လတ်တလော ကြုံတွေ့နေကြရတဲ့ ငွေသားရှားပါးမှုပြဿနာပြေလည်နိုင်စေဖို့ ဗဟိုဘဏ်က ရွှေနဲ့ အိမ်ခြံမြေ အရောင်းအဝယ်ပြုလုပ်ရာတွင် အများဆုံး ပေးချေနိုင်တဲ့ငွေသားပမာဏသတ်မှတ်ဖို့ စီစဉ်နေတယ်လို့ သိရပါတယ်။ ရွှေ၊ အိမ်ခြံမြေ ဝယ်ရောင်းလုပ်ငန်းတွေမှာ အများဆုံး ပေးချေနိုင်တဲ့ ငွေသားပမာဏ သတ်မှတ်ထားပြီး သတ်မှတ်ပမာဏ ကျော်လွန်ပါက ဘဏ်စနစ်အသုံးပြုပြီးပေးချေစေဖို့ပါ ဆွေးနွေးပွဲတစ်ရပ်လုပ်ခဲ့တယ်လို့သိရပါတယ်။ အဆိုပါဆွေးနွေးပွဲမှာ ပြည်တွင်းအခွန်၊ ငွေကြေးဆိုင်ရာစုံစမ်းထောက်လှမ်းရေးအဖွဲ့အပါအဝင် ရွှေလုပ်ငန်းရှင်များအသင်း၊အိမ်ခြံမြေ၀န်ဆောင်မှုအသင်း၊ဘဏ်အသင်း၊ ကုန်သည်စက်မှုအသင်းချုပ်နဲ့ ဗဟိုဘဏ် ဒုဥက္ကဌဒေါ်သန်းသန်းဆွေတို့ တွေ့ဆုံဆွေးနွေးခဲ့ကြတယ်လို့ သိရပါတယ်။ လက်ရှိမှာ ဘယ်လောက်ပမာဏသတ်မှတ်ထားရှိမလဲဆိုတာ ဆွေးနွေးကြဆဲဖြစ်ပြီး တရားဝင်အတည်ပြုနိုင်ခြင်းမရှိသေးဘူးလို့ YGEA အသင်းတာဝန်ရှိသူတစ်ဦးကဆိုပါတယ်။ ဘာမှ ပီပီပြင်ပြင်ပြောလို့ မရသေးဘူး။ဆွေးနွေးနေဆဲအဆင့်မှာပဲရှိသေးတယ်။အစည်းအဝေးတွေမပြတ်သေးဘူး။သက်ဆိုင်ရာအသင်းအဖွဲ့များနဲ့ ကုန်သည်စက်မှုအသင်းချုပ်တို့တွေ့ဆုံပြီးဗဟိုဘဏ်ကို ပြန်လည်တင်ပြရဦးမှာဖြစ်တာကြောင့် ချက်ခြင်းသတ်မှတ်ဖို့မဖြစ်နိုင်သေးကြောင်’’ ပြောဆိုထားပါတယ်။ စည်းရုံးရေးကာလနဲ့သွားနေတာဆိုတော့ဝုန်းဒိုင်းထလုပ်လိုက်ရင် ဈေးနှုန်းတည်ငြိမ်နေတာတွေ ကမောက်ကမဖြစ်သွားမှာလည်း စိုးရိမ်တယ်လေ။ဒါကြောင့်ချက်ချင်းတော့လုပ်မှာ မဟုတ်သေးဘူး’’လို့ပြောပါတယ်။ Zawgyi ေ႐ႊႏွင့္အိမ္ၿခံေျမ ေရာင္းဝယ္မႈတြင္ သတ္မွတ္ ေငြသားပမာဏေက်ာ္လြန္ပါက ဘဏ္စနစ္အသုံးျပဳၿပီး […]
