လူငယ်လေးတွေကို ကူညီရင်း ဖမ်းဆီးခံလိုက်ရတဲ့ YBS 24ကားဆရာကြီးတစ်ယောက် အကျဥ်းထောင်က ပြန်လွတ်လာသူတွေထဲမှာ ပါဝင်တယ်ဆိုတဲ့ သတင်းအမှားတွေ လူမှုကွန်ယက်စာမျက်နှာထက်မှာ ပျံ့နှံ့လာခဲ့ပါတယ်။

ကလေးငယ်လေးကိုချီပြီး အကျဥ်းထောင်က ပြန်လွတ်လာတဲ့ အမျိုးသားတစ်ယောက်ကို ပြည်သူအချို့က ဖမ်းဆီးခံလိုက်ရတဲ့ YBS 24ကားဆရာလို့ ထင်မှတ်နေကြတာဖြစ်ပါတယ်။ ပြည်သူအချို့ကလည်း အဆိုပါသတင်းအမှားတွေနဲ့ပတ်သက်ပြီး ပြန်လည်ဖြေရှင်းမှုတွေပြုလုပ်နေကြပါတယ်။

ပြည်သူတစ်ဦးက ” YBS 24 ကားဆရာ ကိုကျော်ခိုင်၀င်းမဟုတ်ပါဘူးရှင့် postတွေမှာပြောနေကျတာတွေ့လို့ပါ လွတ်လာတဲ့အကိုအတွက်လဲ ၀မ်းသာပါတယ်ရှင့် ဆရာကြီးလဲ မြန်မြန်လွတ်မြောက်ပါစေရှင့်” ဆိုပြီး သတင်းအမှားတွေကို ပြန်လည်ဖြေရှင်းလာခဲ့တာပဲဖြစ်ပါတယ်။

ဆန္ဒပြလူငယ်လေးတွေကို ကူညီပေးရင်း ဖမ်းဆီးခံလိုက်ရတဲ့ YBS 24ကားဆရာကြီးလည်း အမြန်ဆုံးလွတ်မြောက်ပြီး မိသားစုနဲ့ပြန်လည်ဆုံတွေ့နိုင်ပါစေကြောင်း ဆုမွန်ကောင်းတောင်းပေးလိုက်ရပါတယ်။

Source : Original Uploder