တကၠသိုလ္ေက်ာင္းသူေလး မေအးခ်မ္းမြန္ ဆိုင္ကယ္လု၊ အသတ္ခံရပီး အေလာင္းေဖ်ာက္မႈ
လူသတ္မႈက်ဴးလြန္ၿပီးဆိုင္ကယ္လုယူေရာင္းစားခဲ့သည္ဟုစြဲခ်က္တင္ထားေသာတပ္ၾကပ္ႀကီးစ်န္မင္းထက္အား၂၄.၇.၂၀၂၀ရက္ေန႔တြင္စီရင္ခ်က္ခ်ေတာ့မည္။
ကေလးၿမိဳ႕တြင္ တကၠသိုလ္ေက်ာင္းသူ မေအးခ်မ္းမြန္ အားသတ္ျဖတ္အေလာင္းေဖ်ာက္ဖ်က္ၿပီး မေအးခ်မ္းမြန္၏ scoppy ဆိုင္ကယ္အားယူေဆာင္ေရာင္းစားခဲ့ေသာ တပ္ၾကပ္ႀကီး စ်န္မင္းထက္ (Kwee Zingyi) အား ကေလးခရိုင္တရား႐ုံးတြင္စြဲခ်က္တင္လိုက္ၿပီးအမႈစစ္ေဆးခဲ့ရာ ဆယ္လခန္႔အၾကာ ယခုလာမည့္ ၂၄.၇.၂၀၂၀ ရက္ေန႔တြင္ ေနာက္ဆုံးအၿပီးသတ္အမိန္႔ခ်မွတ္ေတာ့မည္ျဖစ္ေၾကာင္းသိရပါသည္ ။
လူသတ္တရားခံစ်န္မင္းထက္သည္ တပ္မေတာ္သားတဦးျဖစ္သည့္အတြက္ စစ္ခုံ႐ုံးတြင္အရင္စစ္ေဆးခဲ့ရၿပီး အင္းဒင္ေက်းရြာ မွ ေရႊလုံး(စိုးသီဟ) ဆိုင္ကယ္အားခိုးယူေရာင္းစားမႈျဖင့္ စစ္ေထာင္ႏွစ္ႏွစ္ခ်မွတ္ခဲ့ၿပီး အရပ္ဖက္တရား႐ုံးသို႔အမႈဆက္လက္စြဲဆိုနိုင္ရန္ လႊဲအပ္ေပးခဲ့ျခင္းျဖစ္ၿပီး ကေလးခရိုင္တရား႐ုံးတြင္ မေအးခ်မ္းမြန္အားသတ္ခဲ့မႈ အေလာင္းေဖ်ာက္ဖ်က္ခဲ့မႈ ဆိုင္ကယ္ခိုးယူေရာင္းစားမႈတို႔ျဖင့္စြဲခ်က္တင္နိုင္ခဲ့ျခင္းျဖစ္ပါသည္ ။
ကေလးတကၠသိုလ္ေက်ာင္းသူတဦးျဖစ္သည့္ မေအးခ်မ္းမြန္အားတကၠသိုလ္စာေမးပြဲမ်ားၿပီးသည့္ ၂၅.၉.၂၀၁၉ရက္ေန႔တြင္သတ္ျဖတ္ခဲ့သည့္အတြက္ စ်န္မင္းထက္အား ကေလးၿမိဳ႕မရဲစခန္းတြင္ (ပ)၂၁၄၆/၂၀၁၉ ရာဇသတ္ႀကီးဥပေဒ လူသတ္မႈ ပုဒ္မ ၃၀၂ အေလာင္းေဖ်ာက္ဖ်က္မႈပုဒ္မ ၂၀၁ တို႔ျဖင့္ အမႈဖြင့္ထားခဲ့ေၾကာင္းသိရပါသည္ ။
မိန္းကေလးတဦး အားရက္စက္စြာသတ္ျဖတ္ခဲ့ေသာ စ်န္မင္းထက္အား ၿပီးခဲ့သည့္ ၁၆.၁.၂၀၂၀ ရက္ေန႔တြင္ အမႈစတင္စစ္ေဆး႐ုံးထုတ္ခဲ့ျခင္းျဖစ္ေၾကာင္းသိရပါသည္ ။
မေအးခ်မ္းမြန္ရက္စက္စြာသတ္ျဖတ္ခံခဲ့ရျခင္းေၾကာင့္ဖခင္ႀကီး ဦးေမာင္ေမာင္မွာလည္းအစားအေသာက္မဝင္ေတာ့ေလာက္ေအာင္စိတ္ထိခိုက္မႈျဖစ္ၿပီး ၆.၅.၂၀၂၀ ရက္ေန႔ကဆုံးပါးကြယ္လြန္သြားခဲ့ရပါသည္ ။
မိမိတို႔ၿမိဳ႕သူေက်ာင္းသူေလးတစ္ဦးရက္စက္စြာသတ္ျဖတ္ခံရသျဖင့္ယူၾကဳံးမရဝမ္းနည္းေၾကကြဲၾကရၿပီး ျပစ္မႈက်ဴးလြန္ေသာတရားခံအား တရား႐ုံးမွ ထိုက္သင့္ေသာျပစ္ဒဏ္ခ်မွတ္နိုင္ေရးအတြက္ စိတ္ဝင္စားမႈမ်ားျမင့္တက္ေနၿပီး အမႈစီရင္ဆုံးျဖတ္မည့္ ၂၄.၇.၂၀၂၀ ရက္ေန႔တြင္တရား႐ုံးသို႔သြားေရာက္ၿပီးစီရင္ခ်က္ခ်မႈအားၾကည့္ရႈၾကမည္ျဖစ္ေၾကာင္းလည္းသိရပါသည္ ။ ။
ၿမိဳ႕ေစာင့္နတ္
unicode
