အမြဲအဆင်ပြေချင်ယောင်ဆောင်တဲ့လူတွေဟာ ပိုခံစားရတယ်ဆိုတဲ့အကြောင်းရင်း (၄) ခု -

ဘယ်လို ကိစ္စတွေ ပဲကြုံလာကြုံလာ ဘယ်သူ့ကိုမှ ထုတ်မပြောဘဲ၊ ဘယ်သူ့ကိုမှ ပေးမသိချင်ဘဲ တစ်ယောက်တည်း ကြိတ်ခံစားတတ်တဲ့ လူမျိုးတွေ ရှိလား။

ဒီလိုလူတွေဟာ အဆင်မပြေမှုတွေကို ပေါ်ပေါ်ထင်ထင် ထုတ်ပြလေ့ ရှိတဲ့ လူမျိုးတွေထက် ပိုပြီး ခံစားနေကြရတယ် ဆိုတာ သင်သိပါသလား။ ဘာကြောင့်လဲ ဆိုရင်

ခါးဆီးခံရတယ်

ဖြစ်သမျှ အကြောင်းအရင်းတွေ အကုန်လုံး ဘယ်သူ့ကိုမှမပြောတတ်တဲ့ အတွက်ကြောင့် ထုတ်ပြောတဲ့ သူထက်စာရင် ပိုပြီးတော့ ဒုက္ခတွေကို ခါးဆီးခံ ရတတ် ပါတယ်။

ဟန်ဆောင်ရတယ်

ကိုယ့်ပတ်ဝန်းကျင်ကို ဒုက္ခမပေးချင် တာကြောင့် ပဲဖြစ်ဖြစ် ကိုယ်ပျော့ညံ့နေတာ မသိစေချင်လို့ပဲဖြစ်ဖြစ် အဆင်မပြေမှုတွေကို ဘာမှမဖြစ်သလို ဟန်ဆောင်တတ် ကြပါတယ်။

ဒီလို အချိန်မှာ တစ်ဖက်က အဆင်မပြေမှုကြောင့် ခံစားရတာက တစ်ဖက်၊ ဘယ်သူမှမသိအောင် ပျော်နေတယ်လို့ ဟန်ဆောင်ရတဲ့ စိတ်ပင်ပမ်းမှုက တစ်ဖက်နဲ့မလို့ ၂ ဆ၊ ၃ ဆလောက် ပင်ပမ်းကြ ရမှာပါ။

ပိုအထီးကျန်တယ်

ကိုယ်ကိုယ်တိုင်ကကို ကိုယ့်ရဲ့အဆင်မပြေတာတွေ၊ စိတ်ညစ်စရာတွေ၊ ဝမ်းနည်းစရာတွေကို သူများမသိအောင် တံတိုင်း တစ်ခုလို ကာရင်း တခြားလူတွေနဲ့ ရင်းနှီးမှုတွေပါ ခဏလောက်မှိန်သွားတတ်ကြ ပါတယ်။ ဒီလိုဖြစ်လာ တဲ့အခါ တစ်ယောက်တည်းနေ လာရင်း အထီးကျန်လာတတ်ကြ ပါတယ်။

ပိုမွန်းကြပ်တယ်

အဆင်မပြေမှုတွေ ထွေးပိုက်ပြီး အဆင်ပြေ ချင်ယောင် ဟန်ဆောင်နေရမယ်၊ ဘေးမှာရှိတဲ့လူတိုင်းကိုလည်း ပိတ်ချ ထားမယ်။ ဒီလိုမျိုး ဟန်ဆောင်မှုတွေဟာ အာဗြဲနဲ့ လူတိုင်းသိအောင် အဆင်မြပေမှုတွေကို ငြီးပြ တတ်တဲ့ လူတွေထက် ပိုပြီးကို မွန်းကြပ် ရတယ်၊ ခံစား ရတတ်ပါတယ်။

စိတ်ပညာရှင် တော်တော်များများ ကတော့ အဆင်ပြေချင်ယောင်ဆောင် တတ်တဲ့လူတွေ ဟာ ထုတ်ပြောပြတတ်တဲ့ လူတွေထက် ပိုပြီး စိတ်အခြေအနေ ဆိုးရွားစေ နိုင်တယ်လို့ ပြောထားပါတယ်။

အထူးသဖြင့် Smile Depression ဆိုတဲ့ စိတ်ကျရောဂါ တစ်မျိုးကို ခံစားနိုင်ရပါတယ်။ ဒါကြောင့် အရှိကိုအရှိတိုင်းပဲ ခံစား ပစ်ပါ။ ရင်းနှီးယုံကြည် ရတဲ့ တစ်ယောက်ယောက်ကို ရင်ဖွင့်ပါ။ အကောင်းဖက်ကပဲ အမြဲတွေးပါ။

penny

Unicode