ငွေကံမပွင့်သူများ၊ လာဘ်ပိတ်၍ စိတ်ညစ်နေသူများ သစ်တံခါးဆရာတော်ချီးမြှင့်သော ဒါနအဓိဌာန်လေး ဆောင်ရွက်ကြည့်ပါ ငွေကံမပွင့် လာဘ်လာဘတွေ ပိတ်ဆို့နေပါက လုပ်သမျှ မအောင်မြင်ဖြစ်နေပါက မိမိတို့စားမည့်ဆန်အိုးထဲမှ အနည်းငယ်မျှသောဆန်ကို ယူပြီး မြေကွက်လပ်နေရာတစ်ခု စီစဉ်ပြီး စာကလေးတွေကို အစာကျွေးပါ။ (အာရုံထားပုံ) စိတ်ထဲမှနေပြီး ယခုဒါနပြုခြင်းသည် မိမိတို့စားမည်ဖြစ်သော ဆန်အိုးထဲမှ၊ ဆန်အိတ်ထဲမှခွဲဝေ၍ ဒါနပြုခြင်း၊ အလှူဒါနပြုခြင်း ဖြစ်ပါ၏။ဤမှန်သော သစ္စာစကားတော်ကြောင့် စီးပွားကျ စိတ်ညစ်နေရပြီး ပိတ်ဆို့နေသော လာဘ်လာဘများ ပွင့်ပါစေ၊ လာဘ်လာဘတွေ ရွှင်ပါစေ၊ငွေဝင်ပါစေ၊ စိတ်မှ ရည်မှန်းပါ။ ယခုလာရောက်၍ သုံးဆောင် စားသုံးကြသော စာကလေး၊ ခို၊ကျီးငှက်ကလေးတွေဝမ်းသာပီတိဖြစ်ကာစားသုံးနိုင်၊ပျော်ရွှင်နိုင်သလိုပျော်ရွှင်ရပါလို၏။ သုံးဆောင်ရပါလို၏။ ဒါနအကျိုး ဆက်၍ တိုးပွားကာ ဆောင်ရွက်နိုင်ရပါလို၏ဟု စိတ်မှ ရည်မှတ် ပြောဆိုပါ။ လေယာဉ်သဖွယ် တစ်ကောင်ပြီးတစ်ကောင်ဆင်းသက်စားသောက် အသံပေးနေကြသောစာကလေးတွေ၊ငှက်ကလေးတွေကို ကြည့်ပြီးအလှူဒါနကိုပွားကာ ပီတိဖြစ်နေပါ။ […]