တက္ကသိုလ်ကျောင်းသူလေး မအေးချမ်းမွန် ဆိုင်ကယ်လု၊ အသတ်ခံရပီး အလောင်းဖျောက်မှု
လူသတ်မှုကျူးလွန်ပြီးဆိုင်ကယ်လုယူရောင်းစားခဲ့သည်ဟုစွဲချက်တင်ထားသောတပ်ကြပ်ကြီးစျန်မင်းထက်အား၂၄.၇.၂၀၂ဝရက်နေ့တွင်စီရင်ချက်ချတော့မည်။
ကလေးမြို့တွင် တက္ကသိုလ်ကျောင်းသူ မအေးချမ်းမွန် အားသတ်ဖြတ်အလောင်းဖျောက်ဖျက်ပြီး မအေးချမ်းမွန်၏ scoppy ဆိုင်ကယ်အားယူဆောင်ရောင်းစားခဲ့သော တပ်ကြပ်ကြီး စျန်မင်းထက် (Kwee Zingyi) အား ကလေးခရိုင်တရားရုံးတွင်စွဲချက်တင်လိုက်ပြီးအမှုစစ်ဆေးခဲ့ရာ ဆယ်လခန့်အကြာ ယခုလာမည့် ၂၄.၇.၂၀၂၀ ရက်နေ့တွင် နောက်ဆုံးအပြီးသတ်အမိန့်ချမှတ်တော့မည်ဖြစ်ကြောင်းသိရပါသည် ။
လူသတ်တရားခံစျန်မင်းထက်သည် တပ်မတော်သားတဦးဖြစ်သည့်အတွက် စစ်ခုံရုံးတွင်အရင်စစ်ဆေးခဲ့ရပြီး အင်းဒင်ကျေးရွာ မှ ရွှေလုံး(စိုးသီဟ) ဆိုင်ကယ်အားခိုးယူရောင်းစားမှုဖြင့် စစ်ထောင်နှစ်နှစ်ချမှတ်ခဲ့ပြီး အရပ်ဖက်တရားရုံးသို့အမှုဆက်လက်စွဲဆိုနိုင်ရန် လွှဲအပ်ပေးခဲ့ခြင်းဖြစ်ပြီး ကလေးခရိုင်တရားရုံးတွင် မအေးချမ်းမွန်အားသတ်ခဲ့မှု အလောင်းဖျောက်ဖျက်ခဲ့မှု ဆိုင်ကယ်ခိုးယူရောင်းစားမှုတို့ဖြင့်စွဲချက်တင်နိုင်ခဲ့ခြင်းဖြစ်ပါသည် ။
ကလေးတက္ကသိုလ်ကျောင်းသူတဦးဖြစ်သည့် မအေးချမ်းမွန်အားတက္ကသိုလ်စာမေးပွဲများပြီးသည့် ၂၅.၉.၂၀၁၉ရက်နေ့တွင်သတ်ဖြတ်ခဲ့သည့်အတွက် စျန်မင်းထက်အား ကလေးမြို့မရဲစခန်းတွင် (ပ)၂၁၄၆/၂၀၁၉ ရာဇသတ်ကြီးဥပဒေ လူသတ်မှု ပုဒ်မ ၃၀၂ အလောင်းဖျောက်ဖျက်မှုပုဒ်မ ၂၀၁ တို့ဖြင့် အမှုဖွင့်ထားခဲ့ကြောင်းသိရပါသည် ။
မိန်းကလေးတဦး အားရက်စက်စွာသတ်ဖြတ်ခဲ့သော စျန်မင်းထက်အား ပြီးခဲ့သည့် ၁၆.၁.၂၀၂၀ ရက်နေ့တွင် အမှုစတင်စစ်ဆေးရုံးထုတ်ခဲ့ခြင်းဖြစ်ကြောင်းသိရပါသည် ။
မအေးချမ်းမွန်ရက်စက်စွာသတ်ဖြတ်ခံခဲ့ရခြင်းကြောင့်ဖခင်ကြီး ဦးမောင်မောင်မှာလည်းအစားအသောက်မဝင်တော့လောက်အောင်စိတ်ထိခိုက်မှုဖြစ်ပြီး ၆.၅.၂၀၂၀ ရက်နေ့ကဆုံးပါးကွယ်လွန်သွားခဲ့ရပါသည် ။
မိမိတို့မြို့သူကျောင်းသူလေးတစ်ဦးရက်စက်စွာသတ်ဖြတ်ခံရသဖြင့်ယူကြုံးမရဝမ်းနည်းကြေကွဲကြရပြီး ပြစ်မှုကျူးလွန်သောတရားခံအား တရားရုံးမှ ထိုက်သင့်သောပြစ်ဒဏ်ချမှတ်နိုင်ရေးအတွက် စိတ်ဝင်စားမှုများမြင့်တက်နေပြီး အမှုစီရင်ဆုံးဖြတ်မည့် ၂၄.၇.၂၀၂၀ ရက်နေ့တွင်တရားရုံးသို့သွားရောက်ပြီးစီရင်ချက်ချမှုအားကြည့်ရှုကြမည်ဖြစ်ကြောင်းလည်းသိရပါသည် ။ ။
မြို့စောင့်နတ်