မိန်းကလေး အများစုရဲ့ ချစ်သူစံချိန်တွေ ထဲမှာ အရပ်ရှည်ခြင်း ဆိုတာလည်း ပါဝင်လေ့ ရှိပါတယ်။ ဒါပေမယ့် အရပ်ပုပု ကောင်မလေးတစ်ယောက်နဲ့ အရပ်ရှည်ရှည် ကောင်လေးတစ်ယောက် တကယ်တမ်း ချစ်သူတွေ ဖြစ်သွားကြတဲ့အခါမှာ တော့
စိတ်ကူးယဉ် အတွေးထဲကလို ရိုမန့်တစ် ဆန်မနေဘဲ တချို့အရာတွေကကမောက်ကမနဲ့ ရယ်စရာကောင်းစေပါ တယ်။သူတို့ နှစ်ဦး တွဲသွားတဲ့ အခါ ဘယ်လို ရယ်ရွှင်စရာ၊ကမောက်ကမလေးတွေ ဖြစ်တတ်သလည်း ဆိုတာ အောက်မှာဆက်လက် ဖော်ပြပေးထားပါတယ်။
၁။ စုံတွဲပုံ ရိုက်တဲ့အခါ
အရပ်ရှည်ရှည် ကောင်လေးတွေနဲ့ တွဲတဲ့ ကောင်မလေးတွေရဲ့ ကမောက်ကမ ဖြစ်ရပ်တစ်ခု ကတော့ ဆယ်လ်ဖီပုံရိုက်တိုင်း အဆင်မပြေ ဖြစ်ခြင်းပါပဲ။ ထိုင်ရိုက်ရင်အဆင်ပြေနိုင် ပေမယ့် ရှုခင်း လှလှလေးတွေ ရှိတဲ့
နေရာမျိုးရောက်တဲ့ အခါသူများတွေလို မှတ်တမ်းတင်နိုင်ဖို့ စုံတွဲပုရိုက် လိုက်တိုင်း ရှည်လွန်းတဲ့ ကောင်လေးရဲ့အရပ်ကြောင့် ကောင်မလေး ခမျာ ခေါင်းတစ်ဝက်၊ မျက်နှာတစ်ပိုင်းပုံတွေနဲ့သာ ဖြစ်တတ်ပြီး စုံတွဲပုံ ဆယ်လ်ဖီ ကောင်းကောင်းရဖို့ တော်တော်ကို ကြိုးစားယူရ တတ်ပါတယ်။
၂။ ကောင်လေးရဲ့ အဝတ်တွေနဲ့ ဆက်ဆီမကျနိုင်ပါ
ရုပ်ရှင်ဇာတ်လမ်းတွေ ထဲမှာ မကြာခဏ မြင်ဖူးနေသလိုပဲ မင်းသမီးက မင်းသားရဲ့ ရှပ်အင်္ကျီကို ယူဝတ်ထားတာ တော်တော်ကြည့်လို့ ကောင်းတာကို မိန်းကလေးတိုင်း အားကျဖူးမှာပါ။ ကိုယ့်အလှည့်ရောက်တဲ့ အခါမှာတော့ ဆက်ဆီမကျ နိုင်ဘဲ လူကြီးအင်္ကျီ ကလေး ယူဝတ်ထား သလို ဖို့ရို့ဖားယား ဖြစ်နေတတ်တာ ပါပဲ။
၃။ တူတူရေကူးဖို့ မစဉ်းစားရဲ
ကမ်းခြေလို နေရာမျိုးတွေ သွားတဲ့ အခါ တူတူ ရေဆင်းကူးဖို့ ကတော့ နည်းနည်း ကြက်သီးထစရာ ဖြစ်ပါတယ်။ အရပ်ချင်းက တော်တော် ကွာနေတဲ့ အတွက် ကောင်လေးအတွက် သင့်တော်တဲ့ နေရာဆို ကောင်မလေးက “ပလုံ စွက်” ဆိုပြီး မြုပ် နေလောက် ပါပြီ။
၎။ ခြေလှမ်းကျဲကြီးတွေ နောက် လိုက်ရတာ လျှာထွက်
