Hip Hop အဆိုတော် ဗျူဟာ ကျန်းမာစွာရှိနေကြောင်း ဗျူဟာ၏ မိသားစုနှင့် ရင်းနှီးသူတစ်ဦးက ပြောသည်။ယနေ့နံနက် ၉နာရီခွဲခန့်က အဆိုတော်ဗျူဟာ နှင့် အိမ်ချင်းကပ်လျက်နေသူဟုဆိုသော အမျိုးသမီးတစ်ဦးက ၎င်း၏လူမှုကွန်ရက်ပေါ်တွင် ဗျူဟာ သေဆုံးသွားကြောင်း ဖော်ပြခဲ့သည့်အပေါ် မဟုတ်မှန်ကြောင်း ဗျူဟာ၏ မိသားစုနှင့် ရင်းနှီးသူတစ်ဦးက ငြင်းဆိုလိုက်ခြင်းဖြစ်သည်။ “ဘာမှ မဖြစ်ပါဘူး။အခုထိတော့ ကျန်းကျန်းမာမာပါပဲ။တစ်ခါတလေကျရင် သတင်းတွေအရမ်းထွက်တော့ အထဲက သူအတွက်မကောင်းနိုင်ဘူးလေ။ဒီလောက်ပဲပြောချင်ပါတယ်”ဟု ၎င်းက ပြောသည်။ ယနေ့နံနက် ၄နာရီခန့်က အဆိုတော်ဗျူဟာ သေဆုံးသွားသည်ဟု ဖော်ပြခဲ့သော အမျိုးသမီး၏ပို့စ်ကို ယနေ့မွန်းလွဲ ၂နာရီ ၂၄မိနစ်အထိ မျှဝေသူ ၇၁၇ဦးရှိခဲ့ပြီး ကူးယူဖော်ပြခဲ့သည့် လူမှုကွန်ရက်အကောင့်ပေါင်းများစွာရှိခဲ့သည်။ အဆိုတော်ဗျူဟာ၏ ညီဖြစ်သူ အဆိုတော် ရာဇဝင်ကလည်း “သတင်းတွေကို source သေချာမှshare ကြရန် မေတ္တာရပ်ခံပါသည် ခင်ဗျား”ဟု ၎င်း၏လူမှုကွန်ရက်ပေါ်တွင်ဖော်ပြထား […]
