သီရိမင်္ဂလာစျေး ဓမ္မာရုံအလှူခံမဏ္ဏပ်အမိုးအောက်မှာ ခိုနားနေရတဲ့ ဆင်ဂယ်မားသားလေးတယောက်ရှိပါတယ်။ နာမည်က သူဇာဝင်းတဲ့။ကလေးကမွေးကာစက ၃ပေါင်ဘဲရှိပါတယ်။ အခုမှရက်သားလေးဘဲ ရှိပါသေးတယ်ရှင်။ စျေးသူစျေးသားတွေကောင်းမှုကြောင့် ကလေးလေးတော့ မွေးနိုင်ခဲ့ပြီပေါ့။ ဧရာဝတီတိုင်း ရေကြည် အသုတ် ကလို့ပြောပါတယ်။ မိဘတွေဖုန်းနံပါတ်လည်းမသိတော့ပါဘူး။ ဦးလှစိုးနဲ့ဒေါ်လှလှဝင်းတို့ရဲ့သမီးပါ။ အလုပ်လုပ်ဖို့ရန်ကုန်ကိုရောက်လာတော့ ၁၈နှစ်လောက်ကပါ။ ပထမအုတ်သယ်တဲ့အလုပ်လုပ်နေရာက သီရိမင်္ဂလာစျေး ဖရဲသီးဒိုင်မှာအလုပ်ပြောင်းလုပ်ပါတယ်။ နေစရာမရှိတော့ စျေးမှာနေ စျေးမှာစား စျေးမှာအိပ်ရင်းနဲ့ သူ့လိုဘဲအလုပ်ကြမ်းလုပ်တဲ့ လှိုင်သာယာက ကိုဖြိုးဆိုသူနဲ့ချစ်ကြိုက်ခဲ့ပါတယ်တဲ့။ ကိုယ်ဝန်ရှိလာတော့ သကောင့်သားက ရှောင်သွားပါတယ်။ ဗိုက်တကားကားနဲ့အလုပ်လုပ်နေခဲ့ပြီး စျေးသူစျေးသားတွေကောင်းမှုနဲ့ကလေးလေးတော့မွေးပါပြီ။ ကလေးကိုဘယ်သူ့ကိုမှမပေးပါဘူး။ သူမွေးမှာပါတဲ့။ သွေးနုသားနုမှာမျက်နှာတွေအန်း၊ အသားတွေဝါပြီး နည်းနည်းဖောရောင်နေပါတယ်။နေသိပ်မကောင်းပါဘူး။ မိဘတွေများတွေ့ခဲ့လို့ လာခေါ်မယ်ဆိုအိမ်ပြန်ချင်ပါတယ်တဲ့။ သူ့ဖာသာမပြန်တတ်ပါ။ လှူချင်သူများရှိရင် သွားလှူလို့ရပါတယ်။ ကျမဆီကတဆင့်လှူလည်းရပါတယ်။ သွားကြည့်ပေးနေတဲ့ ကိုပိုင်မြင့်မိုနဲ့ညီမဝတ်ရည်လှိုင်ဆီကတဆင့်လှူလည်းရပါတယ်။ မိဘဆီကို အသက်၂၀အရွယ် ကောင်မလေးသူဇာဝင်းနဲ့ရက်သားကလေးငယ်လေးကို ပြန်ပို့ပေးချင်ပါတယ်။ ကျမ မီဒီယာဆီမှာလည်းအကူအညီတောင်းကြည့်ပါဦးမယ်။ လောလောဆယ်တော့ဓမ္မာရုံအလှူခံမဏ္ဏပ်အမိုးအောက်မှာ […]