အရပ်ရှည်သလို ခြေလှမ်းကြီးတွေ ကလည်း ကျဲတဲ့အတွက် တူတူလမ်းလျှောက် ထွက် ကြတဲ့အခါ တြစ်ခားသော ချစ်သူစုံတွဲ တွေလို ကဗျာဆန်ဆန်လေး လက်တွဲ မလျှောက်နိုင်ဘဲ သူ့နောက်အမှီလိုက်နေ ရတာနဲ့တင် ကောင်မလေးခမျာ မာရသွန် ပြေးနေရသလို ခံစားရနိုင် ပါတယ်။
၅။ မိုးရေထဲမှာ လမ်းလျှောက်ထွက်တဲ့ အခါ
ရွာနေတဲ့မိုးတွေကြားမှာ ချစ်ရသူနဲ့ အတူ ထီးကလေး တစ်ချောင်းကို နှစ်ယောက်တူတူ ဆောင်းပြီး လမ်းလျှောက်ရတာ လောက် ကဗျာဆန်ပြီး ရင်ခုန်စရာကောင်းတဲ့ အချိန် ရှိမယ် မထင်ပါဘူး။ ဒါပေမယ့် ဒီလိုတိုရှည်စုံတွဲ မှာတော့ ရိုမန့်တစ် မဆန်နိုင် ရှာပါဘူး။ သူ့အရပ် ရှည်ရှည်ကြီးကို လုံဖို့ ဆောင်းထားရတဲ့ ထီးအောက်မှာ ကောင်မလေးလည်း ကြွက်စုတ်လေးလို စိုရွှဲရ ပါတော့တယ်။
၆။ နားကျပ်တဖက်စီ တပ်ရင်း လမ်းတွေလျှောက်ကြတဲ့ အခါ
ဒါဟာလည်း စုံတွဲတွေ ပြုလုပ်တတ်ကြတဲ့ ကြည်နူးစရာ အပြုအမူလေးတစ်ခု ဖြစ်ပါတယ်။ ဒါပေမယ့် ညှိမရတဲ့ အရပ်အနိမ့်အမြင့်ရဲ့ ကြားထဲမှာ နားကျပ်ကြိုးလေး ခမျာလည်း သနားစရာ ကောင်းလှပါတယ်။
၇။ ကိုယ့်ချစ်သူကိုယုံပြီး မှန်ကို ချိတ်ခိုင်းမိတဲ့ အခါ
ကောင်မလေးတွေဟာ အသေးအဖွဲလေးတွေကအစ ချစ်သူအပေါ် အားကိုးမှီတွယ်ချင် တတ်ကြပါတယ်။ ဒါကြောင့် မှန်တွေဘာတွေ နံရံမှာ ချိတ်ခိုင်းမိတဲ့ အခါမှာတော့ ငါးပါးမှောက်တတ် ပါတယ်။ သူ့အရပ်နဲ့ သူမြင်ရနိုင်မယ့် အမြင့်အနေ အထားမှာ ချိတ်ထားတတ် တာကြောင့် ကောင်မလေးခမျာ ခုန်ကြည့်မှသာ ကိုယ့်မျက်နှာကိုယ် မှန်ထဲ မြင်ရနိုင်တာမျိုး ဖြစ်တတ်ပါတယ်။
၈။ VIP ခုံနေရာ
ကမောက်ကမတွေချည်းပဲ ဖြစ်တတ်တာ မဟုတ်သေးပါဘူး။ အရပ်ရှည်တဲ့ သူကို ချစ်သူတော်ထားတဲ့အခါ ရှိုးပွဲတွေ၊ EDM ပွဲတွေ သွားတဲ့ အခါမျိုးမှာတော့ မမြင်ရမှာ စိုးရိမ်စရာ မလိုပါဘူး။ ကိုယ်ပိုင် ဗွီအိုင်ပီခုံနေရာ ရှိထားပြီးသားမို့ ပါပဲ။
၉။ ကလေးလေးလို တိုးဝှေ့ဆိုးနွဲ့
ကိုယ့်အသက်က ဘယ်လောက်ပဲ ကြီးနေနေ၊ သူ့မျက်စိထဲမှာ လူကောင်သေးသေးလေးနဲ့ ကလေးမလေးလို့ပဲ မြင်နေမှာ ဖြစ်တဲ့အတွက် ကလေးလိုပဲ ဆိုးနွဲ့ပြီး သူ့အပေါ် တီတီတာတာ လုပ်နိုင်ပါတယ်။
Credit
