ဒီကိစ္စက ယောင်္ကျားလေးတွေကြားမှာ တော်တော်အပြောများတဲ့ ကိစ္စတစ်ခုဖြစ်ပါတယ်။ မိန်းကလေးတစ်ယောက်ကို ကြည့်လိုက်ရုံနဲ့ အပျိုစစ်မစစ်ဆိုတာကို ခန့်မှန်းပြောလို့ရတယ်ဆိုတာက တကယ်ရော ဟုတ်နိုင်ပါ့မလား။ ပြီးတော့ အပျိုစင်မိန်းကလေးနဲ့ ပထမဆုံးအကြိမ်အတူနေရင် သွေးထွက်တယ်ဆိုတာကရော ခိုင်လုံတဲ့ အချက်တစ်ခုဖြစ်နိုင်သလား။ မိန်းကလေးတစ်ယောက်ရဲ့ ကိုယ်အင်္ဂါအစိတ်အပိုင်းတွေ၊ လှုပ်ရှားပုံတွေကို အပေါ်ယံလောက် ကြည့်ပြီး အပျိုစစ်မစစ် ပြောတာကတော့ မိန်းကလေးရဲ့ဂုဏ်သိက္ခာကို မလေးစားရာကြပါတယ်။ ဒါပေမယ့် ဒီလိုခန့်မှန်းချက်တွေကို အမှန်လို့ ထင်မှတ်မှားနေသူတွေလည်း ရှိပါတယ်။ ဒီခန့်မှန်းချက်တွေဟာ တကယ်ရောအမှန်ဖြစ်နိုင် မဖြစ်နိုင်ဆိုတာကို သိဖို့ လိုအပ်ပါတယ်။ ၁။ အပျိုမဟုတ်သူတွေ လမ်းလျှောက်ရင် ခြေထောက်ကားတယ် (မှား) ဒီအချက်က အများစုလက်ခံထားတဲ့ အမှားကြီးတစ်ခုဖြစ်ပါတယ်။ မိန်းကလေးတစ်ယောက် လမ်းလျှောက်တဲ့ပုံက သူမရဲ့ ခန္ဓာကိုယ်တည်ဆောက်ပုံနဲ့ပဲ ဆိုင်ပါတယ်။ တင်ပါးရိုးဘယ်လော်ကကျယ်၊ ပေါင်ဘယ်လောက်တုတ်တယ် ဆိုတာတွေပေါ်မှာ မူတည်ပါတယ်။ ဒီအချက်က မိန်းကလေးတစ်ယောက် အပျိုဟုတ်မဟုတ်နဲ့ […]
