ကမ္ဘာကျော်ဘောလုံးနတ်ဘုရားကြီး ပီလီဟာ ၂၀၂၂ ဒီဇင်ဘာ ၂၉ ရက်မှာ ကွယ်လွန်သွားပြီလို့ သိရှိရပါတယ်။ ကွယ်လွန်ချိန်မှာ အသက် ၈၂ အရွယ်ရှိတဲ့ ဘောလုံးနတ်ဘုရားကြီး ပီလီဟာ ဆင်းရဲတဲ့ဘဝကနေစခဲ့ရပြီး သမိုင်းမှာ လူသိအများဆုံးအားကစားသမားတဦးအဖြစ် ထွန်းတောက်ခဲ့တာဖြစ်ပါတယ်။ ကမ္ဘာ့ဖလားကို ၃ ကြိမ်ရဖူးထားတဲ့ တဦးတည်းသော ဘောလုံးကစားသမားလည်းဖြစ်ပါတယ်။ ပီလီဟာ ၂၀၂၂ ခုနှစ် ကမ္ဘာ့ဖလားကျင်းပနေစဉ်မှာပဲ ခံစားနေရတဲ့ ကင်ဆာဝေဒနာကို ဆက်လက် ကုသလို့ မရတော့တဲ့ အခြေအနေနဲ့ ကြုံတွေ့ခဲ့ရပါတယ်။ ၂၀၂၂ ကမ္ဘာ့ဖလားအပြီး နှစ်ပတ် မပြည့်ခင်မှာဘဲ ကွယ်လွန်သွားခဲ့တာ ဖြစ်ပါတယ်။ ပီလီဟာ ၁၉၅၈၊ ၁၉၆၂ နှင့် ၁၉၇၀ ကမ္ဘာ့ဖလားပြိုင်ပွဲတွေမှာ ဘရာဇီးအသင်း ဗိုလ်စွဲဖို့ အဓိကနေရာက ပါဝင်ခဲ့တာ ဖြစ်ပါတယ်။ ပီလီဟာ အမြန်နှုန်းနှင့် ခန္ဓာကိုယ် ဟန်ချက်ထိမ်းသိမ်းမှုတို့ကို […]
