နေ့စဉ်လူနေမှု့ဘဝကိုရိုက်ခတ်လာနေတဲ့ ဒေါ်လာဈေးအတက်နှင့် “ဆ” ၃ လုံး ၂၀၂၁ ခုနှစ်နှစ်ဦးပိုင်းမှာ ၁၃၅၀ ဝန်းကျင်ရှိရာကနေယခု ၂၀၀၀ ကျော်ဖြစ်လာတော့ဝင်ငွေမတိုးဘဲကုန်ဈေးနှုန်းကြီးမြင့်တဲ့ဒဏ်က ဆင်းရဲတွင်းထဲဆင်းနေတာမရပ်ဖြစ်နေပါတယ်။ဒေါ်လာဈေးအတက်ကလည်းနေ့စဉ်လူနေမှု့ဘဝကိုရိုက်ခတ်နေပါတယ်။ ၇ လကျော်အတွင်းငွေကြေးဖောင်းပွမှု့က ၄၀% ကျော်ကိုရောက်လာပါပြီ။ ယခုဆိုရင် ၅၀% ကျော်ဖို့ဟန်ရေးတပြပြဖြစ်နေတဲ့မြန်မာ့ငွေကြေး။ရှိထားတဲ့ငွေ ၅၀% အငွေ့ပျံသလိုပျောက်သွားတာကစိတ်ပျက်စရာကောင်းလှပါတယ်။ အချို့ကဒေါ်လာဈေးတက်တော့နိုင်ငံခြားကထုတ်ကုန်တွေဝယ်တာလျှော့ချ၊ မလိုတာမဝယ်ကြနဲ့ ၊ ဇိမ်ခံပစ္စည်းတွေအဝယ်ရပ်ဖို့ပြောကြပါတယ်။ ဒေါ်လာဈေးအတက်နှင့် “ဆ” (၃) လုံး စက်သုံးဆီ မြန်မာပြည်မှာဓါတ်ဆီ ဒီဇယ်ဆီကိုပြည်တွင်းထုတ်လုပ်မှု့မလုံလောက်လို့ဝယ်ရတာနိုင်ငံခြားငွေအမြောက်အများသုံးရပါတယ်။စက်သုံးဆီတွေဈေးတက်တော့သယ်ယူပို့ဆောင်စရိတ်တွေတက်လာပါတယ်။ရှမ်းပြည်နယ်ကအားလူးအရင်ကသယ်ယူပို့ဆောင်ခနဲ့ အခုသယ်ယူပို့ဆောင်ခမတူတော့ပါဘူး။သယ်ယူပို့ဆောင်စရိတ်တက်လာနဲ့အမျှကုန်ဈေးနှုန်းကကျွဲကူးရေပါတက်လာတော့ပါတယ်။ရိုးရှင်းပါတယ်။ စားသုံးဆီ နေကြာဆီ စားသုံးဆီအပါအဝင်နေစဉ်မီးဖိုချောင်သုံးဆီအမျိုးမျိုးနဲ့လုပ်ငန်းသုံးဆီတွေက ပြည်တွင်းထုတ်တာနဲ့မလုံလောက်ပါဘူး။တန်ပေါင်းများစွာပြည်ပကတင်သွင်းရပါတယ်။ဆီ ကြိုက်တဲ့မြန်မာတွေအတွက်နေ့စဉ်သုံးစားသုံးဆီတွေဒေါ်လာဈေးအတက်နဲ့အတူလိုက်တက်နေပါတယ်။မီးဖိုချောင်စရိတ်တွေတက်လာပါတယ်။ ဆေးဝါး မဖြစ်မနေဝယ်ယူနေရတဲ့ဆေးဝါးတွေအများစုကနိုင်ငံခြားကတင်သွင်းလာရတာပါ။ဆေးတွေသုံးဆွဲနေရသူတွေအနေနဲ့ထွက်ငွေပိုများလာပါတယ်။မိတ်ဆွေဆေးဆိုင်တစ်ဆိုင်ကဆေးဈေးနှုန်းတွေ ဈေးနှုန်းတက်တာနေ့စဉ်နဲ့အမျှပါတဲ့။အချို့ဆေးတွေ ၂၀% တက် ၊ ၃၀% တယ်ဆိုပါတယ်။မဖြစ်မနေဝယ်သောက်ရတဲ့မိသားစုတွေဒုက္ခကမသေးပါဘူး။ အထက်ဖော်ပြပါ (၃) မျိုးကမြန်မာပြည်အတွက်ဒေါ်လာတွေအများကြီးထွက်နေတာဖြစ်ပါတယ်။မဖြစ်မနေသုံးစွဲနေရတာဖြစ်နေလည်းပါပါတယ်။ ဒေါ်လာဈေးအတက်မှာပြည်တွင်းထုတ်ကုန်ကောင်းကောင်းရှိရင်တော့အကျိုးအမြတ်တွေရှိနိုင်ပါတယ်။ဒီနေရာမှာဒေါ်လာဈေးတက်လို့ဓါတ်မြေဩဇာဈေးတက်တယ်။သီးနှံဈေးကဒေါ်လာဈေးတက်သလောက်ရာခိုင်နှုန်းအတိုင်းလိုက်မတက်နိုင်ရင်ပိုပြီးဒုက္ခရောက်နိုင်ပါတယ်။ တရုတ်နယ်စပ်ပိတ်ထားတာ ကြီးကြီးမားမားပြင်ပရင်းနှီးမြုတ်နှံမှု့တွေမဝင်တာ ပြင်ပချေးငွေမရတာတွေကတော့အခက်တွေ့စရာပါ။ ဒေါ်လာဈေးတက်တာဘာမှမဖြစ်ပါဘူးဆိုသူတွေအနေနဲ့အထက်ဖော်ပြပါ “ဆ” […]
