ဆိုင်ကယ်လုံးဝအခိုးမခံရအောင်ကာကွယ်နည်
================================
(ဆိုင်ကယ်ကို အိမ်သော့နဲ့ ခတ်ဖို့ မရှက်ကြပါနဲ့)
ဆိုင်ကယ်သူခိုးများသည် ဇက်သော့အားခြေထောက်ဖြင့်
တွန်းကန်ကာ ဇက်သော့ကို ၂ စက္ကန့်အတွင်း ကျိုးသွားအောင် လုပ်ပြီးဆိုင်ကယ်ကို
တွန်းသွားခြင်းနောက်ထပ်ဆိုင်ကယ်ဖြင့်ခြေဖြင့်ကန်မောင်းသွားခြင်း စသဖြင့် ခိုးကြရာတွင် စီစီတီဗီ ကင်မရာမှ မြင်ရသော်လည်း ဘာမှ ပြန်လုပ်ယူ၍ မရတော့တာကို တွေ့ရပါတယ်။
ဂျီပီအက်စ် တပ်ထားသော်လည်း ခိုးယူသည့်အချိန် အလျင်မြန် လိုက်နိုင်မှ တော်ကာ ကျမှာပါ။ အဲ့ဒီတော့.. ကျနော်တို့ အစထဲက ခိုးဖို့ မလွယ်အောင် ခိုးဖို့အချိန်ကို သူခိုးအတွက် အချိန်များများမရအောင် ယခု နည်းလမ်းက အဆင်ပြေမလားလို့ပါ။
ရှေ့ဘီး ဒစ်ဘရိတ်သံကွင်းက အပေါက်လေးတွေမှာ အိမ်သော့အသေးလေးကိုခတ်ထားလိုက်ပါ။ တော်ရုံအချိန်နဲ့ဘယ်လိုမှ ခိုးလို့မရပါ။ ဆိုင်ကယ်ကို တွန်းသွားလို့လည်း မရပါ။
ဇက်သော့ကျိုးသွားခဲ့ရင်တောင် ဆိုင်ကယ်ကို ထားခဲ့မှပဲ ရပါ့မယ်။ သယ်ရတာလဲ လွယ်ပါတယ်။ သော့တလုံးမှ ၂၀၀၀ / ၃၀၀၀ လောက်ပဲရှိပါတယ်။
ဘယ်သူ ဘာပြောပြော ဇက်သော့ကို ညာဘက်စောင်းခတ်ကြပါ ( ဘယ်ဘက်စောင်းခတ်ရင် ခြေဖြင့်ကန်ချိုးရလွယ်လို့ပါ)
ဂီယာဘီး တွေဆိုရင် ဂွထောက်ကြီး ထောက်ပြီးတော့ ဂွထောက် ရဲ့ကွင်းမှာ သော့ခလောက် ခတ်ထားလိုက်ပါ။လက်ဖက်ရည်ဆိုင်ထိုင်ရင် ဆိုင်ကယ်ကို မြင်ရတဲ့ နေရာမှာ ထိုင်ပါ။ ပြောချင်တဲ့သူ ပြောပါစေ ဆိုင်ကယ်ကိုရှေ့ဘီးသံကွင်းမှာ အိမ်သော့ခလောက် ခတ်ထားပါ။
ပျောက်သွားရင် ဘယ်သူမှ လာလျော်ပေးမှာမဟုတ်လို့ပါ ( သော့ခလောက်ခတ်တာကိုလူတွေမြင်ရင်ရှက်တယ်ဆိုတဲ့သူတွေရှိလို့ပါ)။ ဇက်သော့ခတ်တဲ့အခါ ဇက်ကိုညာဘက် စောင်းခတ်ကြပါ။
#Sai Kyaw Zayar
