ပုဂံ ရွှေစည်းခုံစေတီတော် ဘုရားသမိုင်းနှင့် အတွင်းအံ့ဖွယ် (၉)ပါး၊ အပြင်အံ့ဖွယ် (၉)ပါး ပုဂံပြည့်ရှင် အနော်ရထာမင်းလက်ထက်တွင်သီဟိုဠ်ကျွန်း၏ ဘုရင် ပထမဝိဇယဗာဟု မင်းကြီး၏ အကူအညီတောင်းခြင်းကြောင့် ရဟန်းသံဃာတော်များ၊ ပိဋကတ်သုံးပုံ ကျမ်းစာများနှင့် ဆင်ဖြူတော်တစ်စီးတို့ကို အကူအညီပေးခဲ့သည်။ ပထမဝိဇယဗာဟုမင်းကလည်း အနော်ရထာမင်း၏ကျေးဇူးကိုတုံ့ပြန်သောအားဖြင့် မြတ်စွာဘုရား၏ စွယ်တော်ပွားကိုအနော်ရထာမင်းထံဓမ္မလက်ဆောင်ပြန်လည် ပေးပို့ခဲ့သည်။ အနော်ရထာမင်းကြီးသည် စွယ်တော်မြတ်ကို နန်းတော်ရှေ့ ရတနာပြဿဒ်တွင်ကိန်းဝပ်စေပြီး ပူဇော် ဝတ်ပြုခဲ့သည်။ထိုအခါ မင်းဆရာဖြစ်သော ရှင်အရဟံမထေရ်က သတ္တဝါအားလုံး ကိုးကွယ်နိုင်စေရန် စေတီတည်ပါဟု မင်းကြီးအား အကြံဉာဏ်ပေးခဲ့သည်။ အနော်ရထာမင်းလည်း ရှင်အရဟံမထေရ်၏ အကြံဉာဏ်မှာ အလွန်လျော်ကန် သင့်မြတ်သည့်အတွက် စေတီတည်၍ တည်ထားကိုးကွယ်ရန် ဆောင်ရွက်ခဲ့သည်။ မင်းကြီးသည် စွယ်တော် ကိန်းဝပ်လိုသောအရပ်တွင် ဆင်ဖြူတော် ရပ်စေသတည်း ဟု အဓိဌာန်၍ ဆင်ဖြူတော်၏ကိုယ်ပေါ်တွင် စွယ်တော်ကြုတ်တင်၍ လွှတ်လိုက်လေသည်။ ဆင်ဖြူတော်သည် […]
