ကျွန်ုပ်ငယ်စဉ်က အဘိုးအဘွားများနှင့် အနေများ ခဲ့လေသည်။ ညညများ ဆိုလျှင် အိမ်ရှေ့၌ ဖျာကြမ်းလေးခင်းကာ အဘိုးအဘွားများနှင့် အိမ်နီးချင်းလူကြီးများသည် ရေနွေးကြမ်းအိုးနှင့် လက်ဖက်သုပ် ပန်းကန်ကို ဝိုင်းလယ်တွင် ချ၍ ရောက်တတ်ရာရာ စကားများကို ပြောတတ်ကြလေ၏။ တစ်ခု သတိရနေ မိသည်မှာ ကျွန်ုပ်၏ အဘွားနှစ်ဝမ်းကွဲ တော်စပ်သော ဒေါ်မြသီ၏ အကြောင်း ဖြစ်လေတော့၏။ အဘွားဒေါ်မြသီ အပျိုပေါက် အရွယ်တွင် ဒေါ်မြသီကို အိမ်ထောင်ချပေးမည့် ကိစ္စနှင့် ပတ်သက်၍ ဒေါ်မြသီ၏ အဖေနှင့် အမေသည် လင်မယား ကွဲခဲ့ကြသည်ဟု သိရလေ၏။ ဒေါ်မြသီ၏ မိခင်ကြီးက သူ၏သမီးအား ကုန်သည် ကိုဖိုးတင်နှင့် ပေးစားလို၏ ဒေါ်မြသီ၏ ဖခင်ကြီးကမူ လခစားစာရေး ကိုသာစိန်နှင့် ပေးစားလို၏။ မည်သို့မျှ ညှိနှိုင်း၍ မရကြဘဲ နောက်ဆုံးတွင် […]
