ည ၁၁နာရီအချိန်ထိ လမ်းပေါ်မှာရှိနေတတ်တာကြောင့် လူအများက သူမအတွက် စိုးရိမ်နေကြရတဲ့ လှပလွန်းတဲပန်းသည်မလေးတစ်ဦး

ဖိလစ်ပိုင်နိုင်ငံရှိလမ်းများပေါ်မှာ ကလေးငယ်များစွာကို နေ့စဉ်နေ့တိုင်း မြင်တွေ့နေရလေ့ရှိပြီး ၎င်းကလေးများဟာ ၎င်းတို့မိသားစုက ဆင်းရဲနွမ်းပါးတာကြောင့် ၎င်းတို့ဟာ ကားသမားများနှင့် ဖြတ်သွားဖြတ်လာသူများအား တစ်ခုခုရောင်းချခြင်းဖြင့် တစ်နေ့ကုန် လမ်းပေါ်မှာသာ အချိန်ကုန်ဆုံးကြရပါတယ်။သို့ပေမဲ့ တစ်ခါတစ်ရံမှာ ၎င်းကလေးများအချို့ဟာ ၎င်းတို့ရဲ့အလှအပ ဒါမှမဟုတ် ၎င်းတို့ရဲ့ကြင်နာတတ်တဲ့အပြုအမူတို့ကြောင့် လူသိများလာကာ နာမည်ကြီးသွားတတ်ကြပါတယ်။မကြာသေးမီက Honney RJ Balasabas အမည်ရှိအမျိုးသမီးဟာ လမ်းများပေါ်မှာ သူမတို့နှင့်တစ်ကြိမ်မကဘဲ အကြိမ်ပေါင်းများစွာ တွေ့ဆုံခဲ့ရတဲ့ချစ်စရာကောင်းတဲ့ sampaguita ပန်းရောင်းသူကလေးမလေးတစ်ဦးရဲ့ဓာတ်ပုံများကို social media ပေါ်သို့ ပြန်လည်မျှဝေပေးခဲ့ပါတယ်။

Honney ရဲ့အဆိုအရ သူမရဲ့ခင်ပွန်း Onnie ဟာ လမ်းဆုံတစ်ခု၌မီးစိမ်းတာကို စောင့်ဆိုင်းနေစဉ် အဆိုပါလှပတဲ့ sampaguita ပန်းရောင်းတဲ့ကလေးမလေးကို တွေ့ခဲ့တဲ့အကြောင်းကို သူမအားပြောပြခဲ့ပုံရပါတယ်။

Onnie က အဆိုပါကလေးမလေးအား sampaguita ပန်းအတွက် ပိုက်ဆံအနည်းငယ်ပေးခဲ့ပေမဲ့ ပန်းကိုတော့ မယူဖို့လုပ်ခဲ့ပြီး သူမအား သူမယူလိုက်တဲ့ပန်းကို အခြားကားသမားထံသို့ သွားရောင်းဖို့ ပြောခဲ့ပါတယ်။သို့ပေမဲ့ ကလေးမလေးဟာ ၎င်းတို့စုံတွဲရဲ့စကားကို ငြင်းဆိုခဲ့ပြီး ပန်းတွေကို ယူပေးမှ သူမအိမ်စောစောပြန်နိုင်မည်ဖြစ်ကြောင်း ပြောကြားခဲ့ပါတယ်။

ထို့နောက် အဆိုပါကလေးမလေးလေးအကြောင်းကို ပြောနေကြစဉ် Onnie က သူဟာ ၁၁ နာရီအချိန်လောက် အပြင်သွားခဲ့တဲ့အချိန်တုန်းကလည်း ကလေးမလေးကို တွေ့ဖူးခဲ့ကြောင်း ဇနီးဖြစ်သူအား ပြောပြနေခဲ့ပါတယ်။

ထို့ကြောင့် Honney က အဆိုပါကလေးမလေးဟာ အရမ်းကို ချောမောလှပနေတာကြောင့် ရည်ရွယ်ချက်မကောင်းတဲ့ယောကျ်ားများရဲ့ပစ်မှတ်ဖြစ်သွားမှာကို စိုးရိမ်နေခဲ့ရပါတယ်။ရက်အနည်းငယ်အကြာမှာတော့ ၎င်းတို့စုံတွဲဟာ အဆိုပါကလေးမလေးကို ပြန်တွေ့ခဲ့ကြပြီး Honney က ကလေးမလေးရဲ့ပုံအချို့ကို ရိုက်ကူးခဲ့ပါတယ်။

Honney က ကလေးမလေးအား သူမရဲ့အလှကိုသဘောကျတာကြောင့် သူမကိုဓာတ်ပုံရိုက်နေတယ်လို့ပြောလိုက်တော့ ကလေးမလေးက အနည်းငယ်ပြုံးပြလိုက်ပါသေးတယ်။၎င်းတို့စုံတွဲဟာ အဆိုပါကလေးမလေးမှာ သူမအား ထိန်းကျောင်းလမ်းပြပေးမဲ့မိသားစုရှိနေလိမ့်မယ်လို့ ယုံကြည်ပြီး လမ်းပေါ်မှာ ပန်းရောင်းရင်း သူမအား ဘုရားသခင်က လုံခြုံအောင်စောင့်ရှောက်ပေးနေလိမ့်မယ်လို့သာ မျှော်လင့်ကာ ဆုတောင်းနေခဲ့ကြရပါတယ်။

ကလေးမလေးက တကယ့်ကို လှပပါတယ်။သူမရဲ့အလှဟာ မြင်သူတိုင်းကို ချစ်ခင်မိသွားအောင် သွေးဆောင်စေမှာအမှန်ပါဘဲဗျာ။သူမအတွက် အန္တရာယ်ကင်းကင်းနဲ့ သူမရဲ့နေ့ရက်တိုင်းကို အဆင်ပြေစွာ ကုန်ဆုံးသွားစေဖို့ဘဲ မျှော်လင့်ကာဆုတောင်းပေးနေမိပါတယ်။

Mia (KBdailynews)

Reference : rachfeed