နေ့သစ်တိုင်း မျက်နှာသစ်ချိန်မှစ ကုသိုလ်(၅)မျိူး ရအောင်ယူနည်း “နံနက်ခင်းအိပ်ယာထ မျက်နှာသစ်ချိန်မှာ အရယူနိုင်တဲ့ ကုသိုလ်(၅)မျိူး” (၁)ဒါနကုသိုလ်၊ မနက်အိပ်ယာထမျက်နှာသစ်တော့မယ်ဆိုရင် ရေဖလားထဲကို ရေထည့်လိုက်ပါ။ မျက်စိနဲ့မြင်သာမယ့် ရင်ခေါင်းလောက်မှာ ရေဖလားကိုကိုင်ထားပါ။ ရေဖလားကိုအပေါ်တော့ မမြှောက်လိုက်ပါနဲ မတ္တာပို့တဲ့အခါ အဆင်မပြေမှာစိုးလို့ပါ။ လက်ကကိုင်ထားတဲ့ရေဖလားနဲ့ ”မြတ်စွာဘုရား မျက်နှာသစ်တော်ရေ ကပ်လှူပါ၏ဘုရား။ ဘုရားတပည့်တော်ကို သနားချီးမြှောက်သောအားဖြင့် မျက်နှာသစ်တော်မူပါဘုရား” လို့ဆိုပြီးကပ်လိုက်ပါ။ ဒါဆိုဒါနကုသိုလ်ဖြစ်သွားပါပြီ။ (၂)ဗုဒ္ဓနုသာတိကုသိုလ်၊ မြတ်စွာဘုရား မျက်နှာသစ်တော်ရေ အသုံးပြုနေတုန်းမှာ အရဟံကိုအနက်(၃)ခုနဲ့ပွါးလိုက်ပါ။ အရဟံ = ကိလေသာမြူမှုန်ပင် ကင်းစင်တော်မူသော မြတ်စွာဘုရား၊ အရဟံ = ပူဇော်အထူးကို အထူးခံယူတော်မူထိုက်သောမြတ်စွာဘုရား။ အရဟံ = ဆိတ်ကွယ်ရာအရပ်မှာပင် မကောင်းမှုကိုမပြုတော်မူသောမြတ်စွာဘုရား။ ဒါဆိုဗုဒ္ဓနုသာတိ ကုသိုလ်ဖြစ်သွားပါပြီ။ (၃)မေတ္တာကုသိုလ်၊ ကြည်လင်နေတဲ့ရေကိုကြည့်ပြီး ဤရေအေးမြသလို အဖေနဲ့အမေ စိတ်ကောရုပ်ကောအေးမြပါစေ။ ဤရေ အေးမြသလို […]
